Ashtamurti Ashtakam in Telugu:
॥ అష్టమూర్త్యష్టకమ్ ॥
తుష్టావాష్టతనుం హృష్టః ప్రఫుల్లనయనాంచలః |
మౌళావంజలిమాధాయ వదన్ జయ జయేతి చ || ౧ ||
భార్గవ ఉవాచ –
త్వం భాభిరాభిరభిభూయ తమస్సమస్త-
మస్తంనయస్యభిమతం చ నిశాచరాణామ్ |
దేదీప్యసే దినమణే గగనేహితాయ
లోకత్రయస్య జగదీశ్వర తన్నమస్తే || ౨ ||
లోకేతివేలమతివేల మహామహోభి-
ర్నిర్మాసి కౌముద ముదం చ సముత్సముద్రమ్ |
విద్రావితాఖిల తమాస్సుతమోహిమాంశో
పీయూషపూర పరిపూరిత తన్నమస్తే || ౩ ||
త్వం పావనేపథి-సదాగతిరప్యుపాస్యః
కస్త్వాం వినా భువన జీవన జీవతీహ |
స్తబ్ధప్రభంజన వివర్ధిత సర్వజంతో
సంతోషితాహికుల సర్వగతన్నమస్తే || ౪ ||
విశ్వైక పావకనతావక పావకైక
శక్తే ఋతే మృతబతామృతదివ్యకార్యమ్ |
ప్రాణిత్యదో జగదహో జగదంతరాత్మన్
తత్పావక ప్రతిపదం శమదం నమస్తే || ౫ ||
పానీయరూప పరమేశ జగత్పవిత్ర
చిత్రం విచిత్ర సుచరిత్ర కరోషినూనమ్ |
విశ్వం పవిత్రమమలం కిల విశ్వనాథ
పానావగాహనత ఏతదతో నతోఽస్మి || ౬ ||
ఆకాశరూప బహిరంతరితావకాశ
దానాద్విక స్వర మహేశ్వర విశ్వమేతత్ |
త్వత్తస్సదా సదయ సంశ్వసితి స్వభావా-
త్సంకోచమేతి భవతోస్మి నతస్తతస్త్వామ్ || ౭ ||
విశ్వంభరాత్మక బిభర్తి విభోత్రవిశ్వం
కో విశ్వనాథ భవతోన్యతమస్తమోఽరే |
తత్త్వాం వినా నశమినాహి ఫణాహి భూష-
స్తవ్యోపరః పరతర ప్రణతస్తతస్త్వామ్ || ౮ ||
ఆత్మస్వరూప తవరూప పరంపరాభి-
రాభిస్తతం హర చరాచరరూపమేతత్ |
సర్వాంతరాత్మనిలయ ప్రతిరూపరూప
నిత్యం నతోఽస్మి పరమాత్మతనోష్టమూర్తే || ౯ ||
ఇత్యష్టమూర్తిభిరిమాభిరుమాభినంద్య-
వంద్యాతివంద్య తవ విశ్వజనీనమూర్తే |
ఏతత్తతం నువితతం ప్రణత ప్రణీత
సర్వార్థ సార్థ పరమార్థ తనో నతోఽస్మి || ౧౦ ||
అష్టమూర్త్యష్టకేనేష్టం పరిష్టుత్యేతి భార్గవః |
భర్గం భూమిమిళన్మౌళిః ప్రణమామ పునః పునః || ౧౧ ||
ఇతి శుక్రాచార్యకృతం అష్టమూర్త్యష్టకమ్ |
Also Read:
Ashtamurti Ashtakam Lyrics in Hindi | English | Kannada | Telugu | Tamil
