Ashtamurti Ashtakam in English:
॥ aṣṭamūrtyaṣṭakam ॥
tuṣṭāvāṣṭatanuṁ hr̥ṣṭaḥ praphullanayanāñcalaḥ |
maulāvañjalimādhāya vadan jaya jayēti ca || 1 ||
bhārgava uvāca –
tvaṁ bhābhirābhirabhibhūya tamassamasta-
mastaṁnayasyabhimataṁ ca niśācarāṇām |
dēdīpyasē dinamaṇē gaganēhitāya
lōkatrayasya jagadīśvara tannamastē || 2 ||
lōkētivēlamativēla mahāmahōbhi-
rnirmāsi kaumuda mudaṁ ca samutsamudram |
vidrāvitākhila tamāssutamōhimāmśō
pīyūṣapūra paripūrita tannamastē || 3 ||
tvaṁ pāvanēpathi-sadāgatirapyupāsyaḥ
kastvāṁ vinā bhuvana jīvana jīvatīha |
stabdhaprabhañjana vivardhita sarvajantō
santōṣitāhikula sarvagatannamastē || 4 ||
viśvaika pāvakanatāvaka pāvakaika
śaktē r̥tē mr̥tabatāmr̥tadivyakāryam |
prāṇityadō jagadahō jagadantarātman
tatpāvaka pratipadaṁ śamadaṁ namastē || 5 ||
pānīyarūpa paramēśa jagatpavitra
citraṁ vicitra sucaritra karōṣinūnam |
viśvaṁ pavitramamalaṁ kila viśvanātha
pānāvagāhanata ētadatō natō:’smi || 6 ||
ākāśarūpa bahirantaritāvakāśa
dānādvika svara mahēśvara viśvamētat |
tvattassadā sadaya samśvasiti svabhāvā-
tsaṅkōcamēti bhavatōsmi natastatastvām || 7 ||
viśvaṁbharātmaka bibharti vibhōtraviśvaṁ
kō viśvanātha bhavatōnyatamastamō:’rē |
tattvāṁ vinā naśamināhi phaṇāhi bhūṣa-
stavyōparaḥ paratara praṇatastatastvām || 8 ||
ātmasvarūpa tavarūpa paramparābhi-
rābhistataṁ hara carācararūpamētat |
sarvāntarātmanilaya pratirūparūpa
nityaṁ natō:’smi paramātmatanōṣṭamūrtē || 9 ||
ityaṣṭamūrtibhirimābhirumābhinandya-
vandyātivandya tava viśvajanīnamūrtē |
ētattataṁ nuvitataṁ praṇata praṇīta
sarvārtha sārtha paramārtha tanō natō:’smi || 10 ||
aṣṭamūrtyaṣṭakēnēṣṭaṁ pariṣṭutyēti bhārgavaḥ |
bhargaṁ bhūmimilanmauliḥ praṇamāma punaḥ punaḥ || 11 ||
iti śukrācāryakr̥taṁ aṣṭamūrtyaṣṭakam |
Also Read:
Ashtamurti Ashtakam Lyrics in Hindi | English | Kannada | Telugu | Tamil