Templesinindiainfo

Best Spiritual Website

Bhagavati Ashtakam Lyrics in Bengali | ভগবত্যষ্টকম্

ভগবত্যষ্টকম্ Lyrics in Bengali:

নমোঽস্তু তে সরস্বতি ত্রিশূলচক্রধারিণি সিতাম্বরাবৃতে শুভে মৃগেন্দ্রপীঠসংস্থিতে ।
সুবর্ণবন্ধুরাধরে সুঝল্লরীশিরোরুহে সুবর্ণপদ্মভূষিতে নমোঽস্তু তে মহেশ্বরি ॥ ১॥

পিতামহাদিভির্নুতে স্বকান্তিলুপ্তচন্দ্রভে সরত্নমালয়াবৃতে ভবাব্ধিকষ্টহারিণি ।
তমালহস্তমণ্ডিতে তমালভালশোভিতে গিরামগোচরে ইলে নমোঽস্তু তে মহেশ্বরি ॥ ২॥

স্বভক্তবত্সলেঽনঘে সদাপবর্গভোগদে দরিদ্রদুখহারিণি ত্রিলোকশঙ্করীশ্বরি ।
ভবানি ভীম অম্বিকে প্রচণ্ডতেজ উজ্জ্বলে ভুজাকলাপমণ্ডিতে নমোঽস্তু তে মহেশ্বরি ॥ ৩॥

প্রপন্নভীতিনাশিকে প্রসূনমাল্যকন্ধরে ধিয়স্তমোনিবারিকে বিশুদ্ধবুদ্ধিকারিকে ।
সুরার্চিতাঽঙ্ঘ্রিপঙ্কজে প্রচণ্ডবিক্রমেঽক্ষরে বিশালপদ্মলোচনে নমোঽস্তু তে মহেশ্বরি ॥ ৪॥

হতস্ত্বয়া স দৈত্যধূম্রলোচনো য়দা রণে তদা প্রসূনবৃষ্টয়স্ত্রিবিষ্টপে সুরৈঃ কৃতাঃ ।
নিরীক্ষ্য তত্র তে প্রভামলজ্জত প্রভাকরস্ত্বয়ি দয়াকরে ধ্রুবে নমোঽস্তু তে মহেশ্বরি ॥ ৫॥

ননাদ কেসরী য়দা চচাল মেদিনী তদা জগাম দৈত্যনায়কঃ স্বসেনয়া দ্রুতং ভিয়া ।
সকোপকম্পদচ্ছদে সচণ্ডমুণ্ডঘাতিকে মৃগেন্দ্রনাদনাদিতে নমোঽস্তু তে মহেশ্বরি ॥ ৬॥

কুচন্দনার্চিতালকে সিতোষ্ণবারণাধরে সবর্করাননে বরে নিশুম্ভশুম্ভমর্দিকে ।
প্রসীদ চণ্ডিকে অজে সমস্তদোষঘাতিকে শুভামতিপ্রদেঽচলে নমোঽস্তু তে মহেশ্বরি ॥ ৭॥

ত্বমেব বিশ্বধারিণী ত্বমেব বিশ্বকারিণী ত্বমেব সর্বহারিণী ন গম্যসেঽজিতাত্মভিঃ ।
দিবৌকসাং হিতে রতা করোষি দৈত্যনাশন শতাক্ষি রক্তদন্তিকে নমোঽস্তু তে মহেশ্বরি ॥ ৮॥

পঠন্তি য়ে সমাহিতা ইমং স্তবং সদা নরাঃ অনন্যভক্তিসংয়ুতাঃ অহর্মুখেঽনুবাসরম্ ।
ভবন্তি তে তু পণ্ডিতাঃ সুপুত্রধান্যসংয়ুতাঃ কলত্রভূতিসংয়ুতা ব্রজন্তি চাঽমৃতং সুখম্ ॥ ৯॥

॥ ইতি শ্রীমদমরদাসবিরচিতং ভগবত্যষ্টকং সমাপ্তম্ ॥

Bhagavati Ashtakam Lyrics in Bengali | ভগবত্যষ্টকম্

Leave a Reply

Your email address will not be published. Required fields are marked *

Scroll to top