ચૈતન્યાષ્ટકમ્ ૩ Lyrics in Gujarati:
અથ શ્રીચૈતન્યદેવસ્ય તૃતીયાષ્ટકં
ઉપાસિતપદામ્બુજસ્ત્વમનુરક્તરુદ્રાદિભિઃ
પ્રપદ્ય પુરુષોત્તમં પદમદભ્રમુદ્ભ્રાજિતઃ ।
સમસ્તનતમણ્ડલીસ્ફુરદભીષ્ટકલ્પદ્રુમઃ
શચીસુત મયિ પ્રભો કુરુ મુકુન્દ મન્દે કૃપામ્ ॥ ૧॥
ન વર્ણયિતુમીશતે ગુરુતરાવતારાયિતા
ભવન્તમુરુબુદ્ધયો ન ખલુ સાર્વભૌમાદયઃ ।
પરો ભવતુ તત્ર કઃ પટુરતો નમસ્તે પરં
શચીસુત મયિ પ્રભો કુરુ મુકુન્દ મન્દે કૃપામ્ ॥ ૨॥
ન યત્ કથમપિ શ્રુતાવુપનિષદ્ભિરપ્યાહિતં
સ્વયં ચ વિવૃતં ન યદ્ ગુરુતરાવતારાન્તરે ।
ક્ષિપન્નસિ રસામ્બુધે તદિહ ભાક્તરત્નં ક્ષિતૌ
શચીસુત મયિ પ્રભો કુરુ મુકુન્દ મન્દે કૃપામ્ ॥ ૩॥
નિજપ્રણયવિસ્ફુરન્નટનરઙ્ગવિસ્માપિત
ત્રિનેત્રનતમણ્ડલપ્રકટિતાનુરાગામૃત ।
અહઙ્કૃતિકલઙ્કિતોદ્ધતજનાદિદુર્બોધ હે
શચીસુત મયિ પ્રભો કુરુ મુકુન્દ મન્દે કૃપામ્ ॥ ૪॥
ભવન્તિ ભુવિ યે નરાઃ કલિતદુષ્કુલોત્પત્તય-
સ્ત્વમુદ્ધરસિ તાન્ અપિ પ્રચુરચારુકારુણ્યતઃ ।
ઇતિ પ્રમુદિતાન્તરઃ શરણમાશ્રિતસ્ત્વામહં
શચીસુત મયિ પ્રભો કુરુ મુકુન્દ મન્દે કૃપામ્ ॥ ૫॥
મુખામ્બુજપરિસ્ખલન્મૃદુલવાઙ્મધૂલીરસ
પ્રસઙ્ગજનિતાખિલપ્રણતભૃઙ્ગરઙ્ગોત્કર ।
સમસ્તજનમઙ્ગલપ્રભવનામરત્નામ્બુધે
શચીસુત મયિ પ્રભો કુરુ મુકુન્દ મન્દે કૃપામ્ ॥ ૬॥
મૃગાઙ્કમધુરાનન સ્ફુરદનિદ્રપદ્મેક્ષણ
સ્મિતસ્તવકસુન્દરાધર વિશઙ્કટોરસ્તટે ।
ભુજોદ્ધતભુજઙ્ગમપ્રભ મનોજકોટિદ્યુતે
શચીસુત મયિ પ્રભો કુરુ મુકુન્દ મન્દે કૃપામ્ ॥ ૭॥
અહં કનકકેતકીકુસુમગૌર દુષ્ટઃ ક્ષિતૌ
ન દોષલવદર્શિતા વિવિધદોષપૂર્ણેઽપિ તે ।
અતઃ પ્રવણયા ધિયા કૃપણવત્સલ ત્વાં ભજે
શચીસુત મયિ પ્રભો કુરુ મુકુન્દ મન્દે કૃપામ્ ॥ ૮॥
ઇદં ધરણિમણ્ડલોત્સવ ભવત્પદાઙ્કેષુ યે
નિવિષ્ટમનસો નરાઃ પરિપઠન્તિ પદ્યાષ્ટકમ્ ।
શચીહૃદયનન્દન પ્રકટકીર્તિચન્દ્ર પ્રભો
નિજપ્રણયનિર્ભરં વિતર દેવ તેભ્યઃ શુભમ્ ॥ ૯॥
ઇતિ શ્રીરૂપગોસ્વામિવિરચિતસ્તવમાલાયાં ચૈતન્યાષ્ટકં તૃતીયં સમ્પૂર્ણમ્ ।
