Templesinindiainfo

Best Spiritual Website

Chaitanyashtakam 2 Lyrics in Malayalam

ചൈതന്യാഷ്ടകം 2 Lyrics in Malayalam:

അഥ ശ്രീചൈതന്യദേവസ്യ ദ്വിതീയാഷ്ടകം
കലൌ യം വിദ്വാംസഃ സ്ഫുടമഭിയജന്തേ ദ്യുതിഭരാദ്
അകൃഷ്ണാങ്ഗം കൃഷ്ണം മഖവിധിഭിരുത്കീര്‍തനമയൈഃ ।
ഉപാസ്യം ച പ്രാഹുര്യമഖിലചതുര്‍ഥാശ്രമജുഷാം
സ ദേവശ്ചൈതന്യാകൃതിരതിതരാം നഃ കൃപയതു ॥ 1॥

ചരിത്രം തന്വാനഃ പ്രിയമഘവദാഹ്ലാദനപദം
ജയോദ്ഘോഷൈഃ സംയഗ്വിരചിതശചീശോകഹരണഃ ।
ഉദഞ്ചന്‍മാര്‍തണ്ഡദ്യുതിഹരദുകൂലാഞ്ചിതകടിഃ
സ ദേവശ്ചൈതന്യാകൃതിരതിതരാം നഃ കൃപയതു ॥ 2॥

അപാരം കസ്യാപി പ്രണയിജനവൃന്ദസ്യ കുതുകീ
രസസ്തോമം ഹൃത്വാ മധുരമുപഭോക്തും കമപി യഃ ।
രുചിം സ്വാമാവവ്രേ ദ്യുതിമിഹ തദീയാം പ്രകടയന്‍
സ ദേവശ്ചൈതന്യാകൃതിരതിതരാം നഃ കൃപയതു ॥ 3॥

അനാരാധ്യഃ പ്രീത്യാ ചിരമസുരഭാവപ്രണയിനാം
പ്രപന്നാനാം ദൈവീം പ്രകൃതിമധിദൈവം ത്രിജഗതി ।
അജസ്രം യഃ ശ്രീമാന്‍ ജയതി സഹജാനന്ദമധുരഃ
സ ദേവശ്ചൈതന്യാകൃതിരതിതരാം നഃ കൃപയതു ॥ 4॥

ഗതിര്യഃ പൌണ്ഡ്രാണാം പ്രകടിതനവദ്വീപമഹിമാ
ഭവേനാലങ്കുര്‍വന്‍ ഭുവനമഹിതം ശ്രോത്രിയകുലം ।
പുനാത്യങ്ഗീകാരാദ് ഭുവി പരമഹംസാശ്രമപദം
സ ദേവശ്ചൈതന്യാകൃതിരതിതരാം നഃ കൃപയതു ॥ 5॥

മുഖേനാഗ്രേ പീത്വാ മധുരമിഹ നാമാമൃതരസം
ദൃശോര്‍ദ്വാരാ യസ്തം വമതി ഘനബാഷ്പാംബുമിഷതഃ ।
ഭുവി പ്രേംണസ്തത്ത്വം പ്രകടയിതുമുല്ലാസിതതനുഃ
സ ദേവശ്ചൈതന്യാകൃതിരതിതരാം നഃ കൃപയതു ॥ 6॥

തനൂമാവിഷ്കുര്‍വന്നവപുരടഭാസം കടിലസത്
കരങ്കാലങ്കാരസ്തരുണഗജരാജാഞ്ചിതഗതിഃ ।
പ്രിയേഭ്യോ യഃ ശിക്ഷാം ദിശതി നിജനിര്‍മാല്യരുചിഭിഃ
സ ദേവശ്ചൈതന്യാകൃതിരതിതരാം നഃ കൃപയതു ॥ 7॥

സ്മിതാലോകഃ ശോകം ഹരതി ജഗതാം യസ്യ പരിതോ
ഗിരാം തു പ്രാരംഭഃ കുശലീപടലീം പല്ലവയതി ।
പദാലംബഃ കം വാ പ്രണയതി നഹി പ്രേമനിവഹം
സ ദേവശ്ചൈതന്യാകൃതിരതിതരാം നഃ കൃപയതു ॥ 8॥

ശചീസൂനോഃ കീരിത്സ്തവകനവസൌരഭ്യനിവിഡം
പുമാന്‍ യഃ പ്രീതാത്മാ പഠതി കില പദ്യാഷ്ടകമിദം ।
സ ലക്ഷ്മീവാന്‍ ഏതം നിജപദസരോജേ പ്രണയിതാം
ദദാനഃ കല്യാണീമനുപദമബാധം സുഖയതു ॥ 9॥

ഇതി ശ്രീരൂപഗോസ്വാമിവിരചിതസ്തവമാലായാം ചൈതന്യാഷ്ടകം ദ്വിതീയം സമ്പൂര്‍ണം ।

Chaitanyashtakam 2 Lyrics in Malayalam

Leave a Reply

Your email address will not be published. Required fields are marked *

Scroll to top