Templesinindiainfo

Best Spiritual Website

Garbha Gita Lyrics in Malayalam

Garbha Geetaa in Malayalam:

॥ ഗർഭഗീതാ ॥
വന്ദേ കൃഷ്ണം സുരേന്ദ്രം സ്ഥിതിലയജനനേ കാരണം സർവജന്തോഃ
സ്വേച്ഛാചാരം കൃപാലും ഗുണഗണരഹിതം യോഗിനാം യോഗഗമ്യം ।
ദ്വന്ദ്വാതീതം ച സത്യം ഹരമുഖവിബുധൈഃ സേവിതം ജ്ഞാനരൂപം
ഭക്താധീനം തുരീയം നവഘനരുചിരം ദേവകീനന്ദനം തം ॥

അർജുന ഉവാച —
ഗർഭവാസം ജരാമൃത്യും കിമർഥം ഭ്രമതേ നരഃ ।
കഥം വാ വഹിതം ജന്മ ബ്രൂഹി ദേവ ജനാർദന ॥ 1 ॥

ശ്രീഭഗവാനുവാച —
മാനവോ മൂഢ അന്ധശ്ച സംസാരേഽസ്മിൻ വിലിപ്യതേ ।
ആശാസ്തഥാ ന ജഹാതി പ്രാണാനാം ജനസമ്പദാം ॥ 2 ॥

അർജുന ഉവാച —
ആശാ കേന ജിതാ ലോകൈഃ സംസാരവിഷയൗ തഥാ ।
കേന കർമപ്രകാരേണ ലോകോ മുച്യേത ബന്ധനാത് ॥ 3 ॥

കാമഃ ക്രോധശ്ച ലോഭശ്ച മദമാത്സര്യമേവ ച ।
ഏതേ മനസി വർതന്തേ കർമപാശം കഥം ത്യജേത് ॥ 4 ॥

ശ്രീഭഗവാനുവാച —
ജ്ഞാനാഗ്നിർദഹതേ കർമ ഭൂയോഽപി തേന ലിപ്യതേ ।
വിശുദ്ധാത്മാ ഹി ലോകഃ സഃ പുനർജന്മ ന ഭുഞ്ജതേ ॥ 5 ॥

ജിതം സർവകൃതം കർമ വിഷ്ണുശ്രീഗുരുചിന്തനം ।
വികൽപോ നാസ്തി സങ്കൽപഃ പുനർജന്മ ന വിദ്യതേ ॥ 6 ॥

നാനാശാസ്ത്രം പഠേല്ലോകോ നാനാദൈവതപൂജനം ।
ആത്മജ്ഞാനം വിനാ പാർഥ സർവകർമ നിരർഥകം ॥ 7 ॥

ആചാരഃ ക്രിയതേ കോടി ദാനം ച ഗിരികാഞ്ചനം ।
ആത്മതത്ത്വം ന ജാനാതി മുക്തിർനാസ്തി ന സംശയഃ ॥ 8 ॥

കോടിയജ്ഞകൃതം പുണ്യം കോടിദാനം ഹയോ ഗജഃ ।
ഗോദാനം ച സഹസ്രാണി മുക്തിർനാസ്തി ന വാ ശുചിഃ ॥ 9 ॥

ന മോക്ഷം ഭ്രമതേ തീർഥം ന മോക്ഷം ഭസ്മലേപനം ।
ന മോക്ഷം ബ്രഹ്മചര്യം ഹി മോക്ഷം നേന്ദ്രിയനിഗ്രഹഃ ॥ 10 ॥

ന മോക്ഷം കോടിയജ്ഞം ച ന മോക്ഷം ദാനകാഞ്ചനം ।
ന മോക്ഷം വനവാസേന ന മോക്ഷം ഭോജനം വിനാ ॥ 11 ॥

ന മോക്ഷം മന്ദമൗനേന ന മോക്ഷം ദേഹതാഡനം ।
ന മോക്ഷം ഗായനേ ഗീതം ന മോക്ഷം ശിൽപനിഗ്രഹം ॥ 12 ॥

ന മോക്ഷം കർമകർമേഷു ന മോക്ഷം മുക്തിഭാവനേ ।
ന മോക്ഷം സുജടാഭാരം നിർജനസേവനസ്തഥാ ॥ 13 ॥

ന മോക്ഷം ധാരണാധ്യാനം ന മോക്ഷം വായുരോധനം ।
ന മോക്ഷം കന്ദഭക്ഷേണ ന മോക്ഷം സർവരോധനം ॥ 14 ॥

യാവദ്ബുദ്ധിവികാരേണ ആത്മതത്ത്വം ന വിന്ദതി ।
യാവദ്യോഗം ച സംന്യാസം താവച്ചിത്തം ന ഹി സ്ഥിരം ॥ 15 ॥

അഭ്യന്തരം ഭവേത് ശുദ്ധം ചിദ്ഭാവസ്യ വികാരജം ।
ന ക്ഷാലിതം മനോമാല്യം കിം ഭവേത് തപകോടിഷു ॥ 16 ॥

അർജുന ഉവാച —
അഭ്യന്തരം കഥം ശുദ്ധം ചിദ്ഭാവസ്യ പൃഥക് കൃതം ।
മനോമാല്യം സദാ കൃഷ്ണ കഥം തന്നിർമലം ഭവേത് ॥ 17 ॥

ശ്രീഭഗവാനുവാച —
പ്രശുദ്ധാത്മാ തപോനിഷ്ഠോ ജ്ഞാനാഗ്നിദഗ്ധകൽമഷഃ ।
തത്പരോ ഗുരുവാക്യേ ച പുനർജന്മ ന ഭുഞ്ജതേ ॥ 18 ॥

അർജുന ഉവാച —
കർമാകർമദ്വയം ബീജം ലോകേ ഹി ദൃഢബന്ധനം ।
കേന കർമപ്രകാരേണ ലോകോ മുച്യേത ബന്ധനാത് ॥ 19 ॥

ശ്രീഭഗവാനുവാച —
കർമാകർമദ്വയം സാധോ ജ്ഞാനാഭ്യാസസുയോഗതഃ ।
ബ്രഹ്മാഗ്നിർഭുഞ്ജതേ ബീജം അബീജം മുക്തിസാധകം ॥ 20 ॥

യോഗിനാം സഹജാനന്ദഃ ജന്മമൃത്യുവിനാശകം ।
നിഷേധവിധിരഹിതം അബീജം ചിത്സ്വരൂപകം ॥ 21 ॥

തസ്മാത് സർവാൻ പൃഥക് കൃത്യ ആത്മനൈവ വസേത് സദാ ।
മിഥ്യാഭൂതം ജഗത് ത്യക്ത്വാ സദാനന്ദം ലഭേത് സുധീഃ ॥ 22 ॥

ഇതി ശ്രീഗർഭഗീതാ സമാപ്താ ।

Also Read:

Garbha Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil

Garbha Gita Lyrics in Malayalam

Leave a Reply

Your email address will not be published. Required fields are marked *

Scroll to top