Shiva Stotram

Bhedabhanggaabhidhaana Stotram Lyrics in Telugu

Bhedabhanggaabhidhaana in Telugu:

॥ భేదభఙ్గాభిధానస్తోత్రమ్ ॥
చతుర్వాహనాభ్యమ్బుజాద్భూతవన్తం భవన్తం భవచ్ఛేదకర్తారముగ్రమ్ |
ముఖానాం చతుష్కం దధానం ప్రధానం శివం సృష్టికర్తారమీశానమీడే ॥ ౧ ॥

ఉమాఙ్కశ్రితం స్వం కరం చోత్క్షిపన్తం గిరీశోత్తమాఙ్గస్థచన్ద్రం దిధీర్షుమ్ |
ముహుర్గర్జితం సస్మితం సర్వపూజ్యం శివం విఘ్నహర్తారమీశానమీడే ॥ ౨ ॥

సుమేరోః సమన్తాత్సదైవాశు యన్తం సహస్రోస్రభాసా నభో భాసయన్తమ్ |
జగద్భద్రహేతోర్ధృతానేకరూపం శివం వ్యాధిహర్తారమీశానమీడే ॥ ౩ ॥

రమాజానకీరుక్మిణీజామ్బవత్యాద్యనేకస్వశక్తిస్ఫురద్వామభాగమ్ |
హృషీకేశరామాఘశిత్ర్వాదిసంజ్ఞం శివం సర్వదాతారమీశానమీడే ॥ ౪ ॥

ధనాధ్యక్షరూపేణ ఋక్థాన్యవన్తం కుబేరాలకేశాదినామౌఘవన్తమ్ |
పులస్త్యాన్వయోత్పత్తిభాజం విరాజం శివం ద్రవ్యదాతారమీశానమీడే ॥ ౫ ॥

ప్రశస్తారువిద్యానిధానం సుధానం స్వభూస్వాపపర్యఙ్కతాం సన్దధానమ్ |
అనన్తావతారచ్ఛలేనాధిశీష శివం భూమిధర్తారమీశానమీడే ॥ ౬ ॥

అనేకక్రియారూపనామప్రకాశైర్నిజం దేవతాపఞ్చకం దర్శయన్తమ్ |
తథైవావతారాన్ దశాన్యాంశ్చ లోకే నటం వాఖిలం దైవతం జ్యోతిరీడే ॥ ౭ ॥

శ్రుతేర్నేహ నానేతి శబ్దప్రమాణైర్మునిమ్యస్తదర్థావయవైః పురాణైః |
నిజామేకతాం ద్యోతయన్తాం సుధీమ్యః సదాసచ్చిదాత్మానమీశానమీడే ॥ ౮ ॥

అజస్రేశ్వరారాధనే దత్తచేతా మహాత్మాచ్యుతాద్యాశ్రమాన్తః పరివ్రాట్ |
అకార్షీదిదం భేదభఙ్గాభిధానం ముదే స్తోత్రమన్తర్భిదాభఙ్గభాజామ్ ॥ ౯ ॥

ఇతి శ్రీమత్పరమహంసపరివ్రాజకాచార్యశ్రీమదచ్యుతాశ్రమవిరచితం భేదభఙ్గాభిధానస్తోత్రం సమాప్తమ్ ॥

Also Read:

Bhedabhanggaabhidhaana Stotram Lyrics in Marathi | Bengali |  Kannada | Telugu | Malayalam | Gujarati

Add Comment

Click here to post a comment