Templesinindiainfo

Best Spiritual Website

Devipadapankajashtakam Lyrics in Telugu | దేవీపదపఙ్కజాష్టకమ్

దేవీపదపఙ్కజాష్టకమ్ Lyrics in Telugu:

శ్రీగణేశాయ నమః ॥

మాతస్త్వత్పదపఙ్కజం కలయతాం చేతోఽమ్బుజే సన్తతం
మానాథామ్బుజసమ్భవాద్రితనయాకాన్తైః సమారాధితమ్ ।
వాచ్ఛాపూరణనిర్జితామరమహీరుఙ్గర్వసర్వస్వకం
వాచః సూక్తిసుధారసద్రవముచో నిర్యాన్తి వక్త్రోదరాత్ ॥ ౧॥

మాతస్త్వత్పదపఙ్కజం మునీమనఃకాసారవాసాదరం
మాయామోహమహాన్ధకారమిహిరం మానాతిగప్రాభవమ్ ।
మాతఙ్గాభిమతిం స్వకీయగమనైర్నిర్ములయత్కౌతుకాద్-
వన్దేఽమన్దతపఃఫలాప్యనమనస్తోత్రార్చనాప్రక్రమమ్ ॥ ౨॥

మాతస్త్వత్పదపఙ్కజం ప్రణమతామానన్దవారాన్నిధే
రాకాశారదపూర్ణచన్ద్రనికరం కామాహిపక్షీశ్వరమ్ ।
వృన్దం ప్రాణభృతాం స్వనామ వదతామత్యాదరాత్సత్వరం
షడ్భాషాసరిదీశ్వరం ప్రవిదధత్షాణ్మాతురార్చ్యం భజే ॥ ౩॥

కామం ఫాలతలే దురక్షరతతిర్దైవీమమస్తాం న భీ-
ర్మాతస్త్వత్పదపఙ్కజోత్థరజసా లుమ్పామి తాం నిశ్చితమ్ ।
మార్కణ్డేయమునిర్యథా భవపదామ్భోజార్చనాప్రాభవాత్
కాలం తద్వదహం చతుర్ముఖముఖామ్భోజాతసూర్యప్రభే ॥ ౪॥

పాపాని ప్రశమం నయాశు మమతాం దేహేన్ద్రియప్రాణగాం
కామాదీనపి వైరిణో దృఢతరాన్మోక్షాధ్వవిఘ్నప్రదాన్ ।
స్నిగ్ధాన్పోషయ సన్తతం శమదమధ్యానాదిమాన్మోదతో
మాతస్త్వత్పదపఙ్కజం హృది సదా కుర్వే గిరాం దేవతే ॥ ౫॥

మాతస్త్వత్పదపఙ్కజస్య మనసా వాచా క్రియాతోఽపి వా
యే కుర్వన్తి ముదాఽన్వహం బహువిధైర్దివ్యైః సుమైరర్చనామ్ ।
శీఘ్రం తే ప్రభవన్తి భూమిపతయో నిన్దన్తి చ స్వశ్రియా
జమ్భారాతిమపి ధ్రువం శతమఖీకష్టాప్తనాకశ్రియమ్ ॥ ౬॥

మాతస్త్వత్పదపఙ్కజం శిరసి యే పద్మాటవీమధ్యత-
శ్చన్ద్రాభం ప్రవిచిన్తయన్తి పురుషాః పీయూషవర్ష్యన్వహమ్ ।
తే మృత్యుం ప్రవిజిత్యి రోగరహితాః సమ్యగ్దృఢాఙ్గాశ్చిరం
జీవన్త్యేవ మృణాలకోమలవపుష్మన్తః సురూపా భువి ॥ ౭॥

మాతస్త్వత్పదపఙ్కజం హృది ముదా ధ్యాయన్తి యే మానవాః
సచ్చిద్రూపమశేషవేదశిరసాం తాత్పర్యగమ్యం ముహుః ।
అత్యాగేఽపి తనోరఖణ్డపరమానన్దం వహన్తః సదా
సర్వం విశ్వమిదం వినాశి తరసా పశ్యన్తి తే పూరుషాః ॥ ౮॥

ఇతి దేవీపదపఙ్కజాష్టకం సమ్పూర్ణమ్ ॥

Devipadapankajashtakam Lyrics in Telugu | దేవీపదపఙ్కజాష్టకమ్

Leave a Reply

Your email address will not be published. Required fields are marked *

Scroll to top