Templesinindiainfo

Best Spiritual Website

Devidhamashtakam Lyrics in Malayalam | ദേവീധാമാഷ്ടകം

ദേവീധാമാഷ്ടകം Lyrics in Malayalam:

കസ്മൈചിദങ്ഘ്രിപ്രണതാഖിലേഷ്ടവിശ്രാണനവ്രീഡിതകൌസ്തുഭായ ।
കാമാരിവാമാങ്കജുഷേ കിരീടകനച്ഛശാങ്കായ നമോഽസ്തു ധാംനേ ॥ 1॥

കസ്മൈചിദുദ്യദ്രവികോടിഭാസേ കല്‍പദ്രുമാണാമപി ഗര്‍വഹര്‍ത്രേ ।
പുണ്ഡ്രേക്ഷുപാശാങ്കുശപുഷ്പബാണഹസ്തായ ശസ്തായ നമോഽസ്തു ധാംനേ ॥ 2॥

കസ്മൈചിദാദ്യായ നമോഽസ്തു ധാംനേ ബന്ധൂകപുഷ്പാഭകലേബരായ ।
കുലാദ്രിവംശാംബുധികൌസ്തുഭായ മത്തേഭകുംഭസ്തനബന്ധുരായ ॥

കസ്മൈചിദാദ്യായ നമോഽസ്തു ധാംനേ ഭണ്ഡാസുരാംഭോനിധിബാഡവായ ।
ഭക്തൌഘസംരക്ഷണദക്ഷിണായ ഭാധീശനീകാശമുഖാംബുജായ ॥ 4॥

കസ്മൈചിദസ്തു പ്രണതിഃ കരാംബുജാതംരദിംനാ ഹസതേ പ്രവാലം ।
കാരുണ്യജന്‍മാവനയേ കാപര്‍ദിമോദാബ്ധിരാകാരജനീകരായ ॥ 5॥

കല്യാണശൈലാധിപമധ്യശൃങ്ഗനികേതനായ പ്രണതാര്‍തിഹന്ത്രേ ।
ക്രവ്യാദവൈരിപ്രമുഖേഡിതായ കുര്‍മഃ പ്രണാമം കുതുകായ ശംഭൌ ॥ 6॥

കചപ്രഭാനിര്‍ജിതനീരദായ കസ്തുരികാകുങ്കുമലേപനായ ।
ബിംബാധരായ ശ്രുതിബോധിതായ ബന്ധാപനോദായ നമോഽസ്തു ധാംനേ ॥ 7॥

കടാക്ഷകാങ്ക്ഷിപ്രവരാമരായ കാലാരിചിത്താംബുജഭാസ്കരായ ।
പടീയസേ പാപസമൂഹഭേദേ നമോഽസ്തു കസ്മൈചിദമോഘധാംനേ ॥ 8॥

ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ശ്രീദേവീധാമാഷ്ടകം സമ്പൂര്‍ണം ।

Devidhamashtakam Lyrics in Malayalam | ദേവീധാമാഷ്ടകം

Leave a Reply

Your email address will not be published. Required fields are marked *

Scroll to top