Shiva Stotram

Shiva Naamavali Ashtakam Lyrics in Malayalam | Malayalam Shlokas

Shiva Namavali Ashtakam in Malayalam:

॥ ശിവ നാമാവലി അഷ്ടകം ॥
ശിവായ നമഃ ॥

ശിവനാമാവല്യഷ്ടകം |

ഹേ ചന്ദ്രചൂഡ മദനാന്തക ശൂലപാണേ സ്ഥാണോ ഗിരീശ ഗിരിജേശ മഹേശ ശംഭോ |
ഭൂതേശ ഭീതഭയസൂദന മാമനാഥം സംസാരദുഃഖഗഹനാജ്ജഗദീശ രക്ഷ ॥ ൧ ॥

ഹേ പാര്വതീഹൃദയവല്ലഭ ചന്ദ്രമൗലേ ഭൂതാധിപ പ്രമഥനാഥ ഗിരീശജാപ |
ഹേ വാമദേവ ഭവ രുദ്ര പിനാകപാണേ സംസാരദുഃഖഗഹനാജ്ജഗദീശ രക്ഷ ॥ ൨ ॥

ഹേ നീലകണ്ഠ വൃഷഭധ്വജ പഞ്ചവക്ത്ര ലോകേശ ശേഷവലയ പ്രമഥേശ ശര്വ |
ഹേ ധൂര്ജടേ പശുപതേ ഗിരിജാപതേ മാം സംസാരദുഃഖഗഹനാജ്ജഗദീശ രക്ഷ ॥ ൩ ॥

ഹേ വിശ്വനാഥ ശിവ ശങ്കര ദേവദേവ ഗങ്ഗാധര പ്രമഥനായക നന്ദികേശ |
ബാണേശ്വരാന്ധകരിപോ ഹര ലോകനാഥ സംസാരദുഃഖഗഹനാജ്ജഗദീശ രക്ഷ ॥ ൪ ॥

വാരാണസീപുരപതേ മണികര്ണികേശ വീരേശ ദക്ഷമഖകാല വിഭോ ഗണേശ |
സര്വജ്ഞ സര്വഹൃദയൈകനിവാസ നാഥ സംസാരദുഃഖഗഹനാജ്ജഗദീശ രക്ഷ ॥ ൫ ॥

ശ്രീമന്മഹേശ്വര കൃപാമയ ഹേ ദയാളോ ഹേ വ്യോമകേശ ശിതികണ്ഠ ഗണാധിനാഥ |
ഭസ്മാങ്ഗരാഗ നൃകപാലകലാപമാല സംസാരദുഃഖഗഹനാജ്ജഗദീശ രക്ഷ ॥ ൬ ॥

കൈലാസശൈലവിനിവാസ വൃഷാകപേ ഹേ മൃത്യുംജയ ത്രിനയന ത്രിജഗന്നിവാസ |
നാരായണപ്രിയ മദാപഹ ശക്തിനാഥ സംസാരദുഃഖഗഹനാജ്ജഗദീശ രക്ഷ ॥ ൭ ॥

വിശ്വേശ വിശ്വഭവനാശിതവിശ്വരൂപ വിശ്വാത്മക ത്രിഭുവനൈകഗുണാഭിവേശ |
ഹേ വിശ്വബന്ധു കരുണാമയ ദീനബന്ധോ സംസാരദുഃഖഗഹനാജ്ജഗദീശ രക്ഷ ॥ ൮ ॥

ഗൗരീവിലാസഭുവനായ മഹേശ്വരായ പഞ്ചാനനായ ശരണാഗതരക്ഷകായ |
ശര്വായ സര്വജഗതാമധിപായ തസ്മൈ ദാരിദ്ര്യദുഃഖദഹനായ നമഃ ശിവായ ॥ ൯ ॥

ഇതി ശ്രീമച്ഛങ്കരാചാര്യവിരചിതം ശിവനാമാവല്യഷ്ടകം സംപൂര്ണം ॥

Also Read:

Shiva Namavali Ashtakam Lyrics in Marathi | GujaratiBengali | Kannada | Malayalam | Telugu