Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Ashtashloki Lyrics in Telugu | అష్టశ్లోకీ

Ashtashloki Lyrics in Telugu | అష్టశ్లోకీ

9 Views

అష్టశ్లోకీ Lyrics in Telugu:

అకారార్థో విష్ణుర్జగదుదయరక్షాప్రలయకృత్
మకారార్థో జీవస్తదుపకరణం వైష్ణవమిదమ్ ।
ఉకారోఽనన్యర్హం నియమయతి సమ్బన్ధమనయోః
త్రయీసారస్త్ర్యాత్మా ప్రణవ ఇమమర్థం సమదిశత్ ॥ ౧॥

మన్త్రబ్రహ్మణి మధ్యమేన నమసా పుంసఃస్వరూపఙ్గతిః
గమ్యం శిక్షితమీక్షితేన పురతఃపశ్చాదపి స్థానతః ।
స్వాతన్రయం నిజరక్షణం సముచితా వృత్తిశ్చ నాన్యోచితా
తస్యైవేతి హరేర్వివిచ్య కథితం స్వస్యాపి నార్హం తతః ॥ ౨॥

అకారార్థాయైవస్వమహమథ మహ్యం న నివహాః
నరాణాం నిత్యానామయనమితి నారాయణపదమ్ ।
యమాహాస్మై కాలం సకలమపి సర్వత్ర సకలా-
స్వవస్థాస్వావిః స్యుర్మమ సహజకైఙ్కర్యవిధయః ॥ ౩॥

దేహాసక్తాత్మబుద్ధిర్యది భవతి పదం సాధు విద్యాత్తృతీయం
స్వాతన్త్ర్యాన్ధో యది స్యాత్ప్రథమమితరశేషత్వధీశ్చేద్ద్వితీయమ్ ।
ఆత్మత్రాణోన్ముఖశ్చేన్నమ ఇతి చ పదం బాన్ధవాభాసలోలః
శబ్దం నారాయణాఖ్యం విషయచపలధీశ్చేచ్చతుర్థీం ప్రపన్నః ॥ ౪॥

నేతృత్వం నిత్యయోగం సముచితగుణజాతం తనుఖ్యాపనఞ్చో-
పాయం కర్త్తవ్యభాగం త్వథ మిథునపరం ప్రాప్యమేవం ప్రసిద్ధమ్ ।
స్వామిత్వం ప్రార్థనాం చ ప్రబలతరవిరోధిప్రహాణం దశైతాన్
మన్తారం త్రాయతే చేత్యధిగతనియమః షట్పదోఽయం ద్విఖణ్డః ॥ ౫॥

ఈశానాఞ్జగతామధీశదయితాం నిత్యానపాయాం శ్రియం
సంశ్రిత్యాశ్రయణోచితాఖిలగుణస్యాఙ్ఘ్రీ హరేరాశ్రయే ।
ఇష్టోపాయతయా శ్రియా చ సహితాయాత్మేశ్వరాయార్థయే
కర్తుం దాస్యమశేషమప్రతిహతం నిత్యం త్వహం నిర్మమః ॥ ౬॥

మత్ప్రాప్త్యర్థతయా మయోక్తమఖిలం సన్త్యజ్య ధర్మం పునః
మామేకం మదవాప్తయే శమణమిత్యార్తోఽవసాయం కురు ।
త్వామేకం వ్యవసాయయుక్తమఖిలజ్ఞానాదిపూర్ణో హ్యహం
మత్ప్రాప్తిప్రతిబన్ధకైర్విరహితం కుర్యాం శుచం మా కృథాః ॥ ౭॥

నిశ్చిత్య త్వదధీనతాం మయి సదా కర్మాద్యుపాయాన్ హరే
కర్తుం త్యక్తుమపి ప్రపత్తుమనలం సీదామి దుఃఖాకులః ।
ఏతజ్జ్ఞానముపేయుషో మమ పునస్సర్వాపరాధక్షయం
కర్తాసీతి దృఢోఽస్మి తే తు చరమం వాక్యం స్మరన్సారథేః ॥ ౮॥

శాఖానాముపరి స్థితేన మనునా మూలేన లబ్ధాత్మకః
సత్తాహేతుసకృజ్జపేన సకలం కాలం ద్వయేన క్షిపన్ ।
వేదోత్తంసవిహారసారథిదయాగుమ్ఫేన విస్త్రమ్భితః
సారజ్ఞో యది కశ్చిదస్తి భువనే నాథః స యూథస్య నః ॥ ౯॥

ఇతి అష్టశ్లోకీ సమాప్తా ॥

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *