Templesinindiainfo

Best Spiritual Website

Bhagavati Ashtakam Lyrics in Gujarati | ભગવત્યષ્ટકમ્

ભગવત્યષ્ટકમ્ Lyrics in Gujarati:

નમોઽસ્તુ તે સરસ્વતિ ત્રિશૂલચક્રધારિણિ સિતામ્બરાવૃતે શુભે મૃગેન્દ્રપીઠસંસ્થિતે ।
સુવર્ણબન્ધુરાધરે સુઝલ્લરીશિરોરુહે સુવર્ણપદ્મભૂષિતે નમોઽસ્તુ તે મહેશ્વરિ ॥ ૧॥

પિતામહાદિભિર્નુતે સ્વકાન્તિલુપ્તચન્દ્રભે સરત્નમાલયાવૃતે ભવાબ્ધિકષ્ટહારિણિ ।
તમાલહસ્તમણ્ડિતે તમાલભાલશોભિતે ગિરામગોચરે ઇલે નમોઽસ્તુ તે મહેશ્વરિ ॥ ૨॥

સ્વભક્તવત્સલેઽનઘે સદાપવર્ગભોગદે દરિદ્રદુખહારિણિ ત્રિલોકશઙ્કરીશ્વરિ ।
ભવાનિ ભીમ અમ્બિકે પ્રચણ્ડતેજ ઉજ્જ્વલે ભુજાકલાપમણ્ડિતે નમોઽસ્તુ તે મહેશ્વરિ ॥ ૩॥

પ્રપન્નભીતિનાશિકે પ્રસૂનમાલ્યકન્ધરે ધિયસ્તમોનિવારિકે વિશુદ્ધબુદ્ધિકારિકે ।
સુરાર્ચિતાઽઙ્ઘ્રિપઙ્કજે પ્રચણ્ડવિક્રમેઽક્ષરે વિશાલપદ્મલોચને નમોઽસ્તુ તે મહેશ્વરિ ॥ ૪॥

હતસ્ત્વયા સ દૈત્યધૂમ્રલોચનો યદા રણે તદા પ્રસૂનવૃષ્ટયસ્ત્રિવિષ્ટપે સુરૈઃ કૃતાઃ ।
નિરીક્ષ્ય તત્ર તે પ્રભામલજ્જત પ્રભાકરસ્ત્વયિ દયાકરે ધ્રુવે નમોઽસ્તુ તે મહેશ્વરિ ॥ ૫॥

નનાદ કેસરી યદા ચચાલ મેદિની તદા જગામ દૈત્યનાયકઃ સ્વસેનયા દ્રુતં ભિયા ।
સકોપકમ્પદચ્છદે સચણ્ડમુણ્ડઘાતિકે મૃગેન્દ્રનાદનાદિતે નમોઽસ્તુ તે મહેશ્વરિ ॥ ૬॥

કુચન્દનાર્ચિતાલકે સિતોષ્ણવારણાધરે સવર્કરાનને વરે નિશુમ્ભશુમ્ભમર્દિકે ।
પ્રસીદ ચણ્ડિકે અજે સમસ્તદોષઘાતિકે શુભામતિપ્રદેઽચલે નમોઽસ્તુ તે મહેશ્વરિ ॥ ૭॥

ત્વમેવ વિશ્વધારિણી ત્વમેવ વિશ્વકારિણી ત્વમેવ સર્વહારિણી ન ગમ્યસેઽજિતાત્મભિઃ ।
દિવૌકસાં હિતે રતા કરોષિ દૈત્યનાશન શતાક્ષિ રક્તદન્તિકે નમોઽસ્તુ તે મહેશ્વરિ ॥ ૮॥

પઠન્તિ યે સમાહિતા ઇમં સ્તવં સદા નરાઃ અનન્યભક્તિસંયુતાઃ અહર્મુખેઽનુવાસરમ્ ।
ભવન્તિ તે તુ પણ્ડિતાઃ સુપુત્રધાન્યસંયુતાઃ કલત્રભૂતિસંયુતા વ્રજન્તિ ચાઽમૃતં સુખમ્ ॥ ૯॥

॥ ઇતિ શ્રીમદમરદાસવિરચિતં ભગવત્યષ્ટકં સમાપ્તમ્ ॥

Bhagavati Ashtakam Lyrics in Gujarati | ભગવત્યષ્ટકમ્

Leave a Reply

Your email address will not be published. Required fields are marked *

Scroll to top