Templesinindiainfo

Best Spiritual Website

Ganga Ashtakam Lyrics in Malayalam | ഗങ്ഗാഷ്ടകം

ഗങ്ഗാഷ്ടകം Lyrics in Malayalam:

ന ശക്താസ്ത്വാം സ്തോതും വിധിഹരിഹരാ ജഹ്നതനയേ
ഗുണോത്കര്‍ഷാഖ്യാനം ത്വയി ന ഘടതേ നിര്‍ഗുണപദേ ।
അതസ്തേ സംസ്തുത്യൈ കൃതമതിരഹം ദേവി സുധിയാം
വിനിന്ദ്യോ യദ്വേദാശ്ചകിതമഭിഗായന്തി ഭവതീം ॥ 1॥

തഥാഽപി ത്വാം പാപഃ പതിതജനതോദ്ധാരനിപുണേ
പ്രവൃത്തോഽഹം സ്തോതും പ്രകൃതിചലയാ ബാലകധിയാ ।
അതോ ദൃഷ്ടോത്സാഹേ ഭവതി ഭവഭാരൈകദഹനേ
മയി സ്തുത്യേ ഗങ്ഗേ കുരു പരകൃപാം പര്‍വതസുതേ ॥ 2॥

ന സംസാരേ താവത്കലുഷമിഹ യാവത്തവ പയോ
ദഹത്യാര്യേ സദ്യോ ദഹന ഇവ ശുഷ്കം തൃണചയം ।
പലായന്തേ ദൃഷ്ട്വാ തവ പരിചരാനന്തകജനാ
യഥാ വന്യാ വാഽന്യേ വനപതിഭയാദ് വാമനമൃഗാഃ ॥ 3॥

ജനാ യേ തേ മാതര്‍നിധനസമയേ തോയകണികാം
മുഖേ കൃത്വാ പ്രാണാഞ്ജഹതി സുരസങ്ഘൈരനുവൃതാ ।
വിമാനേ ക്രീഡന്തോഽമരപതിപദം യാന്തി നിയതം
കഥാ തേഷാം കാ വാ ജനനി തവ തീരേ നിവസതാം ॥ 4॥

ശിവഃ സര്‍വാരാധ്യോ ജനനി വിഷതാപോപശമനം
ചരീകര്‍തും ഗങ്ഗേ കലികലുഷഭങ്ഗേ പശുപതിഃ ।
ജടായാം സന്ധത്ത ലലിതലഹരീം ത്വാം സുരനദീ
ത്വദന്യാ കാ വന്ദ്യാ പരമമഹിതാ വാ ത്രിഭുവനേ ॥ 5॥

ജനസ്താവന്‍മാതര്‍ദുരിതഭയതോ ബിഭ്യതി സൃതൌ
ന യാവത്ത്വത്തീരം നയനപഥമായാതി വിമലം ।
യദാപ്തം ത്വത്തീരം തദനു ദുരിതാനാം ന ഗണനാ
തതോ ഗങ്ഗേ! വന്ദ്യാ മുനിസമുദയാസ്ത്വാം ന ജഹതി ॥ 6॥

നമാമി ത്വാം ഗങ്ഗേ ശ്രുതിവനവിഹാരൈകനിപുണേ
ജഗന്‍മാതര്‍മാതസ്ത്രിപുരഹരസേവ്യേ വിധിനുതേ ।
ത്വമേവാദ്യാ ദുര്‍ഗാ ജനഹിതകൃതേ ത്വം ദ്രവമയീ
സ്വയം ജാതാ ദേവി ത്വമസി പരമം ബ്രഹ്മ വിദിതം ॥ 7॥

കദാ ഗങ്ഗേ രംയേ തടമധിവസസ്തേ ശിവനുതേ
ശിവേ ദുര്‍ഗേ മാതഃ സകലഫലദേ ദേവദയിതേ ।
പരേശേ സര്‍വേശേ ശ്രുതിശതനുതേ ദക്ഷതനയേ
സദാഽഹം സഞ്ജല്‍പന്നിമിഷമിവ നേഷ്യാമി ദിവസാന്‍ ॥ 8॥

ഗങ്ഗാഷ്ടകമിദം പുണ്യം പ്രഭാതേ യഃ പഠേച്ഛുചിഃ ।
സര്‍വാഭീഷ്ടം തതസ്തസ്മൈ ദദാതി സുരനിംനഗാ ॥ 9॥

ഇതി സ്വാമി-ശ്രീമദനന്താനന്ദസരസ്വതീവിരചിതം ഗങ്ഗാഷ്ടകം സമ്പൂര്‍ണം ।

Ganga Ashtakam Lyrics in Malayalam | ഗങ്ഗാഷ്ടകം

Leave a Reply

Your email address will not be published. Required fields are marked *

Scroll to top