Shiva Stotram

Ashtamurti Ashtakam Lyrics in Kannada

Ashtamurti Ashtakam in Kannada:

॥ ಅಷ್ಟಮೂರ್ತ್ಯಷ್ಟಕಂ ॥
ತುಷ್ಟಾವಾಷ್ಟತನುಂ ಹೃಷ್ಟಃ ಪ್ರಫುಲ್ಲನಯನಾಂಚಲಃ |
ಮೌಳಾವಂಜಲಿಮಾಧಾಯ ವದನ್ ಜಯ ಜಯೇತಿ ಚ || ೧ ||

ಭಾರ್ಗವ ಉವಾಚ –
ತ್ವಂ ಭಾಭಿರಾಭಿರಭಿಭೂಯ ತಮಸ್ಸಮಸ್ತ-
ಮಸ್ತಂನಯಸ್ಯಭಿಮತಂ ಚ ನಿಶಾಚರಾಣಾಮ್ |
ದೇದೀಪ್ಯಸೇ ದಿನಮಣೇ ಗಗನೇಹಿತಾಯ
ಲೋಕತ್ರಯಸ್ಯ ಜಗದೀಶ್ವರ ತನ್ನಮಸ್ತೇ || ೨ ||

ಲೋಕೇತಿವೇಲಮತಿವೇಲ ಮಹಾಮಹೋಭಿ-
ರ್ನಿರ್ಮಾಸಿ ಕೌಮುದ ಮುದಂ ಚ ಸಮುತ್ಸಮುದ್ರಮ್ |
ವಿದ್ರಾವಿತಾಖಿಲ ತಮಾಸ್ಸುತಮೋಹಿಮಾಂಶೋ
ಪೀಯೂಷಪೂರ ಪರಿಪೂರಿತ ತನ್ನಮಸ್ತೇ || ೩ ||

ತ್ವಂ ಪಾವನೇಪಥಿ-ಸದಾಗತಿರಪ್ಯುಪಾಸ್ಯಃ
ಕಸ್ತ್ವಾಂ ವಿನಾ ಭುವನ ಜೀವನ ಜೀವತೀಹ |
ಸ್ತಬ್ಧಪ್ರಭಂಜನ ವಿವರ್ಧಿತ ಸರ್ವಜಂತೋ
ಸಂತೋಷಿತಾಹಿಕುಲ ಸರ್ವಗತನ್ನಮಸ್ತೇ || ೪ ||

ವಿಶ್ವೈಕ ಪಾವಕನತಾವಕ ಪಾವಕೈಕ
ಶಕ್ತೇ ಋತೇ ಮೃತಬತಾಮೃತದಿವ್ಯಕಾರ್ಯಮ್ |
ಪ್ರಾಣಿತ್ಯದೋ ಜಗದಹೋ ಜಗದಂತರಾತ್ಮನ್ ತತ್ಪಾವಕ ಪ್ರತಿಪದಂ ಶಮದಂ ನಮಸ್ತೇ || ೫ ||

ಪಾನೀಯರೂಪ ಪರಮೇಶ ಜಗತ್ಪವಿತ್ರ
ಚಿತ್ರಂ ವಿಚಿತ್ರ ಸುಚರಿತ್ರ ಕರೋಷಿನೂನಮ್ |
ವಿಶ್ವಂ ಪವಿತ್ರಮಮಲಂ ಕಿಲ ವಿಶ್ವನಾಥ
ಪಾನಾವಗಾಹನತ ಏತದತೋ ನತೋಽಸ್ಮಿ || ೬ ||

ಆಕಾಶರೂಪ ಬಹಿರಂತರಿತಾವಕಾಶ
ದಾನಾದ್ವಿಕ ಸ್ವರ ಮಹೇಶ್ವರ ವಿಶ್ವಮೇತತ್ |
ತ್ವತ್ತಸ್ಸದಾ ಸದಯ ಸಂಶ್ವಸಿತಿ ಸ್ವಭಾವಾ-
ತ್ಸಂಕೋಚಮೇತಿ ಭವತೋಸ್ಮಿ ನತಸ್ತತಸ್ತ್ವಾಮ್ || ೭ ||

ವಿಶ್ವಂಭರಾತ್ಮಕ ಬಿಭರ್ತಿ ವಿಭೋತ್ರವಿಶ್ವಂ
ಕೋ ವಿಶ್ವನಾಥ ಭವತೋನ್ಯತಮಸ್ತಮೋಽರೇ |
ತತ್ತ್ವಾಂ ವಿನಾ ನಶಮಿನಾಹಿ ಫಣಾಹಿ ಭೂಷ-
ಸ್ತವ್ಯೋಪರಃ ಪರತರ ಪ್ರಣತಸ್ತತಸ್ತ್ವಾಮ್ || ೮ ||

ಆತ್ಮಸ್ವರೂಪ ತವರೂಪ ಪರಂಪರಾಭಿ-
ರಾಭಿಸ್ತತಂ ಹರ ಚರಾಚರರೂಪಮೇತತ್ |
ಸರ್ವಾಂತರಾತ್ಮನಿಲಯ ಪ್ರತಿರೂಪರೂಪ
ನಿತ್ಯಂ ನತೋಽಸ್ಮಿ ಪರಮಾತ್ಮತನೋಷ್ಟಮೂರ್ತೇ || ೯ ||

ಇತ್ಯಷ್ಟಮೂರ್ತಿಭಿರಿಮಾಭಿರುಮಾಭಿನಂದ್ಯ-
ವಂದ್ಯಾತಿವಂದ್ಯ ತವ ವಿಶ್ವಜನೀನಮೂರ್ತೇ |
ಏತತ್ತತಂ ನುವಿತತಂ ಪ್ರಣತ ಪ್ರಣೀತ
ಸರ್ವಾರ್ಥ ಸಾರ್ಥ ಪರಮಾರ್ಥ ತನೋ ನತೋಽಸ್ಮಿ || ೧೦ ||

ಅಷ್ಟಮೂರ್ತ್ಯಷ್ಟಕೇನೇಷ್ಟಂ ಪರಿಷ್ಟುತ್ಯೇತಿ ಭಾರ್ಗವಃ |
ಭರ್ಗಂ ಭೂಮಿಮಿಳನ್ಮೌಳಿಃ ಪ್ರಣಮಾಮ ಪುನಃ ಪುನಃ || ೧೧ ||

ಇತಿ ಶುಕ್ರಾಚಾರ್ಯಕೃತಂ ಅಷ್ಟಮೂರ್ತ್ಯಷ್ಟಕಮ್ |

Also Read:

Ashtamurti Ashtakam Lyrics in Hindi | English |  Kannada | Telugu | Tamil

Add Comment

Click here to post a comment