Bhedabhanggaabhidhaana in Malayalam:
॥ ഭേദഭംഗാഭിധാനസ്തോത്രം ॥
ചതുര്വാഹനാഭ്യംബുജാദ്ഭൂതവന്തം ഭവന്തം ഭവച്ഛേദകര്ത്താരമുഗ്രം |
മുഖാനാം ചതുഷ്കം ദധാനം പ്രധാനം ശിവം സൃഷ്ടികര്ത്താരമീശാനമീഡേ ॥ ൧ ॥
ഉമാങ്കശ്രിതം സ്വം കരം ചോത്ക്ഷിപന്തം ഗിരീശോത്തമാംഗസ്ഥചന്ദ്രം ദിധീര്ഷും |
മുഹുര്ഗര്ജിതം സസ്മിതം സര്വപൂജ്യം ശിവം വിഘ്നഹര്ത്താരമീശാനമീഡേ ॥ ൨ ॥
സുമേരോഃ സമന്താത്സദൈവാശു യന്തം സഹസ്രോസ്രഭാസാ നഭോ ഭാസയന്തം |
ജഗദ്ഭദ്രഹേതോര്ധൃതാനേകരൂപം ശിവം വ്യാധിഹര്ത്താരമീശാനമീഡേ ॥ ൩ ॥
രമാജാനകീരുക്മിണീജാംബവത്യാദ്യനേകസ്വശക്തിസ്ഫുരദ്വാമഭാഗം |
ഹൃഷീകേശരാമാഘശിത്ര്വാദിസംജ്ഞം ശിവം സര്വദാതാരമീശാനമീഡേ ॥ ൪ ॥
ധനാധ്യക്ഷരൂപേണ ഋക്ഥാന്യവന്തം കുബേരാലകേശാദിനാമൗഘവന്തം |
പുലസ്ത്യാന്വയോത്പത്തിഭാജം വിരാജം ശിവം ദ്രവ്യദാതാരമീശാനമീഡേ ॥ ൫ ॥
പ്രശസ്താരുവിദ്യാനിധാനം സുധാനം സ്വഭൂസ്വാപപര്യങ്കതാം സന്ദധാനം |
അനന്താവതാരച്ഛലേനാധിശീഷ ശിവം ഭൂമിധര്ത്താരമീശാനമീഡേ ॥ ൬ ॥
അനേകക്രിയാരൂപനാമപ്രകാശൈര്നിജം ദേവതാപഞ്ചകം ദര്ശയന്തം |
തഥൈവാവതാരാന് ദശാന്യാംശ്ച ലോകേ നടം വാഖിലം ദൈവതം ജ്യോതിരീഡേ ॥ ൭ ॥
ശ്രുതേര്നേഹ നാനേതി ശബ്ദപ്രമാണൈര്മുനിമ്യസ്തദര്ഥാവയവൈഃ പുരാണൈഃ |
നിജാമേകതാം ദ്യോതയന്താം സുധീമ്യഃ സദാസച്ചിദാത്മാനമീശാനമീഡേ ॥ ൮ ॥
അജസ്രേശ്വരാരാധനേ ദത്തചേതാ മഹാത്മാച്യുതാദ്യാശ്രമാന്തഃ പരിവ്രാട് |
അകാര്ഷീദിദം ഭേദഭംഗാഭിധാനം മുദേ സ്തോത്രമന്തര്ഭിദാഭംഗഭാജാം ॥ ൯ ॥
ഇതി ശ്രീമത്പരമഹംസപരിവ്രാജകാചാര്യശ്രീമദച്യുതാശ്രമവിരചിതം ഭേദഭംഗാഭിധാനസ്തോത്രം സമാപ്തം ॥
Also Read:
Bhedabhanggaabhidhaana Stotram Lyrics in Marathi | Bengali | Kannada | Telugu | Malayalam | Gujarati