Asitha Krita Shiva Stotram in Oriya:
॥ ଶ୍ରୀଶିବସ୍ତୋତ୍ରଂ ଅସିତକୃତ ॥
ଶ୍ରୀଗଣେଶାୟ ନମଃ ॥
ଅସିତ ଉବାଚ ।
ଜଗଦ୍ଗୁରୋ ନମସ୍ତୁଭ୍ୟଂ ଶିବାୟ ଶିବଦାୟ ଚ ।
ଯୋଗୀନ୍ଦ୍ରାଣାଂ ଚ ଯୋଗୀନ୍ଦ୍ର ଗୁରୂଣାଂ ଗୁରବେ ନମଃ ॥ ୧ ॥
ମୃତ୍ୟୋର୍ମୃତ୍ୟୁସ୍ୱରୂପେଣ ମୃତ୍ୟୁସଂସାରଖଣ୍ଡନ
ମୃତ୍ୟୋରୀଶ ମୃତ୍ୟୁବୀଜ ମୃତ୍ୟୁଞ୍ଜୟ ନମୋସ୍ତୁ ତେ ॥ ୨ ॥
କାଲରୂପଂ କଲୟତାଂ କାଲକାଲେଶ କାରଣ ।
କାଲାଦତୀତ କାଲସ୍ଥ କାଲକାଲ ନମୋସ୍ତୁ ତେ ॥ ୩ ॥
ଗୁଣାତୀତ ଗୁଣାଧାର ଗୁଣବୀଜ ଗୁଣାତ୍ମକ ।
ଗୁଣୀଶ ଗୁଣିନାଂ ବୀଜ ଗୁଣିନାଂ ଗୁରବେ ନମଃ ॥ ୪ ॥
ବ୍ରହ୍ମସ୍ୱରୂପ ବ୍ରହ୍ମଜ୍ଞ ବ୍ରହ୍ମଭାବେ ଚ ତତ୍ପରଃ ।
ବ୍ରହ୍ମବୀଜସ୍ୱରୂପେଣ ବ୍ରହ୍ମବୀଜ ନମୋସ୍ତୁ ତେ ॥ ୫ ॥
ଇତି ସ୍ତୁତ୍ୱା ଶିବଂ ନତ୍ୱା ପୁରସ୍ତସ୍ଥୌ ମୁନୀଶ୍ୱରଃ ।
ଦୀନବତ୍ସାଶ୍ରୁନେତ୍ରଶ୍ଚ ପୁଲକାଞ୍ଚିତବିଗ୍ରହଃ ॥ ୬ ॥
ଅସିତେନ କୃତଂ ସ୍ତୋତ୍ରଂ ଭକ୍ତିୟୁକ୍ତଶ୍ଚ ଯଃ ପଠେତ୍ ।
ବର୍ଷମେକଂ ହବିଷ୍ୟାଶୀ ଶଙ୍କରସ୍ୟ ମହାତ୍ମନଃ ॥ ୭ ॥
ସ ଲଭେଦ୍ୱୈଷ୍ଣବଂ ପୁତ୍ରଂ ଜ୍ଞାନିନଂ ଚିରଜୀବିନମ୍ ।
ଭବେଦ୍ଧନାଢ୍ୟୋ ଦୁଃଖୀ ଚ ମୂକୋ ଭବତି ପଣ୍ଡିତଃ ॥ ୮ ॥
ଅଭାର୍ୟୋ ଲଭତେ ଭାର୍ୟାଂ ସୁଶୀଲାଂ ଚ ପତିବ୍ରତାମ୍ ।
ଇହ ଲୋକେ ସୁଖଂ ଭୁକ୍ତ୍ୱା ଯାତ୍ୟନ୍ତେ ଶିବସନ୍ନିଧିମ୍ ॥ ୯ ॥
ଇଦଂ ସ୍ତୋତ୍ରଂ ପୁରା ଦତ୍ତଂ ବ୍ରହ୍ମଣା ଚ ପ୍ରଚେତସେ ।
ପ୍ରଚେତସା ସ୍ୱପୁତ୍ରାୟାସିତାୟ ଦତ୍ତମୁତ୍ତମମ୍ ॥ ୧୦ ॥
ଇତି ଶ୍ରୀବ୍ରହ୍ମବୈବର୍ତେ ମହାପୁରାଣେ ଶ୍ରୀକୃଷ୍ଣଜନ୍ମଖଣ୍ଡେ
ଅସିତକୃତଶିବସ୍ତୋତ୍ରଂ ସମ୍ପୂର୍ଣମ୍ ॥
Also Read:
Asitha Krutha Shiva Stotram Lyrics in Sanskrit | English | Bengali | Gujarati | Kannada | Malayalam | Oriya | Telugu | Tamil
