অষ্টপদী Lyrics in Bengali:
(রাগ ভৈরব)
জয়তি নিজঘোষভুবি গোপমণিভূষণম্ ।
য়ুবতিকলধৌতরতিজটিতমবিদূষণম্ ॥ ধ্রুবপদম্ ॥
বিকচশরদম্বুরুহরুচিরমুখতোঽনিশম্ ।
জিঘ্রতাদমলমধুমদশালিনী ভৃশম্ ॥ ১॥
তরলদলসাপাঙ্গবিভ্রমভ্রামিতম্ ।
নিঃস্থিরীভবিতুমিচ্ছতু হৃদিতকামিতম্ ॥ ২॥
মধুরমৃদুহাসকলিতাধরচ্যুতরসম্ ।
পিবতু রসনাঽপি মুহুরুদিতরতিলালসম্ ॥ ৩॥
অমৃতময়শিশিরবচনেষু নবসূত্সুকম্ ।
শ্রবণপুটয়ুগলমনুভবতু চিরসূত্সুকম্ ॥ ৪॥
বিপুলবক্ষস্থলে স্পর্শরসপূরিতম্ ।
তুঙ্গকুচকলশয়ুগমস্তু মদনেরিতম্ ॥ ৫॥
মৃদিততমকায়দেবদ্রুমালম্বিতা ।
হর্ষমতিশয়িতমুপয়াতু তনুলতা ৬॥
পুষ্পরসপুষ্টপরপুষ্টভৃঙ্গীময়ে ।
বসতিরপি ভবতু মম নিভৃতকুঞ্জালয়ে ॥ ৭॥
গীতমিদমেবমুরুভাবগর্ভিতপদম্ ।
রোচয়তু কৃষ্ণমিহ সরসসম্পদম্ ॥ ৮॥
ইতি শ্রীদেবকীনন্দনজীকৃতাঽষ্টপদী সমাপ্তা ।
Ashtapadis or Ashtapadi Lyrics in Bengali | অষ্টপদী