Deva Danava Krita Shiva Stotram in Telugu:
॥ శ్రీ శివ స్తోత్రమ్ (దేవదానవ కృతమ్) ॥
దేవదానవాః ఊచుః –
నమస్తుభ్యం విరూపాక్ష నమస్తే తిగ్మచక్షుషే |
నమః పినాకహస్తాయ ధన్వినే కామరూపిణే || ౧ ||
నమస్తే శూలహస్తాయ దండహస్తాయ ధూర్జటే |
నమస్త్రైలోక్యనాథాయ భూతగ్రామశరీరిణే || ౨ ||
నమస్సురారిహంత్రే చ సోమార్కానలచక్షుషే |
బ్రహ్మణే చైవ రుద్రాయ నమస్తే విష్ణురూపిణే || ౩ ||
బ్రహ్మణే వేదరూపాయ నమస్తే విశ్వరూపిణే |
సాంఖ్యయోగాయ భూతానాం నమస్తే శంభవాయ తే || ౪ ||
మన్మథాంగవినాశాయ నమః కాలక్షయంకర |
రంహసే దేవదేవాయ నమస్తే వసురేతసే || ౫ ||
ఏకవీరాయ సర్వాయ నమః పింగకపర్దినే |
హర్త్రే కర్త్రే నమస్తుభ్యం నమస్త్రిపురఘాతినే || ౬ ||
శుద్ధబోధ ప్రబుద్ధాయ ముక్తికైవల్యరూపిణే |
లోకత్రయ విధాత్రే చ వరుణేంద్రాగ్నిరూపిణే || ౭ ||
ఋగ్యజుస్సామవేదాయ పురుషాయేశ్వరాయ చ |
అగ్రాయ చైవ చోగ్రాయ విప్రాయ శ్రుతిచక్షుషే || ౮ ||
రజసేచైవ సత్వాయ నమస్తే తామసాత్మనే |
అనిత్యనిత్యభాసాయ నమో నిత్యచరాత్మనే || ౯ ||
వ్యక్తాయ చైవావ్యక్తాయ వ్యక్తావ్యక్తాత్మనే నమః |
భక్తానామార్తినాశాయ ప్రియనారాయణాయ చ || ౧౦ ||
ఉమాప్రియాయ శర్వాయ నందివక్త్రాంచితాయ వై |
ఋతు మన్వంతకల్పాయ పక్షమాసదినాత్మనే || ౧౧ ||
నానారూపాయ ముండాయ వరూథపృథుదండినే |
నమః కపాలహస్తాయ దిగ్వాసాయ శింఖడినే || ౧౨ ||
ధన్వినే రథినే చైవ యతయే బ్రహ్మచారిణే |
శివాయ దేవదేవాయ నమస్తుభ్యం నమో నమః || ౧౩ ||
ఏవం సురాసురైస్స్థాణు-స్స్తుత-స్స్తోషముపాగతః |
ఉవాచ వాక్యం భీతానాం స్మితాంచితశుభాక్షరమ్ || ౧౪ ||
ఇతి శ్రీమత్స్యపురాణాన్తర్గత దేవదానవకృత శివస్తోత్రమ్ |
Also Read:
Deva Danava Krita Shiva Stotram Lyrics in Hindi | English | Kannada | Telugu | Tamil
