Achyutashtakam Lyrics in Malayalam:
॥ അച്യുതാഷ്ടകം ॥
അച്യുതം കേശവം രാമനാരായണം കൃഷ്ണദാമോദരം വാസുദേവം ഹരിം ।
ശ്രീധരം മാധവം ഗോപികാവല്ലഭം ജാനകീനായകം രാമചന്ദ്രം ഭജേ ॥ 1॥
അച്യുതം കേശവം സത്യഭാമാധവം മാധവം ശ്രീധരം രാധികാരാധിതം ।
ഇന്ദിരാമന്ദിരം ചേതസാ സുന്ദരം ദേവകീനന്ദനം നന്ദനം സംദധേ ॥ 2॥
വിഷ്ണവേ ജിഷ്ണവേ ശങ്ഖിനേ ചക്രിണേ രുക്മിനീരാഗിണേ ജാനകീജാനയേ ।
വല്ലവീവല്ലഭായാഽര്‍ചിതായാത്മനേ കംസവിധ്വംസിനേ വംശിനേ തേ നമഃ ॥ 3॥
കൃഷ്ണ ഗോവിന്ദ ഹേ രാമ നാരായണ ശ്രീപതേ വാസുദേവാജിത ശ്രീനിധേ ।
അച്യുതാനന്ത ഹേ മാധവാധോക്ഷജ ദ്വാരകാനായക ദ്രൌപദീരക്ഷക ॥ 4॥
രാക്ഷസക്ഷോഭിതഃ സീതയാ ശോഭിതോ ദണ്ഡകാരണ്യഭൂപുണ്യതാകാരണഃ ।
ലക്ഷ്മണേനാന്വിതോ വാനരൈഃ സേവിതോഽഗസ്ത്യസമ്പൂജിതോ രാഘവഃ പാതു മാം ॥ 5॥
ധേനുകാരിഷ്ടകോഽനിഷ്ടകൃദ്ദ്വേഷിണാം കേശിഹാ കംസഹൃദ്വംശികാവാദകഃ ।
പൂതനാകോപകഃ സൂരജാഖേലനോ ബാലഗോപാലകഃ പാതു മാം സര്‍വദാ ॥ 6॥
വിദ്യുദുദ്ധയോതവാനപ്രസ്ഫുരദ്വാസസം പ്രാവൃഡംഭോദവത്പ്രോല്ലസദ്വിഗ്രഹം ।
വന്യയാ മാലയാ ശോഭിതോരഃസ്ഥലം ലോഹിതാംഘ്രിദ്വയം വാരിജാക്ഷം ഭജേ ॥ 7॥
കുഞ്ചിതൈഃ കുന്തലൈര്‍ഭ്രാജമാനാനനം രത്നമൌലിം ലസത് കുണ്ഡലം ഗണ്ഡയോഃ ।
ഹാരകേയൂരകം കങ്കണപ്രോജ്ജ്വലം കിങ്കിണീമഞ്ജുലം ശ്യാമലം തം ഭജേ ॥ 8॥
അച്യുതസ്യാഷ്ടകം യഃ പഠേദിഷ്ടദം പ്രേമതഃ പ്രത്യഹം പൂരുഷഃ സസ്പൃഹം ।
വൃത്തതഃ സുംദരം കര്‍തൃ വിശ്വംഭരം തസ്യ വശ്യോ ഹരിര്‍ജായതേ സത്വരം ॥ 9॥
॥ ഇതി ശ്രീശംകരാചാര്യവിരചിതമച്യുതാഷ്ടകം സമ്പൂര്‍ണം ॥
Also Read:
Achyutashtakam in Hindi | English | Telugu | Tamil | Kannada | Malayalam | Bengali | Oriya | Punjab | Gujarati
