Shiva Stotram

Devadaru Vanastha Muni Krita Parameshwara Stuti Lyrics in Telugu

Devadaru Vanastha Muni Krita Parameshwara Stuti in Telugu:

॥ శ్రీ పరమేశ్వర స్తుతిః (దేవదారువనస్థ ముని కృతం) ॥
ఋషయః ఊచుః –
నమో దిగ్వాససే తుభ్యం కృతాంతాయ త్రిశూలినే |
వికటాయ కరాళాయ కరాళవదనాయ చ || ౧ ||

అరూపాయ సురూపాయ విశ్వరూపాయ తే నమః |
కటంకటాయ రుద్రాయ స్వాహాకారాయ వై నమః || ౨ ||

సర్వప్రణత దేహాయ స్వయం చ ప్రణతాత్మనే |
నిత్యం నీలశిఖండాయ శ్రీకంఠాయ నమో నమః || ౩ ||

నీలకంఠాయ దేవాయ చితాభస్మాంగధారిణే |
త్వం బ్రహ్మా సర్వదేవానాం రుద్రాణాం నీలలోహితః || ౪ ||

ఆత్మా చ సర్వభూతానాం సాంఖైః పురుష ఉచ్యతే |
పర్వతానాం మహామేరుర్నక్షత్రాణాం చ చంద్రమాః || ౫ ||

ఋషీణాం చ వసిష్ఠస్త్వం దేవానాం వాసవస్తథా |
ఓంకారస్సర్వదేవానాం జ్యేష్ఠస్సామ చ సామసు || ౬ ||

అరణ్యానాం పశూనాం చ సింహస్త్వం పరమేశ్వరః |
గ్రామ్యాణామృషభశ్చాసి భగవాన్ లోకపూజితః || ౭ ||

సర్వథా వర్తమానోఽపి యో యో భావో భవిష్యతి |
త్వామేవ తత్ర పశ్యామో బ్రహ్మణా కథితం యథా || ౮ ||

కామః క్రోధశ్చ లోభశ్చ విషాదో మద ఏవ చ |
ఏతదిచ్ఛామహే బోద్ధుం ప్రసీద పరమేశ్వర || ౯ ||

మహాసంహరణే ప్రాప్తే త్వయా దేవ కృతాత్మనా |
కరం లలాటేసంవిధ్య వహ్నిరుత్పాదితస్త్వయా || ౧౦ ||

తేనాగ్నినా తదాలోకా అర్చిర్భిస్సర్వతోవృతాః |
తస్మాదగ్ని సమాహ్యేతే బహవో వికృతాగ్నయః || ౧౧ ||

కామః క్రోధశ్చ లోభశ్చ మోహో దంభ ఉపద్రవః |
యాని చాన్యాని భూతాని స్థావరాణి చరాణి చ || ౧౨ ||

దహ్యం తే ప్రాణినస్తే తు త్వత్సముత్థేన వహ్నినా |
అస్మాకం దహ్యమానానాం త్రాతా భవ సురేశ్వర || ౧౩ ||

త్వం చ లోకహితార్థాయ భూతాని పరిషించసి |
మహేశ్వర మహాభాగ ప్రభో శుభనిరీక్షక || ౧౪ ||

ఆజ్ఞాపయ వయం నాథ కర్తారో వచనం తవ |
భూతకోటిసహస్రేషు రూపకోటిశతేషు చ |
అంతం గంతుం న శక్తాస్స్మ దేవదేవ నమోఽస్తు తే || ౧౫ ||

ఇతి శ్రీలింగమహాపురాణే పూర్వభాగే దేవదారువనస్థ మునికృత పరమేశ్వర స్తుతిర్నామ ద్వాత్రింశోధ్యాయః |

Also Read:

Devadaru Vanastha Muni Krita Parameshwara Stuti Lyrics in Hindi | English |  Kannada | Telugu | Tamil

Add Comment

Click here to post a comment