Templesinindiainfo

Best Spiritual Website

Chaitanyashtakam 3 Lyrics in Bengali | চৈতন্যাষ্টকম্ ৩

চৈতন্যাষ্টকম্ ৩ Lyrics in Bengali:

অথ শ্রীচৈতন্যদেবস্য তৃতীয়াষ্টকং
উপাসিতপদাম্বুজস্ত্বমনুরক্তরুদ্রাদিভিঃ
প্রপদ্য পুরুষোত্তমং পদমদভ্রমুদ্ভ্রাজিতঃ ।
সমস্তনতমণ্ডলীস্ফুরদভীষ্টকল্পদ্রুমঃ
শচীসুত ময়ি প্রভো কুরু মুকুন্দ মন্দে কৃপাম্ ॥ ১॥

ন বর্ণয়িতুমীশতে গুরুতরাবতারায়িতা
ভবন্তমুরুবুদ্ধয়ো ন খলু সার্বভৌমাদয়ঃ ।
পরো ভবতু তত্র কঃ পটুরতো নমস্তে পরং
শচীসুত ময়ি প্রভো কুরু মুকুন্দ মন্দে কৃপাম্ ॥ ২॥

ন য়ত্ কথমপি শ্রুতাবুপনিষদ্ভিরপ্যাহিতং
স্বয়ং চ বিবৃতং ন য়দ্ গুরুতরাবতারান্তরে ।
ক্ষিপন্নসি রসাম্বুধে তদিহ ভাক্তরত্নং ক্ষিতৌ
শচীসুত ময়ি প্রভো কুরু মুকুন্দ মন্দে কৃপাম্ ॥ ৩॥

নিজপ্রণয়বিস্ফুরন্নটনরঙ্গবিস্মাপিত
ত্রিনেত্রনতমণ্ডলপ্রকটিতানুরাগামৃত ।
অহঙ্কৃতিকলঙ্কিতোদ্ধতজনাদিদুর্বোধ হে
শচীসুত ময়ি প্রভো কুরু মুকুন্দ মন্দে কৃপাম্ ॥ ৪॥

ভবন্তি ভুবি য়ে নরাঃ কলিতদুষ্কুলোত্পত্তয়-
স্ত্বমুদ্ধরসি তান্ অপি প্রচুরচারুকারুণ্যতঃ ।
ইতি প্রমুদিতান্তরঃ শরণমাশ্রিতস্ত্বামহং
শচীসুত ময়ি প্রভো কুরু মুকুন্দ মন্দে কৃপাম্ ॥ ৫॥

মুখাম্বুজপরিস্খলন্মৃদুলবাঙ্মধূলীরস
প্রসঙ্গজনিতাখিলপ্রণতভৃঙ্গরঙ্গোত্কর ।
সমস্তজনমঙ্গলপ্রভবনামরত্নাম্বুধে
শচীসুত ময়ি প্রভো কুরু মুকুন্দ মন্দে কৃপাম্ ॥ ৬॥

মৃগাঙ্কমধুরানন স্ফুরদনিদ্রপদ্মেক্ষণ
স্মিতস্তবকসুন্দরাধর বিশঙ্কটোরস্তটে ।
ভুজোদ্ধতভুজঙ্গমপ্রভ মনোজকোটিদ্যুতে
শচীসুত ময়ি প্রভো কুরু মুকুন্দ মন্দে কৃপাম্ ॥ ৭॥

অহং কনককেতকীকুসুমগৌর দুষ্টঃ ক্ষিতৌ
ন দোষলবদর্শিতা বিবিধদোষপূর্ণেঽপি তে ।
অতঃ প্রবণয়া ধিয়া কৃপণবত্সল ত্বাং ভজে
শচীসুত ময়ি প্রভো কুরু মুকুন্দ মন্দে কৃপাম্ ॥ ৮॥

ইদং ধরণিমণ্ডলোত্সব ভবত্পদাঙ্কেষু য়ে
নিবিষ্টমনসো নরাঃ পরিপঠন্তি পদ্যাষ্টকম্ ।
শচীহৃদয়নন্দন প্রকটকীর্তিচন্দ্র প্রভো
নিজপ্রণয়নির্ভরং বিতর দেব তেভ্যঃ শুভম্ ॥ ৯॥

ইতি শ্রীরূপগোস্বামিবিরচিতস্তবমালায়াং চৈতন্যাষ্টকং তৃতীয়ং সম্পূর্ণম্ ।

Chaitanyashtakam 3 Lyrics in Bengali | চৈতন্যাষ্টকম্ ৩

Leave a Reply

Your email address will not be published. Required fields are marked *

Scroll to top