Ashtaka

Aditya Ashtakam Lyrics in Telugu | ఆదిత్యాష్టకమ్

ఆదిత్యాష్టకమ్ Lyrics in Telugu:

ఉదయాద్రిమస్తకమహామణిం లసత్-
కమలాకరైకసుహృదం మహౌజసమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౧॥

తిమిరాపహారనిరతం నిరామయం
నిజరాగరఞ్జితజగత్త్రయం విభుమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౨॥

దినరాత్రిభేదకరమద్భుతం పరం
సురవృన్దసంస్తుతచరిత్రమవ్యయమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౩॥

శ్రుతిసారపారమజరామయం పరం
రమణీయవిగ్రహముదగ్రరోచిషమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౪॥

శుకపక్షతుణ్డసదృశాశ్వమణ్డలం
అచలావరోహపరిగీతసాహసమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౫॥

శ్రుతితత్త్వగమ్యమఖిలాక్షిగోచరం
జగదేకదీపముదయాస్తరాగిణమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౬॥

శ్రితభక్తవత్సలమశేషకల్మష-
క్షయహేతుమక్షయఫలప్రదాయినమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౭॥

అహమన్వహం సతురగక్షతాటవీ
శతకోటిహాలకమహామహీధనమ్ ।
గదపఙ్కశోషణమఘౌఘనాశనం
శరణం గతోఽస్మి రవిమంశుమాలినమ్ ॥ ౮॥

ఇతి సౌరమష్టకమహర్ముఖే రవిం
ప్రణిపత్య యః పఠతి భక్తితో నరః ।
స విముచ్యతే సకలరోగకల్మషైః
సవితుస్సమీపమపి సమ్యగాప్నుయాత్ ౯॥

ఇతి ఆదిత్యాష్టకం సమాప్తమ్ ॥