ଚୈତନ୍ୟାଷ୍ଟକମ୍ ୨ Lyrics in Oriya:
ଅଥ ଶ୍ରୀଚୈତନ୍ୟଦେଵସ୍ୟ ଦ୍ଵିତୀୟାଷ୍ଟକଂ
କଲୌ ୟଂ ଵିଦ୍ଵାଂସଃ ସ୍ଫୁଟମଭିୟଜନ୍ତେ ଦ୍ୟୁତିଭରାଦ୍
ଅକୃଷ୍ଣାଙ୍ଗଂ କୃଷ୍ଣଂ ମଖଵିଧିଭିରୁତ୍କୀର୍ତନମୟୈଃ ।
ଉପାସ୍ୟଂ ଚ ପ୍ରାହୁର୍ୟମଖିଲଚତୁର୍ଥାଶ୍ରମଜୁଷାଂ
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୧॥
ଚରିତ୍ରଂ ତନ୍ଵାନଃ ପ୍ରିୟମଘଵଦାହ୍ଲାଦନପଦଂ
ଜୟୋଦ୍ଘୋଷୈଃ ସମ୍ୟଗ୍ଵିରଚିତଶଚୀଶୋକହରଣଃ ।
ଉଦଞ୍ଚନ୍ମାର୍ତଣ୍ଡଦ୍ୟୁତିହରଦୁକୂଲାଞ୍ଚିତକଟିଃ
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୨॥
ଅପାରଂ କସ୍ୟାପି ପ୍ରଣୟିଜନଵୃନ୍ଦସ୍ୟ କୁତୁକୀ
ରସସ୍ତୋମଂ ହୃତ୍ଵା ମଧୁରମୁପଭୋକ୍ତୁଂ କମପି ୟଃ ।
ରୁଚିଂ ସ୍ଵାମାଵଵ୍ରେ ଦ୍ୟୁତିମିହ ତଦୀୟାଂ ପ୍ରକଟୟନ୍
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୩॥
ଅନାରାଧ୍ୟଃ ପ୍ରୀତ୍ୟା ଚିରମସୁରଭାଵପ୍ରଣୟିନାଂ
ପ୍ରପନ୍ନାନାଂ ଦୈଵୀଂ ପ୍ରକୃତିମଧିଦୈଵଂ ତ୍ରିଜଗତି ।
ଅଜସ୍ରଂ ୟଃ ଶ୍ରୀମାନ୍ ଜୟତି ସହଜାନନ୍ଦମଧୁରଃ
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୪॥
ଗତିର୍ୟଃ ପୌଣ୍ଡ୍ରାଣାଂ ପ୍ରକଟିତନଵଦ୍ଵୀପମହିମା
ଭଵେନାଲଙ୍କୁର୍ଵନ୍ ଭୁଵନମହିତଂ ଶ୍ରୋତ୍ରିୟକୁଲମ୍ ।
ପୁନାତ୍ୟଙ୍ଗୀକାରାଦ୍ ଭୁଵି ପରମହଂସାଶ୍ରମପଦଂ
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୫॥
ମୁଖେନାଗ୍ରେ ପୀତ୍ଵା ମଧୁରମିହ ନାମାମୃତରସଂ
ଦୃଶୋର୍ଦ୍ଵାରା ୟସ୍ତଂ ଵମତି ଘନବାଷ୍ପାମ୍ବୁମିଷତଃ ।
ଭୁଵି ପ୍ରେମ୍ଣସ୍ତତ୍ତ୍ଵଂ ପ୍ରକଟୟିତୁମୁଲ୍ଲାସିତତନୁଃ
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୬॥
ତନୂମାଵିଷ୍କୁର୍ଵନ୍ନଵପୁରଟଭାସଂ କଟିଲସତ୍
କରଙ୍କାଲଙ୍କାରସ୍ତରୁଣଗଜରାଜାଞ୍ଚିତଗତିଃ ।
ପ୍ରିୟେଭ୍ୟୋ ୟଃ ଶିକ୍ଷାଂ ଦିଶତି ନିଜନିର୍ମାଲ୍ୟରୁଚିଭିଃ
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୭॥
ସ୍ମିତାଲୋକଃ ଶୋକଂ ହରତି ଜଗତାଂ ୟସ୍ୟ ପରିତୋ
ଗିରାଂ ତୁ ପ୍ରାରମ୍ଭଃ କୁଶଲୀପଟଲୀଂ ପଲ୍ଲଵୟତି ।
ପଦାଲମ୍ବଃ କଂ ଵା ପ୍ରଣୟତି ନହି ପ୍ରେମନିଵହଂ
ସ ଦେଵଶ୍ଚୈତନ୍ୟାକୃତିରତିତରାଂ ନଃ କୃପୟତୁ ॥ ୮॥
ଶଚୀସୂନୋଃ କୀରିତ୍ସ୍ତଵକନଵସୌରଭ୍ୟନିଵିଡଂ
ପୁମାନ୍ ୟଃ ପ୍ରୀତାତ୍ମା ପଠତି କିଲ ପଦ୍ୟାଷ୍ଟକମିଦମ୍ ।
ସ ଲକ୍ଷ୍ମୀଵାନ୍ ଏତଂ ନିଜପଦସରୋଜେ ପ୍ରଣୟିତାଂ
ଦଦାନଃ କଲ୍ୟାଣୀମନୁପଦମବାଧଂ ସୁଖୟତୁ ॥ ୯॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଚୈତନ୍ୟାଷ୍ଟକଂ ଦ୍ଵିତୀୟଂ ସମ୍ପୂର୍ଣମ୍ ।
