ଦେଵୀଧାମାଷ୍ଟକମ୍ Lyrics in Oriya:
କସ୍ମୈଚିଦଙ୍ଘ୍ରିପ୍ରଣତାଖିଲେଷ୍ଟଵିଶ୍ରାଣନଵ୍ରୀଡିତକୌସ୍ତୁଭାୟ ।
କାମାରିଵାମାଙ୍କଜୁଷେ କିରୀଟକନଚ୍ଛଶାଙ୍କାୟ ନମୋଽସ୍ତୁ ଧାମ୍ନେ ॥ ୧॥
କସ୍ମୈଚିଦୁଦ୍ୟଦ୍ରଵିକୋଟିଭାସେ କଲ୍ପଦ୍ରୁମାଣାମପି ଗର୍ଵହର୍ତ୍ରେ ।
ପୁଣ୍ଡ୍ରେକ୍ଷୁପାଶାଙ୍କୁଶପୁଷ୍ପବାଣହସ୍ତାୟ ଶସ୍ତାୟ ନମୋଽସ୍ତୁ ଧାମ୍ନେ ॥ ୨॥
କସ୍ମୈଚିଦାଦ୍ୟାୟ ନମୋଽସ୍ତୁ ଧାମ୍ନେ ବନ୍ଧୂକପୁଷ୍ପାଭକଲେବରାୟ ।
କୁଲାଦ୍ରିଵଂଶାମ୍ବୁଧିକୌସ୍ତୁଭାୟ ମତ୍ତେଭକୁମ୍ଭସ୍ତନବନ୍ଧୁରାୟ ॥
କସ୍ମୈଚିଦାଦ୍ୟାୟ ନମୋଽସ୍ତୁ ଧାମ୍ନେ ଭଣ୍ଡାସୁରାମ୍ଭୋନିଧିବାଡଵାୟ ।
ଭକ୍ତୌଘସଂରକ୍ଷଣଦକ୍ଷିଣାୟ ଭାଧୀଶନୀକାଶମୁଖାମ୍ବୁଜାୟ ॥ ୪॥
କସ୍ମୈଚିଦସ୍ତୁ ପ୍ରଣତିଃ କରାମ୍ବୁଜାତମ୍ରଦିମ୍ନା ହସତେ ପ୍ରଵାଲମ୍ ।
କାରୁଣ୍ୟଜନ୍ମାଵନୟେ କାପର୍ଦିମୋଦାବ୍ଧିରାକାରଜନୀକରାୟ ॥ ୫॥
କଲ୍ୟାଣଶୈଲାଧିପମଧ୍ୟଶୃଙ୍ଗନିକେତନାୟ ପ୍ରଣତାର୍ତିହନ୍ତ୍ରେ ।
କ୍ରଵ୍ୟାଦଵୈରିପ୍ରମୁଖେଡିତାୟ କୁର୍ମଃ ପ୍ରଣାମଂ କୁତୁକାୟ ଶମ୍ଭୌ ॥ ୬॥
କଚପ୍ରଭାନିର୍ଜିତନୀରଦାୟ କସ୍ତୁରିକାକୁଙ୍କୁମଲେପନାୟ ।
ବିମ୍ବାଧରାୟ ଶ୍ରୁତିବୋଧିତାୟ ବନ୍ଧାପନୋଦାୟ ନମୋଽସ୍ତୁ ଧାମ୍ନେ ॥ ୭॥
କଟାକ୍ଷକାଙ୍କ୍ଷିପ୍ରଵରାମରାୟ କାଲାରିଚିତ୍ତାମ୍ବୁଜଭାସ୍କରାୟ ।
ପଟୀୟସେ ପାପସମୂହଭେଦେ ନମୋଽସ୍ତୁ କସ୍ମୈଚିଦମୋଘଧାମ୍ନେ ॥ ୮॥
ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଶ୍ରୀଦେଵୀଧାମାଷ୍ଟକଂ ସମ୍ପୂର୍ଣମ୍ ।
