Ashtaka

Ashtabhujashtakam Lyrics in Malayalam | അഷ്ടഭുജാഷ്ടകം

അഷ്ടഭുജാഷ്ടകം Lyrics in Malayalam:

വേദാന്തദേശികകൃതം ।
(കാഞ്ച്യാം)
ഗജേന്ദ്രരക്ഷാത്വരിതം ഭവന്തം ഗ്രാഹൈരിവാഹം വിഷയൈര്‍വികൃഷ്ടഃ ।
അപാരവിജ്ഞാനദയാനുഭാവമാപ്തം സതാമഷ്ടഭുജം പ്രപദ്യേ ॥ 1॥

ത്വദേകശേഷോഽഹമനാത്മതന്ത്രസ്ത്വത്പാദലിപ്സാം ദിശതാ ത്വയൈവ ।
അസത്സമോഽപ്യഷ്ടഭുജാസ്പദേശ സത്താമിദാനീമുപലംഭിതോഽസ്മി ॥ 2॥

സ്വരൂപരൂപാസ്ത്രവിഭൂഷണാദ്യൈഃ പരത്വചിന്താം ത്വയി ദുര്‍നിവാരാം ।
ഭോഗേ മൃദൂപക്രമതാമഭീപ്സന്‍ ശീലാദിഭിര്‍വാരയസീവ പുംസാം ॥ 3॥

ശക്തിം ശരണ്യാന്തരശബ്ദഭാജാം സാരം ച സന്തോല്യ ഫലാന്തരാണാം ।
ത്വദ്ദാസ്യഹേതോസ്ത്വയി നിര്‍വിശങ്കം ന്യസ്താത്മനാം നാഥ വിഭര്‍ഷി ഭാരം ॥ 4॥

അഭീതിഹേതോരനുവര്‍തനീയം നാഥ ത്വദന്യം ന വിഭാവയാമി ।
ഭയം കുതഃ സ്യാത്ത്വയി സാനുകമ്പേ രക്ഷാ കുതഃ സ്യാത്ത്വയി ജാതരോഷേ ॥ 5॥

ത്വദേകതന്ത്രം കമലാസഹായ സ്വേനൈവ മാം രക്ഷിതുമര്‍ഹസി ത്വം ।
ത്വയി പ്രവൃത്തേ മമ കിം പ്രയാസൈസ്ത്വയ്യപ്രവൃത്തേ മമ കിം പ്രയാസൈഃ ॥ 6॥

സമാധിഭങ്ഗേഷ്വപി സമ്പതത്സു ശരണ്യഭൂതേ ത്വയി ബദ്ധകക്ഷ്യേ ।
അപത്രപേ സോഢുമകിഞ്ചനോഽഹം ദൂരാധിരോഹം പതനം ച നാഥ ॥ 7॥

പ്രാപ്താഭിലാഷം ത്വദനുഗ്രഹാന്‍മാം പദ്മാനിഷേവ്യേ തവ പാദപദ്മേ ।
ആദേഹപാതാദപരാധദൂരമാത്മാന്തകൈങ്കര്യരസം വിധേയാഃ ॥ 8॥

പ്രപന്നജനപാഥേയം പ്രപിത്സൂനാം രസായനം ।
ശ്രേയസേ ജഗതാമേതച്ഛ്രീമദഷ്ടഭുജാഷ്ടകം ॥ 9॥

ശരണാഗതസന്ത്രാണത്വരാ ദ്വിഗുണബാഹുനാ ।
ഹരിണാ വേങ്കടേശീയാ സ്തുതിഃ സ്വീക്രിയതാമിയം ॥ 10॥

ഇതി വേദാന്തദേശികകൃതം അഷ്ടഭുജാഷ്ടകം സമ്പൂര്‍ണം ।

Ads