Guha Geetaa in Bengali:
॥ গুহগীতা ॥
অথ গুহগীতা প্রারম্ভঃ ।
অথ প্রথমোঽধ্যায়ঃ
মনোবিকারঃ
বিপ্রা ঊচুঃ-
সূতপুত্র মহাপ্রাজ্ঞ কথকোঽসি দয়াকর ।
গুহগীতাং চ নো বক্তুং ৎবমেবার্হসি চানঘ ॥ ১.১ ॥
সূত উবাচ-
কুতুকী গুহগীতায়াঃ শ্রবণে তৎপরো মুনিঃ ।
কর্ময়োগী হিডিম্ভং চ প্রার্থয়ন্ প্রত্যহং স্থিতঃ ॥ ১.২ ॥
শ্রান্তোঽসি কিং বা শ্রোতুং মে চারিত্রং বচ্মি সাদরম্ ।
বদন্নেবং হিডিম্ভশ্চাপ্যাগতঃ পুনরেকদা ॥ ১.৩ ॥
মুনিরুবাচ-
সৎকারং স্বীকুরুষ্বাদ্য গুহগীতাং দয়ানিধে ।
হিডিম্ভ ব্রূহি মে বক্তা ৎবমেব খলু ভক্তরাট্ ॥ ১.৪ ॥
হিডিম্ভ উবাচ-
বহুধা সেবিতঃ স্বামী ময়া ভিক্ষুঃ ষডাননঃ ।
প্রসাদমকরোৎ দিব্যকরুণাপাঙ্গতো ময়ি ॥ ১.৫ ॥
তদাঽহং সভয়ং ভক্ত্যা সহিতঃ প্রণমন্ গুরো ।
কিং ৎবয়া নিহতা ভিক্ষো পূর্বজা মম চান্বয়ে ॥ ১.৬ ॥
কিমহং রক্ষিতশ্চাস্মি ৎবয়া তৎকারণং বদ ।
ন মন্যে ৎবাং বিনা হ্যন্যং মৎসন্দেহনিবারকম্ ॥ ১.৭ ॥
শ্রীভিক্ষুরুবাচ-
প্রশিষ্যোঽসি হিডিম্ভ ৎবং সাক্ষাৎ শিষ্যশ্চ পার্ষদঃ ।
হন্ত তে কথয়িষ্যামি তত্ত্বং শৃণু সমাহিতঃ ॥ ১.৮ ॥
অভয়ং সত্ত্বসংশুদ্ধিঃ জ্ঞানয়োগব্যবস্থিতিঃ ।
দানং দমশ্চ যজ্ঞশ্চ স্বাধ্যায়স্তপ আর্জবম্ ॥ ১.৯ ॥
অহিংসা সত্যমক্রোধঃ ত্যাগশ্শান্তিরপৈশুনম্ ।
দয়া ভূতেষ্বলোলুপ্তিঃ মার্দবং হ্রীরচাপলম্ ॥ ১.১০ ॥
তেজঃ ক্ষমা ধৃতিঃ শৌচং অদ্রোহো নাতিমানিতা ।
ভবন্তি সম্পদং দৈবীং অভিজাতে হিডিম্ভক ॥ ১.১১ ॥
দম্ভো দর্পোঽভিমানশ্চ ক্রোধঃ পারুষ্যমেব চ ।
অজ্ঞানং চাভিজাতেষু সম্পদং রাক্ষসীং বত ॥ ১.১২ ॥
তে পূর্বজাঃ শূরমুখ্যা অভিজাতাশ্চ রাক্ষসীম্ ।
প্রবৃত্তিং চ নিবৃত্তিং চ ন জানন্তি হি রাক্ষসাঃ ॥ ১.১৩ ॥
ন শৌচং ন সদাচারো ন সত্যং তেষু বিদ্যতে ।
প্রভূতা হ্যুগ্রকর্মাণঃ ক্ষয়ায় জগতোঽহিতাঃ ॥ ১.১৪ ॥
কামোপভোগপরমাঃ ক্রোধোপাত্তবলাধিকাঃ ।
অসত্যমপ্রতিষ্ঠং তে জগদাহুরনীশ্বরম্ ॥ ১.১৫ ॥
ঈশ্বরোঽহমহং ভোগী কোঽন্যোস্তি সদৃশো ময়া ।
যক্ষ্যে দাস্যামি মোদিষ্যে ইত্যজ্ঞানবিমোহিতাঃ ॥ ১.১৬ ॥
ময়ৈব নিহতাঃ পূর্বে লোকরক্ষেচ্ছয়া কিল ।
মা শুচঃ সম্পদং দৈবীং অভিজাতোঽস্যনাময়ঃ ॥ ১.১৭ ॥
পুণ্যপুঞ্জপ্রভাবোঽসি গুরুণা কুম্ভজন্মনা ।
ময়ৈব সঞ্জীবিতোঽসি নিহতোঽপি হিডিম্ভক ॥ ১.১৮ ॥
আর্তোঽসি জিজ্ঞাসুরসি জ্ঞানী চাসি হিডিম্ভক ।
মৎসেবার্থ্যসি কা চিন্তা সুখী ভব নিরন্তরম্ ॥ ১.১৯ ॥
হিডিম্ভ উবাচ-
তদা মে সদ্গুরোর্ভিক্ষোঃ উক্তদিব্যোপদেশতঃ ।
মৎপূর্বিকমহাভোগভাগ্যবৈভবসংসৃতেঃ ॥ ১.২০ ॥
আনন্দবাষ্পা উদ্রিক্তাঃ সাকং দুঃখাশ্রুভির্বত ।
নির্বিণ্ণোঽহং স্বয়ং বুদ্ধো নিশ্চেষ্টোঽস্মি ততো গুরোঃ ॥ ১.২১ ॥
ভিক্ষুরুবাচ-
কুতস্ত্বা কশ্মলমিদং বিষমে সমুপস্থিতম্ ।
গতাসূনগতাংসূংশ্চ নানুশোচতি তৎববিৎ ॥ ১.২২ ॥
নৎবেবাহং জাতু নাসং ন ৎবং নেমে ৎবদগ্রজাঃ ।
ন চৈব ন ভবিষ্যামঃ সর্বে বয়মতঃ পরম্ ॥ ১.২৩ ॥
দেহিনোঽস্মিন্ যথা দেহে কৌমারং যৌবনং জরা ।
তথা দেহান্তরপ্রাপ্তির্ধীরস্তত্র ন মুহ্যতি ॥ ১.২৪ ॥
অবিনাশি তু তদ্বিদ্ধি যেন সর্বমিদং ততম্ ।
বিনাশমব্যযস্যাস্য ন কশ্চিৎ কর্তুমর্হতি ॥ ১.২৫ ॥
য এনং বেত্তি হন্তারং যশ্চৈনং মন্যতে হতম্ ।
উভৌ তৌ ন বিজানীতো নায়ং হন্তি ন হন্যতে ॥ ১.২৬ ॥
অচ্ছেদ্যোঽয়মদাহ্যোঽয়ং অক্লেদ্যোঽশোষ্য এব চ ।
নিত্যস্সর্বগতঃ স্থাণুঃ অচলোঽয়ং সনাতনঃ ॥ ১.২৭ ॥
অব্যক্তোঽয়ং অচিন্ত্যোঽয়ং অবিকার্যোঽয়মুচ্যতে ।
তস্মাদেবং বিদিৎবৈনং নানুশোচিতুমর্হসি ॥ ১.২৮ ॥
যদিদং দৃশ্যতে সর্বং জগৎ স্থাবরজঙ্গমম্ ।
তৎ সুষুপ্তাবিব স্বপ্নঃ কল্পান্তে প্রবিনশ্যতি ॥ ১.২৯ ॥
ঋতমাত্মা পরং ব্রহ্ম সত্যমিত্যাদিকা বুধৈঃ ।
কল্পিতা ব্যবহারার্থং যস্য সঞ্জ্ঞা মহাত্মনঃ ॥ ১.৩০ ॥
যথা কটকশব্দার্থঃ পৃথগ্ভাবো ন কাঞ্চনাৎ ।
ন হেমকটকাৎ তদ্বৎ জগৎ শব্দার্থতা পরে ॥ ১.৩১ ॥
তেনেয়মিন্দ্রজাল ক্রীডাগতিঃ প্রবিতন্যতে ।
দ্রষ্টুর্দৃশ্যস্য সত্তান্তঃ বন্ধ ইত্যভিধীয়তে ॥ ১.৩২ ॥
দৃষ্ট্বা দৃশ্যবশাৎ বদ্ধো দৃশ্যাভাবে বিমুচ্যতে ।
জগত্ত্বমহমিত্যাদি সর্গাত্মা দৃশ্যমুচ্যতে ॥ ১.৩৩ ॥
মনস্তেনেন্দ্রজলশ্রীঃ জগতী প্রবিতন্যতে ।
যাবদেতৎ সম্ভবতি তাবন্মোক্ষো ন বিদ্যতে ॥ ১.৩৪ ॥
ব্রহ্মণা তন্যতে বিশ্বং মনসৈব স্বয়ম্ভুবা ।
মনোময়মতো বিশ্বং যন্নাম পরিদৃশ্যতে ॥ ১.৩৫ ॥
ন বাহ্যে নাপি হৃদয়ে সদ্রূপং বিদ্যতে মনঃ ।
যদর্থং প্রতিভানং তৎ মন ইত্যভিধীয়তে ॥ ১.৩৬ ॥
সঙ্কল্পনং মনো বিদ্ধি সঙ্কল্পস্তত্র বিদ্যতে ।
যত্র সঙ্কল্পনং তত্র মনোঽস্তীত্যবগম্যতাম্ ॥ ১.৩৭ ॥
সঙ্কল্পমনসী ভিন্নে ন কদাচন কেনচিৎ ।
সঙ্কল্পজাতে গলিতে স্বরূপমবশিষ্যতে ॥ ১.৩৮ ॥
অহং ৎবং জগদিত্যাদৌ প্রশান্তে দৃশ্যসম্ভ্রমে ।
স্যাৎ তাদৃশী কেবলতা দৃশ্যে সত্তামুপাগতে ॥ ১.৩৯ ॥
মহাপ্রলয় সম্পত্তৌ হ্যসত্তাং সমুপাগতে ।
অশেষদৃশ্যে সর্গাদৌ শান্তমেবাবশিষ্যতে ॥ ১.৪০ ॥
মনসা ভাব্যমানো হি দেহতাং যাতি দেহকঃ ।
মনোবিলাসঃ সংসার ইতি মে নিশ্চিতা মতিঃ ॥ ১.৪১ ॥
অন্তঃকরণসদ্ভাবস্ত্ববিদ্যায়াশ্চ সম্ভবঃ ।
অনেককোটিব্রহ্মাণ্ডং সর্বং মিথ্যেতি নিশ্চিনু ॥ ১.৪২ ॥
জীবন্নেব সদা মুক্তঃ কৃতার্থো ব্রহ্মবিত্তমঃ ।
উপাধিনাশাদ্ব্রহ্মৈব স ব্রহ্মাপ্নোতি নির্ভয়ম্ ॥ ১.৪৩ ॥
তদ্ব্রহ্মানন্দমদ্বন্দ্বং নির্গুণং সত্যচিদ্ঘনম্ ।
বিদিৎবা স্বাত্মনো রূপং মা বিভেস্ত্বং কদাচন ॥ ১.৪৪ ॥
সর্বং চ খল্বিদং ব্রহ্ম নিত্যং চিদ্ঘনমক্ষতম্ ।
কল্পনাঽন্যা মনোনাম্নী বিদ্যতে নহি কাচন ॥ ১.৪৫ ॥
ন জায়তে ন ম্রিয়তে কিঞ্চিদত্র জগত্ত্রয়ে ।
ন চ ভাববিকারাণাং সত্তা কচন বিদ্যতে ॥ ১.৪৬ ॥
নাহং মাংসং ন চাস্থীনি দেহাদন্যঃ পরোঽস্ম্যহম্ ।
ইতি নিশ্চিতবানন্তঃ ক্ষীণাবিদ্যো বিমুচ্যতে ॥ ১.৪৭ ॥
মা ভবাজ্ঞো ভব জ্ঞস্ত্বং জহি সংসারভাবনাম্ ।
অনাত্মন্যাত্মভাবেন কিমজ্ঞ ইব রোদষি ॥ ১.৪৮ ॥
কস্তবায়ং জডো মূকো দেহো মাংসময়োঽশুচিঃ ।
যদর্থং সুখদুঃখাভ্যাং অবশঃ পরিভূয়সে ॥ ১.৪৯ ॥
অঙ্গান্যঙ্গৈরিবাক্রম্য জয়েদাদৌ স্বকং মনঃ ।
মনসো বিজয়ান্নান্যা গতিরস্তি ভবার্ণবে ॥ ১.৫০ ॥
প্রক্ষীণচিত্তদর্পস্য নিগৃহীতেন্দ্রিয়দ্বিষঃ ।
পদ্মিন্য ইব হেমন্তে ক্ষীয়ন্তে ভোগবাসনাঃ ॥ ১.৫১ ॥
বিবেকং পরমাশ্রিত্য বুদ্ধ্যা সত্যমবেক্ষ্য চ ।
ইন্দ্রিয়ারীনলং ছিৎবা তীর্ণো ভব ভবার্ণবাৎ ॥ ১.৫২ ॥
যদ্যৎকরোষি সত্যেন সর্বং মিথ্যেতি নিশ্চিনু ।
ৎবমেব পরমাত্মাসি ৎবং ব্রহ্মাসি ন সংশয়ঃ ॥ ১.৫৩ ॥
ইতি কলিসন্তারক শ্রীগুহগীতায়াং ব্রহ্মবিদ্যায়াং
অদ্বৈতশাস্ত্রে ভিক্ষুরূপিগুহহিডিম্ভসংবাদে
মনোবিকারো নাম প্রথমোঽধ্যায়ঃ ॥ ১ ॥
অথ দ্বিতীয়োঽধ্যায়ঃ
সর্বত্র সমভাবনা
শ্রীভিক্ষুরুবাচ-
অন্তরাস্থাং পরিত্যজ্য ভাবশ্রীং ভাবনাময়ীম্ ।
যোঽসি সোঽসি জগত্যস্মিন্ লীলয়া বিহরানঘ ॥ ২.১ ॥
সর্বত্রাহং অকর্তেতি দৃঢভাবনয়াঽনয়া ।
পরমামৃতনাম্নী সা সমতৈবাবশিষ্যতে ॥ ২.২ ॥
খেদোল্লাসবিলাসেষু স্বাত্মকর্তৃতয়ৈকয়া ।
স্বসঙ্কল্পে ক্ষয়ং যাতে সমতৈবাবশিষ্যতে ॥ ২.৩ ॥
সমতা সর্বভূতেষু যাসৌ সত্যপরা স্থিতিঃ ।
তস্যাং অবস্থিতং চিত্তং ন ভূয়ো জন্মভাগ্ভবেৎ ॥ ২.৪ ॥
অথবা সর্বকর্তৃৎবং অকর্তৃৎবং তথৈব চ ।
সর্বং ত্যক্ত্বা মনঃ পীৎবা যোঽসি সোঽসি স্থিরো ভব ॥ ২.৫ ॥
শেষস্থিরসমাধানো যেন ত্যজসি তত্ত্যজ ।
চিন্মনঃ কলনাকারং প্রকাশতিমিরাদিকম্ ॥ ২.৬ ॥
বাসনাং বাসিতারং চ প্রাণস্পন্দনপূর্বকম্ ।
সমূলমখিলং ত্যক্ত্বা ব্যোমসাম্যঃ প্রশান্তধীঃ ॥ ২.৭ ॥
হৃদয়াৎসম্পরিত্যজ্য বাসনাপঙ্ক্তয়োঽখিলাঃ ।
যস্তিষ্ঠতি গতব্যগ্রঃ স মুক্তঃ পরমেশ্বরঃ ॥ ২.৮ ॥
দৃষ্টং দ্রষ্টব্যমখিলং ভ্রান্তং ভ্রান্ত্যা দিশো দশ ।
যুক্ত্যা বৈ চরতোঽজ্ঞস্য সংসারো গোষ্পদাকৃতিঃ ॥ ২.৯ ॥
সবাহ্যাভ্যন্তরে দেহে হ্যধ ঊর্ধ্বং চ দিক্ষু চ ।
ইত আত্মা ততোঽপ্যাত্মা নাস্ত্যনাত্মময়ং জগৎ ॥ ২.১০ ॥
ন তদস্তি ন যত্রাহং ন তদস্তি ন তন্ময়ম্ ।
কিমন্যৎ অভিবাঞ্ছামি সর্বং সচ্চিন্ময়ং ততম্ ॥ ২.১১ ॥
সমস্তং খল্বিদং ব্রহ্ম পরমাত্মেদমাততম্ ।
অহমন্যৎ ইদং চান্যৎ ইতি ভ্রান্তি ত্যজানঘ ॥ ২.১২ ॥
ততো ব্রহ্মঘনে নিত্যে সম্ভবন্তি ন কল্পিতাঃ ।
ন শোকোঽস্তি ন মোহোঽস্তি ন জরাঽস্তি ন জন্ম চ ॥ ২.১৩ ॥
যদস্তীহ তদেবাস্তি বিজ্বরো ভব সর্বদা ।
যয়া প্রাপ্তানুভবতঃ সর্বত্রানভিবাঞ্ছনাৎ ।
ত্যাগাদান পরিত্যাগী বিজ্বরো ভব সর্বদা ॥ ২.১৪ ॥
ন বর্ণাশ্রমাচারধর্মাঃ কুতস্তে
ন পুণ্যং ন পাপং ন ধর্মোঽপ্যধর্মঃ ।
ন পূজ্যোঽপ্যপূজ্যঃ সদাঽঽনন্দভাবং
পরং ব্রহ্ম সাক্ষাৎ ৎবমেবাসি তাত ॥
হিডিম্ভ উবাচ-
এবমুক্ত্বা বিসৃষ্টোঽহং ব্রহ্মসাক্ষাৎকৃতিং দদৌ ।
তদাদি ব্রহ্মভাবেন স্থিতোঽহং গতকল্মষঃ ॥ ২.১৬ ॥
ব্রহ্মাকারাকারিতান্তর্বৃত্তিঃ কল্পিতবানহম্ ।
সর্বং সুব্রহ্মণ্যময়ং জগদ্ভাতি ন সংশয়ঃ ॥ ২.১৭ ॥
বাচামগোচরং দিব্যং মনোঽতীতং মহাদ্যুতিম্ ।
তদ্ব্রহ্মানুভবং পূর্ণানন্দং বক্তুং ন শক্যতে ॥ ২.১৮ ॥
তূষ্ণীং স্থিৎবা ভিক্ষুণা সম্বোধিতোঽহং প্রণম্য তম্ ।
যত্ত্বয়োক্তং বচস্তেন মোহোঽয়ং বিগতো মম ॥ ২.১৯ ॥
তবৈবানুগ্রহেণাহং সচ্চিদানন্দমাত্রকঃ ।
কিং বা বক্তুং ন শক্নোমি ভগবন্ তব সন্নিধৌ ॥ ২.২০ ॥
এবং গদ্গদয়া বাচাঽপ্যপৃচ্ছং ভিক্ষুমব্যযম্ ।
কৃতাঞ্জলিপুটো ভূৎবা নমস্কৃত্য পুনঃপুনঃ ॥ ২.২১ ॥
স্থানে ভিক্ষো তবোক্ত্যাঽহং ধ্যাৎবা ৎবামেব সন্ততম্ ।
জীবন্মুক্তোঽস্মি তাদাত্ম্যনিশ্চয়াদেব ষণ্মুখ ॥ ২.২২ ॥
বর্ণাশ্রমাচারধর্মাঃ কিমর্থং বেদচোদিতাঃ ।
তৈর্বদ্ধাঃ কীদৃশা লোকে মুক্তাঃ কীদৃগ্বিধা অপি ॥ ২.২৩ ॥
শ্রীভিক্ষুরুবাচ-
হন্ত তে কথয়াম্যদ্য তত্ত্বং শৃণু সনাতনম্ ।
অবিদ্যোপাধিনাঽশান্তপ্রাণিনো জগতি স্থিতাঃ ॥ ২.২৪ ॥
বর্ণাশ্রমাদিধর্মাশ্চ সুকৃতং দুষ্কৃতং তথা ।
সাপ্যবিদ্যাঽনেকজন্মবাসনাপিহিতা মতা ॥ ২.২৫ ॥
নাদিরন্তোঽস্তি তস্যাস্তু ব্রহ্মজ্ঞানেন কেবলম্ ।
বহূনাং জন্মনামন্তে জ্ঞানবান্মাং প্রপদ্যতে ॥ ২.২৬ ॥
সর্বং ব্রহ্মৈবেতি মতিঃ স মহাত্মা সুদুর্লভঃ ।
পুরাঽপৃচ্ছদগস্ত্যোঽপি প্রণম্য পিতরং মম ॥ ২.২৭ ॥
বর্ণাশ্রমাদিধর্মাস্তু কথম্ভূতা বিভো ইতি ।
তদহং সঙ্গ্রহেণৈব বচ্মি শৃণু সনাতনম্ ॥ ২.২৮ ॥
সহস্রশীর্ষে ভগবান্ স্থিতো নারায়ণাভিধঃ ।
ক্ষীরাব্ধৌ চিন্তয়ন্ শম্ভুং শঙ্করং শিবমব্যযম্ ॥ ২.২৯ ॥
কদাচিৎ পঙ্কজং দিব্যং তরুণাদিত্যসন্নিভম্ ।
তস্য সুপ্তস্য দেবস্য নাভ্যাং জাতং মহত্তরম্ ॥ ২.৩০ ॥
হিরণ্যগর্ভো ভগবান্ ব্রহ্মা বিশ্বজগৎপতিঃ ।
আস্থায় পরমাং মূর্তিং তস্মিন্ পদ্মে সমুদ্বভৌ ॥ ২.৩১ ॥
শিবাজ্ঞয়া তস্য পূর্ববাসনাসহিতান্মুখাৎ ।
ব্রহ্মণা ব্রাহ্মণস্ত্রীভিঃ সহজাতা হিডিম্ভক ॥ ২.৩২ ॥
তস্য হস্তাৎ সহ স্ত্রীভিঃ জজ্ঞিরে শঙ্করাজ্ঞয়া ।
স্বস্ত্রীষু স্বস্বধর্মেণ মার্গেণোত্থঃ স্বভুর্ভবেৎ ॥ ২.৩৪ ॥
অপরাসূত্তমাজ্জাতঃ ৎবনুলোমঃ প্রকীর্তিতঃ ।
উত্তমাস্বপরাজ্জাতঃ প্রতিলোম ইতি স্মৃতঃ ॥ ২.৩৫ ॥
বর্ণস্ত্রীষু অনুলোমেন জাতস্স্যাদান্তরালিকঃ ।
বর্ণাসু প্রতিলোমেন জাতো ব্রাত্য ইতি স্মৃতঃ ॥ ২.৩৬ ॥
ব্রাহ্মণ্যাং সধবায়াং যো ব্রাহ্মণেনৈব মোহতঃ ।
জাতশ্চৈর্যেণ কুণ্ডোঽসৌ বিধবায়াং তু গোলকঃ ॥ ২.৩৭ ॥
এবমেবানুলোমাশ্চ প্রতিলোমাশ্চ জাতয়ঃ ।
উচ্চাবচপ্রপঞ্চেঽস্মিন্ বহ্ব্যো জাতা হি কামতঃ ॥ ২.৩৮ ॥
বর্ণানামাশ্রমাঃ প্রোক্তা মুনিভিশ্চ সনাতনৈঃ ।
তেষাং বর্ণাশ্রমস্থানাং বেদকিঙ্করতা সদা ॥ ২.৩৯ ॥
চক্ষুরাদিপ্রিয়াণাং চ ভেদো লোকিপকারকঃ ।
তদ্বদ্বর্ণাশ্রমাদীনাং ভেদো লোকিপকারকঃ ॥ ২.৪০ ॥
ষণ্ণাং রসানাং ভেদোঽস্তি যথা জিহ্বোপকারকঃ ।
তথা বর্ণাশ্রমাদীনাং ভেদো লোকিপকারকঃ ॥ ২.৪১ ॥
যথা ভাক্ষ্যবিশেষাণাং ভেদো ভোক্তুঃ প্রয়োজকঃ ।
তথা বর্ণাশ্রমাদীনাং ভেদো লোকপ্রয়োজকঃ ॥ ২.৪২ ॥
যথা তরুলতাদীনাং ভেদঃ ফলসমৃদ্ধিদঃ ।
তথা বর্ণাশ্রমাদীনাং ভেদঃ ফলসমৃদ্ধিদঃ ॥ ২.৪৩ ॥
যথা বহূনাং লোহানাং ভেদঃ কর্মসমৃদ্ধিদঃ ।
তথা বর্ণাশ্রমাদীনাং ভেদঃ কর্মসমৃদ্ধিদঃ ॥ ২.৪৪ ॥
যথা রত্নাদিপাষাণভেদো গৌরবদায়কঃ ।
তথা বর্ণাশ্রমাদীনাং ভেদো গৌরবদায়কঃ ॥ ২.৪৫ ॥
যথা পাকপ্রভেদো হি দেহস্যারোগ্যদো ভবেৎ ।
তথা বর্ণাশ্রমাদীনাং ভেদো লোকস্য সৌখ্যদঃ ॥ ২.৪৬ ॥
যথা মৃগাণাং ভেদো হি বনস্যোল্লাসকো ভবেৎ ।
তথা বর্ণাশ্রমাদীনাং ভেদো লোকস্য রঞ্জকঃ ॥ ২.৪৭ ॥
যথাঽলঙ্কারভেদো হি লোকব্যাবৃত্তিসূচকঃ ।
তথা বর্ণাশ্রমাদীনাং ভেদো ব্যাবৃত্তিসূচকঃ ॥ ২.৪৮ ॥
যথাঽনেকায়ুধানাং চ ভেদো যুদ্ধজয়প্রদঃ ।
তথা বর্ণাশ্রমাদীনাং ভেদো জ্ঞানজয়প্রদঃ ॥ ২.৪৯ ॥
যথা বহূনাং পুষ্পাণাং ভেদো ভোগসমৃদ্ধিদঃ ।
তথা বর্ণাশ্রমাদীনাং ভেদো ধর্মসমৃদ্ধিদঃ ॥ ২.৫০ ॥
যথা শুক্লাদিবর্ণানাং ভেদঃ চক্ষুঃসুখঙ্করঃ ।
তথা বর্ণাশ্রমাদীনাং ভেদো জনসুখঙ্করঃ ॥ ২.৫১ ॥
ততো বর্ণাশ্রমাচারে ন বৈরং পরিকল্পয়েৎ ।
যদা বর্ণাশ্রমাদীনাং শাত্রবং স্যাৎ পরস্পরম্ ॥ ২.৫২ ॥
তদা লোকস্য সংহারঃ স্বাঙ্গৈর্দেহস্য নাশবৎ ।
বর্ণানামাশ্রমাণাং চ সঙ্করো ধর্মনাশকঃ ॥ ২.৫৩ ॥
মল্লোকপাশদোঽসি ৎবং ততস্ত্বাং শিক্ষয়াম্যহম্ ।
যদা বর্ণাশ্রমাদীনাং যত্র লোপঃ প্রজায়তে ॥ ২.৫৪ ॥
তত্র স্থিৎবা প্রসন্নস্ত্বং ধার্মিকাবনদো ভব ।
হিডিম্ভ স্ত্রীষু দুষ্টাসু জায়তে বর্ণসঙ্করঃ ॥ ২.৫৫ ॥
স কালঃ কলিরিত্যুক্তো লোকধর্মবিনাশকঃ ।
অদৃশূলা জনপদাঃ শিবশূলাঃ চতুষ্পদাঃ ॥ ২.৫৬ ॥
প্রমদাঃ কেশশূলিন্যো জনকাঃ পাকশূলিনঃ ।
স্বদেহশূলিনঃ সর্বে প্রভবন্তি কলৌ যুগে ॥ ২.৫৭ ॥
তস্মাৎ বর্ণাশ্রমাদীনাং রক্ষকো ভব সন্ততম্ ।
ব্যাবহারিকলোকেঽস্মিন্ ইদং কার্যং ৎবয়া শৃণু ॥ ২.৫৮ ॥
সর্বেষাং কর্মণা জাতিঃ নান্যথা কল্পকোটিভিঃ ।
পশ্বাদীনাং যথা জাতিঃ জন্মনৈব চ নান্যথা ॥ ২.৫৯ ॥
সাঽপি স্থূলস্য দেহস্য ভৌতিকস্য ন চাত্মনঃ ।
তথাপি দেহেঽহম্মানাৎ আত্মা বিপ্রাদিসঞ্জ্ঞিতঃ ॥ ২.৬০ ॥
স্বস্বরূপাপরিজ্ঞানাৎ দেহেঽহম্মান আত্মনঃ ।
অপরিজ্ঞানমপ্যস্য চাবিদ্যাবাসনাবলাৎ ॥ ২.৬১ ॥
যস্যাপরোক্ষবিজ্ঞানং অস্তি শ্রীগুর্বনুগ্রহাৎ ।
তস্য নাস্তি নিয়োজ্যৎবং ইতি মে নিশ্চিতা মতিঃ ॥ ২.৬২ ॥
অস্তি চেৎ ব্রহ্মবিজ্ঞানং স্ত্রিয়ো বা পুরুষস্য বা ।
বর্ণাশ্রমসমাচারঃ তস্য নাস্ত্যেব সর্বদা ॥ ২.৬৩ ॥
অবিজ্ঞায়াত্মবিজ্ঞানং যে স্ববর্ণাশ্রমাদিকান্ ।
ত্যজন্তি মূঢাত্মানস্তে পতন্ত্যেব ন সংশয়ঃ ॥ ২.৬৪ ॥
হিডিম্ভ নিস্সংশয়ভাবতস্ত্বং
দৃঢং ভজন্মাং সুবিহারকো ভব ।
মদঙ্ঘ্রিভক্তস্য সদাঽস্তু নির্ভয়ং
পুনশ্চ কিং পৃচ্ছসি মাং মহামতে ॥ ২.৬৫ ॥
ইতি কলিসন্তারক শ্রীগুহগীতায়াং ব্রহ্মবিদ্যায়াং
অদ্বৈতশাস্ত্রে ভিক্ষুরূপিগুহহিডিম্ভসংবাদে
সর্বত্র সমভাবনানাম দ্বিতীয়োঽধ্যায়ঃ ॥ ২ ॥
অথ তৃতীয়োঽধ্যায়ঃ
অজ্ঞানমূলম্
হিডিম্ভ উবাচ-
স্বামিন্ রহস্যং মে ব্রূহি দেবানাং দেহিনাং বিভো ।
যদ্ভাবনাবলেনৈব প্রাণী মোক্ষমবাপ্নুয়াৎ ॥ ৩.১ ॥
শ্রীভিক্ষুরুবাচ-
রহস্যং তে প্রবক্ষ্যামি সমাসেন সবিস্তরাৎ ।
শ্রদ্ধয়া শৃণু শৈরেয় সর্বসিদ্ধিকরং পরম্ ॥ ৩.২ ॥
সর্বেষাং কারণং সাক্ষাৎ পরতত্ত্বমবস্থিতম্ ।
ৎবগসৃঙ্মাংসমেদোঽস্থিমজ্জাষট্কৌশিকে স্বয়ম্ ॥ ৩.৩ ॥
পাঞ্চভৌতিকদেহেঽস্মিন্ শিবশ্শিবতরোঽস্ম্যহম্ ।
শিবঃ পঞ্চমুখোঽহন্তু ষণ্মুখস্তত উচ্যতে ॥ ৩.৪ ॥
আবয়োরৈক্যভাবো হি মুক্তিহেতুর্হি প্রাণিনাম্ ।
শিবপঞ্চমুখান্যেব ব্রহ্মাণ্ডে পঞ্চদেবতাঃ ॥ ৩.৫ ॥
কার্যং ব্রহ্মা মহীভাগে কায়ং বিষ্ণুর্জলাশয়ে ।
কার্যং রুদ্রোঽগ্নিভাগে চ বায়্বংশে চেশ্বরঃ পরঃ ॥ ৩.৬ ॥
আকাশাংশে শরীরস্য স্থিতস্সাক্ষাৎ সদাশিবঃ ।
শরীরস্য বহির্ভাগে বিরাডাত্মা স্থিতস্সদা ॥ ৩.৭ ॥
অন্তর্ভাগে স্বরাডাত্মা সম্রাড্দেহস্য মধ্যমে ।
জ্ঞানেন্দ্রিয়েষু মনসি শ্রোত্রাদিষু চ পঞ্চসু ॥ ৩.৮ ॥
মম ষড্বদনান্যেব গ্লৌদিগ্বায়্বর্কবার্বরাঃ ।
ভূমিশ্চ কায়ভূতাঃ স্যুঃ পঞ্চহস্তো গণেশ্বরঃ ॥ ৩.৯ ॥
কর্মেন্দ্রিয়স্বরূপশ্চ পাদপাণ্যাদিষু ক্রমাৎ ।
ত্রিবিক্রমেন্দ্র বহ্ব্যাখ্যাঃ কায়ভূতাঃ প্রজাপতিঃ ॥ ৩.১০ ॥
মিত্রশ্চাপি তথা প্রাণে সূত্রাত্মা সুস্থিতস্সদা ।
চতুর্মুখোঽন্তঃ করণে তদবস্থাসু চ ক্রমাৎ ॥ ৩.১১ ॥
চন্দ্রমা মনসি প্রোক্তো বুদ্ধৌ তু স বৃহস্পতিঃ ।
অহঙ্কারে চ কালাগ্নিঃ রুদ্রশ্চিত্তে শিবঃ স্থিতঃ ॥ ৩.১২ ॥
ভূতপ্রেতপিশাচাদ্যাঃ দেহস্যাস্থিষু সংস্থিতাঃ ।
মজ্জাখ্যে পিতৃগন্ধর্বাঃ রোমসু ক্ষুদ্রদেবতাঃ ॥ ৩.১৩ ॥
সর্বাশ্চ রাক্ষসাশ্চৈব স্থিতাঃ স্নায়ুষু সর্বশঃ ।
বর্তন্তে দেবতাস্সর্বাঃ দেহেঽস্মিন্নেব সংস্থিতাঃ ॥ ৩.১৪ ॥
ত্রিমূর্তিনাং তু যো ব্রহ্মা তস্য ঘোরাভিধা তনুঃ ।
দক্ষিণাক্ষিণি জন্তূনাং শান্তাখ্যা চ তনুস্তথা ॥ ৩.১৫ ॥
বর্তন্তে বামনেত্রে চাপ্যন্তর্ভাগে তয়োঃ পুনঃ ।
বহির্ভাগে সূর্যচন্দ্রৌ বর্তেতে কন্ধরে তথা ॥ ৩.১৬ ॥
ত্রিমূর্তীনাং তু যো বিষ্ণুঃ শান্তো ঘোরোঽন্ততো বহিঃ ।
ত্রিমূর্তীনাং তু যো রুদ্রঃ শান্তো ঘোরোঽন্ততো বহিঃ ॥ ৩.১৭ ॥
চিচ্ছক্তিঃ পরমা দেহমধ্যে কুণ্ডলিনী স্থিতা ।
মায়াশক্তির্ললাটাগ্রে তন্মধ্যে নাদরূপিণী ॥ ৩.১৮ ॥
অপরাংশে বিন্দুময়ী তস্য শক্তিঃ স্থিতা স্বয়ম্ ।
জীবাত্মা বিন্দুমধ্যে তু সূক্ষ্মরূপঃ প্রকাশতে ॥ ৩.১৯ ॥
হৃদয়ে স্থূলরূপেণ তয়োর্মধ্যে তু মধ্যমঃ ।
হৃন্মধ্যে তু মহালক্ষ্মীঃ জিহ্বায়াং তু সরস্বতী ॥ ৩.২০ ॥
রুদ্রাণী সহ রুদ্রেণ হৃদয়ে বর্ততে সদা ।
ঈশ্বরস্সর্বত্র দেহে সর্বসাক্ষী সদাশিবঃ ॥ ৩.২১ ॥
জ্ঞা সম্যক্ নবতাং দেহে সকলা দেবতা অমূঃ ।
প্রত্যগাত্মতয়া ভান্তি দেবতারূপতোঽপি চ ॥ ৩.২২ ॥
বেদমার্গেকনিষ্ঠানাং বিশুদ্ধানাং তু বিগ্রহে ।
দেবতারূপতো ভান্তি ন ভাতি প্রত্যগাত্মনা ॥ ৩.২৩ ॥
তান্ত্রিকাণাং শরীরে তু বর্তন্তে ন প্রকাশকাঃ ।
শুদ্ধভাবাৎ যথাজাতপ্রাণিনাং সর্বদেবতাঃ ॥ ৩.২৪ ॥
তিরোভূততয়া নিত্যং বর্তন্তে ন স্বরূপতঃ ।
অতশ্চ ভোগমোক্ষার্থী শরীরং দেবতাময়ম্ ॥ ৩.২৫ ॥
স্বকীয়ং পরকীয়ং চ পূজয়েৎ সুবিশেষতঃ ।
নাবমানং সদা কুর্যাৎ মোহতো বাপি বুদ্ধিমান্ ॥ ৩.২৬ ॥
যদি কুর্যাৎ প্রমাদেন পতত্যেব ভবার্ণবে ।
দুর্বৃত্তমপি মূর্খং চ পূজয়েৎ দেবতাত্মনা ॥ ৩.২৭ ॥
দেবতারূপতঃ পশ্যন্ মুচ্যতে জন্মবন্ধনাৎ ।
মোহেনাপি সদা নৈব কুর্যাদপ্রিয়ভাষণম্ ॥ ৩.২৮ ॥
যদি কুর্যাৎ প্রমাদেন হন্তি তং পরদেবতা ।
দেহে তু ন ক্ষতং কুর্যাৎ অস্ত্রশস্ত্রনখাদিভিঃ ॥ ৩.২৯ ॥
তথা ন লোহিতং কুর্যাৎ যদি কুর্যাৎ পতত্যধঃ ।
এষা সনাতনী বিদ্যা ভোগমোক্ষপ্রদায়িনী ॥ ৩.৩০ ॥
ময়ৈব কথিতা নিত্যা সর্বলোকোপকারিণী ।
কথিতাঽভূতে হিডিম্ভ সর্বং ব্রহ্মময়ং জগৎ ॥ ৩.৩১ ॥
ব্রহ্মাণ্ডেঽপি চ পিণ্ডাণ্ডে সর্বত্র ব্রহ্মভাবতঃ ।
তত্ত্বমেবাস্যহং চাসি দেবদেব সুখী ভব ॥ ৩.৩২ ॥
ইতি কলিসন্তারক শ্রীগুহগীতায়াং ব্রহ্মবিদ্যায়াং
অদ্বৈতশাস্ত্রে ভিক্ষুরূপিগুহহিডিম্ভসংবাদে
অজ্ঞানমূলং নাম তৃতীয়োঽধ্যায়ঃ ॥ ৩ ॥
অথ চতুর্থোঽধ্যায়ঃ
জ্ঞানোৎপত্তিঃ
হিডিম্ভ উবাচ-
সঙ্কোচো দেহয়াত্রায়াং প্রাণিনাং অস্তি ষণ্মুখ ।
তেষু জ্ঞানার্থিনাং বুদ্ধিরুপক্ষীণা ভবেৎকিল ॥ ৪.১ ॥
তদ্ধেতোঃ জ্ঞানসম্পত্তিঃ দেহয়াত্রা চ দুর্লভা ।
তস্যাস্তস্যাশ্চ সৌলভ্যং কথং ভবতি সদ্গুরো ॥ ৪.২ ॥
শ্রীভিক্ষুরুবাচ-
হন্ত তাত প্রবক্ষ্যামি জ্ঞানোৎপত্তেস্তু কারণম্ ।
বিনা যেন শিবজ্ঞানং ন জায়েত কথঞ্চন ॥ ৪.৩ ॥
মুমুক্ষুরতিসন্তুষ্টঃ সিদ্ধ্যত্যেব গতির্মম ।
ইতি নিশ্চয়বুদ্ধিস্তু প্রতিবন্ধনিবৃত্তয়ে ॥ ৪.৪ ॥
দেবতাস্সকলা নিত্যং প্রার্থয়েন্মতিমুত্তমঃ ।
অধিকারী ভবেত্তত্র জন্মনা কর্মণা দ্বিজঃ ॥ ৪.৫ ॥
শন্নো মিত্রশ্শং বরুণঃ শন্নো ভবতু চার্যমা ।
শন্ন ইন্দ্রো বৃহস্পতিঃ শন্নো বিষ্ণুরুরুক্রমঃ ॥ ৪.৬ ॥
নমোঽস্তু ব্রহ্মণে বায়ো নমোঽস্তু তব শোভনম্ ।
ৎবমেব সাক্ষাদ্ ব্রহ্মাসি ৎবাং বদিষ্যামি শঙ্করম্ ॥ ৪.৭ ॥
ঋতং চ সত্যং চাহং ৎবাং বদিষ্যামি সমাহিতঃ ।
তন্মামবতু কল্যাণং তদ্বক্তারং চ শোভনম্ ॥ ৪.৮ ॥
মাং ভূয়োঽবতু বক্তারং অপি চাবতু শোভনম্ ।
শান্তিঃ শান্তিঃ পুনঃ শান্তিঃ দোষত্রয়নিবৃত্তয়ে ॥ ৪.৯ ॥
কৃৎবৈবং প্রার্থনাং আত্মজ্ঞানার্থং মতিমান্ সদা ।
তস্য বিজ্ঞানসম্পত্তিঃ ক্রমতো জায়তে ধ্রুবম্ ॥ ৪.১০ ॥
জপেন্নিত্যং গুরোর্লব্ধ্বা মন্ত্রং যশ্ছন্দসামিতি ।
মে গোপায়েতি পর্যন্তম্ জ্ঞানোৎপত্তেশ্চ কারণম্ ॥ ৪.১১ ॥
শতাক্ষরাং চ গায়ত্রীং জপেন্নিত্যং দিনে দিনে ।
তন্মন্ত্রপূতোদকেন স্নানপানাদিনাঽপি চ ॥ ৪.১২ ॥
জ্ঞানোৎপত্তির্ভবত্যেব শিবভক্ত্যা চ সন্ততম্ ।
উপায়মপরং চাপি ব্রবীমি শৃণু সাদরম্ ॥ ৪.১৩ ॥
গুরোর্ভক্তির্দৃঢা যস্য স্বতো জ্ঞানং প্রজায়তে ।
বহূনাং জন্মনামন্তে গুরুভক্তিঃ প্রজায়তে ॥ ৪.১৪ ॥
গুরুভক্তিয়ুতে জন্তৌ জ্ঞানোৎপত্তির্ন সংশয়ঃ ।
যথাকথঞ্চিৎ স ভবেৎ ব্রাহ্মণো জায়তে ভুবি ॥ ৪.১৫ ॥
ব্রাহ্মণো গুরুভক্তস্তু শ্রুতিজ্ঞানাৎ প্রমুচ্যতে ।
শ্রুতিপ্রামাণ্যবুদ্ধির্হি মোক্ষস্য গতিরুচ্যতে ॥ ৪.১৬ ॥
প্রারব্ধং পুষ্যতি বপুঃ ইতি নিশ্চিত্য চেতসা ।
ধৈর্যমালম্ব্য যত্নেন তূষ্ণীং স্থিতিরপি স্বয়ম্ ॥ ৪.১৭ ॥
বৈদেকানাং ভবেদ্ জ্ঞানজননে কারণং সদা ।
সঙ্কোচো দেহয়াত্রায়াং তদৃশানাং ভবেৎখলু ॥ ৪.১৮ ॥
অতঃ সঙ্কোচহানায় চাবহন্তীতি মন্ত্রতঃ ।
আজ্যেনান্নেন চোভাভ্যাং জুহুয়াচ্চ দিনে দিনে ॥ ৪.১৯ ॥
তদশক্তঃ স্মরেন্নিত্যং মন্ত্রং বা শ্রদ্ধয়া সহ ।
ব্রহ্মচারী গৃহস্থো বা বানপ্রস্থশ্চ ভিক্ষুকঃ ॥ ৪.২০ ॥
নিত্যং আচার্যশুশ্রূষাং প্রকুর্যাৎ ভক্তিপূর্বকম্ ।
প্রাণিনাং তাদৃশানাং তু লোকয়াত্রা ভবেৎস্বয়ম্ ॥ ৪.২১ ॥
অনন্যাশ্চিন্তয়ন্তো মাং যে জনাঃ পর্যুপাসতে ।
তেষাং নিত্যাভিয়ুক্তানাং যোগক্ষেমং বহাম্যহম্ ॥ ৪.২২ ॥
অহমেব পরং সাক্ষাৎ অহমেব সদাশিবঃ ।
অহমেব জগৎসাক্ষী চাহমেব জগদ্গুরুঃ ॥ ৪.২৩ ॥
নিত্যং লিঙ্গে মহাদেবং পূজয়েৎ ভক্তিমান্নরঃ ।
বেদান্তশ্রবণং কুর্যাৎ মননং চ সমাহিতঃ ॥ ৪.২৪ ॥
রুদ্রাধ্যায়ী ভবেন্নিত্যং রুদ্রাক্ষাভরণো ভবেৎ ।
ভস্মত্রিপুণ্ড্রধারী চ জ্ঞানবান্মাং প্রপদ্যতে ॥ ৪.২৫ ॥
শম্ভোর্মমৈক্যভাবো হি মায়াঽবিদ্যাবিনাশকঃ ।
উক্তসাধনসম্পন্নঃ জ্ঞানাদ্ ভস্মাধিগচ্ছতি ॥ ৪.২৬ ॥
শিবস্বরূপং পরমং ভাসনাৎ ভস্মসঞ্জ্ঞিতম্ ।
তদেব স্বীয়মায়োত্থপ্রপঞ্চে জলসূর্যবৎ ॥ ৪.২৭ ॥
অনুপ্রবিষ্টং তদ্রূপং ভস্মলেশমুদাহৃতম্ ।
তেন লেশেন দেবেশঃ প্রতিবিম্বেন ভস্মনা ॥ ৪.২৮ ॥
স্বতন্ত্রো বিম্বভূতস্তু সদৈবোদ্ধূলিতঃ শিবঃ ।
সদৈব পূজনীয়স্তু ব্রহ্মবিষ্ণ্বাদিভিঃ সুরৈঃ ॥ ৪.২৯ ॥
সোঽহং চাহং স এবাস্মিন্ বিষয়ে মাস্তু সংশয়ঃ ।
আবয়োরন্তরং নাস্তি তাত শব্দার্থয়োরিব ॥ ৪.৩০ ॥
তৎপ্রসাদেন সর্বেষাং দেবৎবং ন স্বভাবতঃ ।
স্বভাবাদেব দেবৎবং দেবদেবস্য মেঽপি চ ॥ ৪.৩১ ॥
তং বিদিৎবা বিমুচ্যন্তে শান্তা দান্তা মুনীশ্বরাঃ ।
গৃহস্থাশ্চ তথৈবান্যে সত্যধর্মপরায়ণাঃ ॥ ৪.৩২ ॥
ভস্মসঞ্ছন্নসর্বাঙ্গাঃ ত্রিপুণ্ড্রাঙ্কিতমস্তকাঃ ।
রুদ্রাক্ষমালাভরণাঃ শ্রীষডক্ষরজাপকাঃ ॥ ৪.৩৩ ॥
নিত্যং দেবাচর্নপরাঃ সৎক্রিয়াদগ্ধকিল্বিষাঃ ।
এবং জ্ঞানার্থিনাং সম্যক্ সাধনানি বহূনি চ ॥ ৪.৩৪ ॥
সন্তি তেষাং মুখ্যতমানীদানীং কথিতানি বৈ ।
জ্ঞানং বেদান্তবিজ্ঞানং ব্রহ্মাত্মৈকৎবগোচরম্ ॥ ৪.৩৫ ॥
সম্পাদনীয়ং তজ্জ্ঞানং জ্ঞানান্মুচ্যেত বন্ধনাৎ ।
মদুক্তার্তেষু বিশ্বাসং হিডিম্ভ কুরু সন্ততম্ ॥ ৪.৩৬ ॥
সর্বসৌলভ্যমেবাহং উপায়ং বচ্মি সাদরম্ ।
মন্মনা ভব মদ্ভক্তো মদ্যাজী মাং নমস্কুরু ॥ ৪.৩৭ ॥
অহং ৎবা সর্বকষ্টেভ্যো মোক্ষয়িষ্যামি মা শুচঃ ।
এবমেব বচস্সাক্ষাৎ সদ্গুরোঃ করুণামৃতম্ ॥ ৪.৩৮ ॥
দেবে রুষ্টে গুরুস্ত্রাতা গুরৌ রুষ্টে ন কশ্চন ।
ৎবমেব তত্র দৃষ্টান্তরূপোঽগস্ত্যকৃপোদিতঃ ॥ ৪.৩৯ ॥
ইতি কলিসন্তারক শ্রীগুহগীতায়াং ব্রহ্মবিদ্যায়াং
অদ্বৈতশাস্ত্রে ভিক্ষুরূপিগুহহিডিম্ভসংবাদে
জ্ঞানোৎপত্তির্নাম চতুর্থোঽধ্যায়ঃ ॥ ৪ ॥
অথ পঞ্চমোঽধ্যায়ঃ
মায়ামোহজালম্
হিডিম্ভ উবাচ-
অহো সর্বমিদং ব্রহ্ম বদ্ধো মুক্তশ্চ কঃ পুনঃ ।
সর্বমাশ্বর্যমেব স্যাৎ মন্মনঃ ক্লিশ্যতে প্রভো ॥ ৫.১ ॥
সদ্গুরো ভগবন্ স্বামিন্ কিমর্থং জগদীদৃশম্ ।
উচ্চাবচং ভাতি ব্রহ্ম মায়ামূলং চ মে বদ ॥ ৫.২ ॥
শ্রীভিক্ষুরুবাচ-
মায়াঽবিদ্যা বিশুদ্ধা চিৎ জীব আত্মা চ বাসনা ।
ব্যাবহারিকসত্তায়াং ষডস্মাকং অনাদয়ঃ ॥ ৫.৩ ॥
ব্যাবহারিকসর্বস্বং মিথ্যৈব পরমার্থতঃ ।
ত্রৈকালিকাবাধ্যবস্তু সচ্চিদানন্দলক্ষণম্ ॥ ৫.৪ ॥
ব্রহ্মৈকমেব সত্যং হি তদাত্মা পরিকীর্তিতঃ ।
স্বস্বরূপানুসন্ধানে জ্ঞানে সর্বং বিলীয়তে ॥ ৫.৫ ॥
বদ্ধো মুক্ত ইতি ব্যাখ্যা গুণতো নৈব বস্তুতঃ ।
গুণস্তু মায়ামূলৎবাৎ ন তে মোক্ষো ন বন্ধনম্ ॥ ৫.৬ ॥
বক্ষ্যে শৃণু সমাসেন সর্বসাধনমুত্তমম্ ।
ব্যাবহারিকলোকানাং উদ্ধারার্থং হিডিম্ভক ॥ ৫.৭ ॥
অপেক্ষিতার্থঃ সর্বেষাং ভুক্তির্মুক্তিশ্চ সর্বদা ।
মুক্তির্নানাবিধা প্রোক্তা ময়া বেদানুসারতঃ ॥ ৫.৮ ॥
তত্র সায়ুজ্যরূপায়া মুক্তেঃ সাক্ষাত্তু সাধনম্ ।
সম্যক্ জ্ঞানং ন কর্মোক্তং ন তয়োশ্চ সমুচ্চয়ঃ ॥ ৫.৯ ॥
নিত্যসিদ্ধাঽথবা মুক্তিঃ সাধ্যরূপা দ্বয়োর্গতিঃ ।
নিত্যসিদ্ধা তু সর্বেষাং আত্মরূপাঽথবাঽপরা ॥ ৫.১০ ॥
আত্মরূপৈব চেন্মুক্তিঃ নিত্যপ্রাপ্তা হি সাত্মনঃ ।
নিত্যপ্রাপ্তস্য চাপ্রাপ্তিঃ বিভ্রমঃ খলু দেহিনাম্ ॥ ৫.১১ ॥
বিভ্রমস্য নিবৃত্ত্যা সা প্রাপ্তেতি ব্যপদিশ্যতে ।
বিভ্রমস্য নিবৃত্তিস্তু সিদ্ধ্যত্যজ্ঞাননাশনাৎ ॥ ৫.১২ ॥
অজ্ঞানস্য বিনাশস্তু জ্ঞানাদেব ন চান্যতঃ ।
জ্ঞানাদজ্ঞাননাশস্তু প্রসিদ্ধস্সর্বদেহিনাম্ ॥ ৫.১৩ ॥
অপরা সা পরা মুক্তিঃ আত্মরূপৈব চেন্মতম্ ।
তথাপি মুক্তিঃ প্রাপ্যা বা নাপ্রাপ্যা বাঽঽত্মনা ভবেৎ ॥ ৫.১৪ ॥
প্রাপ্যা চেৎ আত্মনা মুক্তিঃ অপ্রাপ্তপ্রাপ্তিরেব সা ।
অপ্রাপ্তপ্রাপ্তিরপ্যস্য সম্বন্ধো বৈক্যমেব চ ॥ ৫.১৫ ॥
স সম্বন্ধশ্চ সাধ্যো বা নিত্যো বা সাধ্য এব চেৎ ।
অনিত্যস্স তু সম্বন্ধো ভবেন্নিত্যো ন সর্বদা ॥ ৫.১৬ ॥
সাধ্যানামপি ভাবানাং অনিত্যৎবং ব্যবস্থিতম্ ।
অভাবস্য ন সাধ্যৎবং প্রধ্বংসাখ্যস্য সর্বদা ॥ ৫.১৭ ॥
সাধ্যৎবাখ্যস্তু ধর্মশ্চ নৈবাভাবাশ্রয়ো ভবেৎ ।
নিত্যো যদি স সম্বন্ধঃ তর্হি সম্বন্ধসঞ্জ্ঞিতা ॥ ৫.১৮ ॥
মুক্তিশ্চ নিত্যসিদ্ধৈব মুমুক্ষোরাত্মনো ভবেৎ ।
তথাপি নিত্যপ্রাপ্তায়া মুক্তেঃ প্রাপ্তিস্তু পূর্ববৎ ॥ ৫.১৯ ॥
বিজ্ঞানেনৈব নান্যেন সত্যমুক্তং চিদাত্মকম্ ।
অপ্রাপ্তপ্রাপ্তিরূপায় মুক্তেরৈক্যং ভবেদ্যদি ॥ ৫.২০ ॥
তন্ন যুক্তং দ্বয়োরৈক্যং ন সিদ্ধ্যতি কদাচন ।
ভিন্নয়োঃ ভেদনাশে বা মুক্তির্ভেদে স্থিতেঽথবা ॥ ৫.২১ ॥
ভেদনাশে তয়োরৈক্যং ঘটতে নাত্র সংশয়ঃ ।
ভেদে সতি ভবেদৈক্যং ইতি চেৎ তন্ন সঙ্গতম্ ॥ ৫.২২ ॥
ভেদস্য সন্নিধানৈক্যং বিরোধান্নৈব সিদ্ধ্যতি ।
ন প্রাপ্যা হ্যাত্মনা মুক্তিঃ ইতি চেৎ তন্ন সঙ্গতম্ ॥ ৫.২৩ ॥
অপ্রাপ্যায়াস্তু মুক্তেশ্চ নাস্ত্যপেক্ষা হি সাধনে ।
সাধনে সতি সা মুক্তিঃ অপ্রাপ্যৈব সদা খলু ॥ ৫.২৪ ॥
ন নিত্যসিদ্ধা সা মুক্তিঃ সাধ্যরূপৈব চেন্মতম্ ।
সাধ্যৎবে সত্যনিত্যৎবং পূর্বমেবাভিভাষিতম্ ॥ ৫.২৫ ॥
প্রধ্বংসস্য তু নিত্যৎবং সর্বশো ন ভবিষ্যতি ।
অচিদ্রূপস্য সর্বস্য বিনাশো গম্যতে যতঃ ॥ ৫.২৬ ॥
ভাবৎবে সতি সাধ্যৎবাৎ বিনাশশ্চেতনস্য তু ।
প্রধ্বংসস্য তু সাধ্যৎবেঽপ্যভাবৎবেন হেতুনা ॥ ৫.২৭ ॥
ন সিদ্ধ্যতি বিনাশশ্চেৎ তচ্চ নৈব সুসঙ্গতম্ ।
প্রাগভাবসমাখ্যস্যাপ্যনিত্যৎবস্য দর্শনাৎ ॥ ৫.২৮ ॥
প্রাগভাবস্য সাধ্যৎবাভাবে সত্যপ্যভাবতঃ ।
অনিত্যৎবং যদিষ্যেত প্রধ্বংসস্যাপি তৎসমম্ ॥ ৫.২৯ ॥
ভাবানামপ্যভাবানাং সাধ্যানাং চ হিডিম্ভক ।
অসাধ্যানাং চ সর্বেষাং অনিত্যৎবে প্রয়োজকম্ ॥ ৫.৩০ ॥
অচেতনৎবমেবোক্তং নেতরদ্ব্যভিচারতঃ ।
চেতনস্য তু নিত্যৎবং শ্রুতিরাহ সনাতনী ॥ ৫.৩১ ॥
তস্মাদুক্তপ্রকারেণ মুক্তিঃ সায়ুজ্যরূপিণী ।
জ্ঞানলভ্যা ক্রিয়ামাত্রাৎ ন লভ্যা ন সমুচ্চয়াৎ ॥ ৫.৩২ ॥
জ্ঞানং নামাখিলং চেদং মদ্রূপেণাবভাসনম্ ।
ক্রিয়া তু কারণাপেক্ষা ন জ্ঞানালম্বিনী সদা ॥ ৫.৩৩ ॥
অতঃ ক্রিয়ায়া জ্ঞানেন বিরোধাদেব সর্বদা ।
সমুচ্চয়ো ন যুজ্যেত কুতস্তেন পরা গতিঃ ॥ ৫.৩৪ ॥
সারূপ্যাখ্যা তু সা মুক্তিঃ সামীপ্যাখ্যা চ যাঽপরা ।
সালোক্যাখ্যা চ যা তাসাং কেবলং কর্ম সাধনম্ ॥ ৫.৩৫ ॥
ঐহিকামুষ্মিকাকারা মুক্তয়ঃ সর্বদেহিনাম্ ।
কর্মণৈব হি সিদ্ধ্যন্তি ন জ্ঞানেন বিরোধতঃ ॥ ৫.৩৬ ॥
জ্ঞানং কর্ম চ বেদোক্তমেব নান্যোদিতং ভবেৎ ।
অন্যোদিতং তু মন্যন্তে ব্যবহারে বিবেকিনাম্ ॥ ৫.৩৭ ॥
অপেক্ষ্য বুদ্ধিং বিজ্ঞানং কর্ম চেতি বিধীয়তে ।
তয়াপি ব্যবহারে তে ব্যাবহারিকসিদ্ধিদে ॥ ৫.৩৮ ॥
বেদশ্শিবঃ শিবোঽহং বৈ সর্বং ব্রহ্মময়ং জগৎ ।
বেদনিন্দা ন কর্তব্যা জ্ঞানিনা যত্রকুত্রচিৎ ॥ ৫.৩৯ ॥
তস্মাৎসর্বত্র নাস্তিক্যং ন কুর্যান্মে মতিসত্তমঃ ।
নাস্তিক্যাদেব সর্বেষাং সংসারে পরিবর্তনম্ ॥ ৫.৪০ ॥
অস্তীত্যেবোপলব্ধব্যঃ পরমাত্মা শ্রুতেস্স্বয়ম্ ।
লীলামাত্রং প্রভোর্জন্ম সংসারপরিবর্তনম্ ॥ ৫.৪১ ॥
ধর্মাধর্মৈ পুণ্যপাপে প্রাণিনাং কর্মবন্ধনম্ ।
ভস্মসাৎকুরুতে জ্ঞানবহ্নিঃ সংসারবাসনাম্ ॥ ৫.৪২ ॥
সর্বং ত্যক্ত্বৈব মনসা যেন ত্যজসি তত্ত্যজ ।
স্বয়মেব স্বয়ং সাক্ষাৎ কিং বক্তব্যমতঃ পরম্ ॥ ৫.৪৩ ॥
ইতি কলিসন্তারক শ্রীগুহগীতায়াং ব্রহ্মবিদ্যায়াং
অদ্বৈতশাস্ত্রে ভিক্ষুরূপিগুহহিডিম্ভসংবাদে
মায়ামোহজালং নাম পঞ্চমোঽধ্যায়ঃ ॥ ৫ ॥
অথ ষষ্ঠোঽধ্যায়ঃ
জীবব্রহ্মৈক্যম্
হিডিম্ভ উবাচ-
সর্বমুক্তং সমাসেন সদ্গুরো ময়্যনুগ্রহাৎ
ৎবয়ৈবাহং ব্রহ্মবিচ্চ ন মে জন্ম ন মে মৃতিঃ ॥ ৬.১ ॥
দেহবুদ্ধ্যা ভবদ্দাসঃ জীববুদ্ধ্যা ৎবদংশকঃ ।
আত্মবুদ্ধ্যা ৎবমেবাহং সদ্গতোঽস্মিন্ ন সংশয়ঃ ॥ ৬.২ ॥
অথ কেন প্রয়ুক্তোঽহং কুর্বে কর্ম জগদ্গুরো ।
জীবন্মুক্তঃ সুখী তূষ্ণীং স্থাস্যামীত্যব্রুবং মুনে ॥ ৬.৩ ॥
শ্রীভিক্ষুরুবাচ-
সম্যগ্ব্যবসিতা বুদ্ধিঃ হিডিম্ভ তব তাত্ত্বিকে ।
অপি চেদ্দেহয়াত্রায়াং অবশস্ত্বং হি মায়যা ॥ ৬.৪ ॥
আধিকারিকজীবোঽসি মল্লোকে পার্ষদোঽসি চ ।
আকল্পান্তং ময়াঽজ্ঞপ্তঃ কর্ম কর্তুং ৎবমর্হসি ॥ ৬.৫ ॥
ব্রহ্মণা সহ মুক্তিঃ স্যাৎ প্রলয়ে তব চানঘ ।
কর্মতত্ত্বং প্রবক্ষ্যামি শৃণু গুহ্যং সনাতনম্ ॥ ৬.৬ ॥
নিয়তং কুরু কর্ম ৎবং কর্ম জ্যায়ো হ্যকর্মণঃ ।
শরীরয়াত্রাপি চ তে ন প্রসিদ্ধ্যেদকর্মণঃ ॥ ৬.৭ ॥
নহি কশ্চিৎ ক্ষণমপি জাতু তিষ্ঠত্যকর্মকৃৎ ।
কার্যতে হ্যবশঃ কর্ম সর্বঃ প্রকৃতিজৈর্গুণৈঃ ॥ ৬.৮ ॥
কর্ম ব্রহ্মোদ্ভবং বিদ্ধি ব্রহ্মাক্ষরসমুদ্ভবম্ ।
তস্মাৎসর্বগতং ব্রহ্ম নিত্যং যজ্ঞে প্রতিষ্ঠিতম্ ॥ ৬.৯ ॥
সহয়জ্ঞাঃ প্রজাঃ সৃষ্ট্বা পুরোবাচ প্রজাপতিঃ ।
অনেন প্রসবিষ্যধ্বং এষ বোঽস্ত্বিষ্টকামধুক্ ॥ ৬.১০ ॥
দেবান্ ভাবয়তানেন তে দেবা ভাবয়ন্তু বঃ ।
পরস্পরং ভাবয়ন্তঃ শ্রেয়ঃ পরং অবাপ্স্যথ ॥ ৬.১১ ॥
ইষ্টান্ ভোগান্ হি বো দেবাঃ দাস্যন্তে যজ্ঞভাবিতাঃ ।
তৈর্দত্তানপ্রদায়ৈভ্যো যো ভুঙ্ক্তে স্তেন এব সঃ ॥ ৬.১২ ॥
যজ্ঞশিষ্টাশিনঃ সন্তো মুচ্যন্তে সর্বকিল্বিষৈঃ ।
ভুঞ্জন্তে তে ৎবঘং পাপা যে পচন্ত্যাত্মকারণাৎ ॥ ৬.১৩ ॥
অন্নাদ্ভবন্তি ভূতানি পর্জন্যাদন্নসম্ভবঃ ।
যজ্ঞাদ্ভবতি পর্জন্যো যজ্ঞঃ কর্মসমুদ্ভবঃ ॥ ৬.১৪ ॥
যজ্ঞাদ্ভবন্তি ভূতানি পর্জন্যাদন্নসম্ভবঃ ।
যজ্ঞাদ্ভবতি পর্জন্যো যজ্ঞঃ কর্মসমুদ্ভবঃ ॥ ৬.১৪ ॥ repeat
যজ্ঞার্থাৎ কর্মণোঽন্যত্র লোকোঽয়ং কর্মবন্ধনঃ ।
তদর্থং কর্ম শৈরেয় মুক্তসঙ্গঃ সমাচর ॥ ৬.১৫ ॥
এবং প্রবর্তিতং চক্রং নানুবর্তয়তীহ যঃ ।
অঘায়ুরিন্দ্রিয়ারামো ব্যর্থজীবী স এব হি ॥ ৬.১৬ ॥
আত্মানং রথিনং বিদ্ধি শরীরং রথমেব তু ।
বুদ্ধিং তু সারথিং বিদ্ধি মনঃ প্রগ্রহমেব চ ॥ ৬.১৭ ॥
ইন্দ্রিয়াণি হয়ানাহুঃ বিষয়াংস্তেষু গোচরান্ ।
আত্মেন্দ্রিয়মনোয়ুক্তং ভোক্তেত্যাহুঃ মনীষিণঃ ॥ ৬.১৮ ॥
যস্ত্ববিজ্ঞানবান্ ভবতি অয়ুক্তেন মনসা সদা ।
তস্যেন্দ্রিয়াণি বশ্যানি দুষ্টাশ্চা ইব সারথেঃ ॥ ৬.১৯ ॥
যস্তু বিজ্ঞানবান্ ভবতি যুক্তেন মনসা সদা ।
তস্যেন্দ্রিয়াণি বশ্যানি সদশ্চা ইব সারথেঃ ॥ ৬.২০ ॥
যস্ত্ববিজ্ঞানবান্ ভবত্যমনস্কঃ সদাঽশুচিঃ ।
ন স তৎপদমাপ্নোতি সংসারং চাধিগচ্ছতি ॥ ৬.২১ ॥
যস্তু বিজ্ঞানবান্ ভবতি সমনস্কঃ সদা শুচিঃ ।
স তু তৎপদমাপ্নোতি যস্মাদ্ভূয়ো ন জায়তে ॥ ৬.২২ ॥
বিজ্ঞানসারথির্যস্তু মনঃপ্রগ্রহবান্নরঃ ।
সোঽধ্বনঃ পারমাপ্নোতি মৎপদং পরমং শিবম্ ॥ ৬.২৩ ॥
ইন্দ্রিয়েভ্যঃ পরা হ্যর্থা অর্থেভ্যশ্চ পরং মনঃ ।
মনসশ্চ পরা বুদ্ধিঃ বুদ্ধেরাত্মা মহান্ পরঃ ॥ ৬.২৪ ॥
মহতঃ পরমব্যক্তং অব্যক্তাৎ পুরুষঃ পরঃ ।
পুরুষান্ন পরং কিঞ্চিৎ সা কাষ্ঠা সা পরা গতিঃ ॥ ৬.২৫ ॥
এষ সর্বেষু ভূতেষু গূঢঃ আত্মা ন প্রকাশতে ।
দৃশ্যতে ৎবগ্র্য্যা বুদ্ধ্যা সূক্ষ্ময়া সূক্ষ্মদর্শিভিঃ ॥ ৬.২৬ ॥
যচ্ছেদ্বাঙ্মনসী প্রাজ্ঞঃ তদ্যচ্ছেৎ জ্ঞান আত্মনী ।
জ্ঞানমাত্মনি মহতি তদ্যচ্ছেৎ শান্ত আত্মনি ॥ ৬.২৭ ॥
ময়ি সর্বাণি কর্মাণি সন্ন্যস্যাধ্যাত্মচেতসা ।
অসক্তো হ্যাচরন্ কর্ম পরমাপ্নোতি নান্যথা ।
কিং ভবানিচ্ছতি পুনর্নিস্সন্দেহো ভবার্ভক ॥ ৬.২৮ ॥
হিডিম্ভ উবাচ-
পরমাত্মন্ গুরো ভিক্ষো ৎবমেবাহং গতির্মম ।
দ্রষ্টুমিচ্ছামি তে ভূয়ো রূপং ষাণ্মুখমৈশ্বরম্ ॥ ৬.২৯ ॥
ভবদাজ্ঞাবশঃ কুর্বে ৎবদিষ্টং কর্ম নান্যথা ।
ৎবৎষণ্মুখৎবস্বরূপং ব্রহ্ম পিণ্ডাণ্ডয়োঃ কথম্ ॥ ৬.৩০ ॥
শ্রীভিক্ষুরুবাচ-
জ্ঞানেন্দ্রিয়মনোবুদ্ধিঃ মহদব্যক্তপূরুষঃ ।
পিণ্ডাণ্ডে ষণ্মুখানীতি মদীয়ানি বিভাবয় ॥ ৬.৩১ ॥
তদশক্তৌ তু সর্বত্র জ্ঞানেন্দ্রিয়মনাংসি চ ।
দৃশ্যং জগচ্চ ব্রহ্মাণং বিষ্ণুং রুদ্রং তথেশ্বরম্ ॥ ৬.৩২ ॥
সদাশিবং শিবশতং ব্রহ্মাণ্ডে পরিভাবয় ।
পশ্য মে তাদৃশং রূপং মল্লোকে স্কন্দনামকে ।
মামেব শরণং গচ্ছ ময়্যর্পিতমনা ভব ॥ ৬.৩৩ ॥
হিডিম্ভ উবাচ-
ইত্যুক্ত্বা ষাণ্মুখৈশ্বর্যরূপং ধৃৎবাঽথ ভিক্ষুকঃ ।
স্কন্দলোকং জগামাথ সুব্রহ্মণ্যঃ শিখীন্দ্রগঃ ॥ ৬.৩৪ ॥
ষাণ্মুখৈশ্বর্যং তাদ্রূপ্যং তদানীন্তনবৈভবম্ ।
সর্বলোকেষু সর্বেষু দৃষ্ট্বা ময়ি চ বিস্মিতঃ ॥ ৬.৩৫ ॥
জডদেহী কিয়ৎকালং নীতোঽহং মামপি স্বয়ম্ ।
ন জানেঽথ স্বয়ং মন্দম্ প্রবুদ্ধো ব্যাবহারিকে ॥ ৬.৩৬ ॥
জগতীত্থং চরিষ্যামি স্বামিপ্রেরণয়া যথা ।
গুহগীতামিমাং শ্রুৎবা ধন্যো ভবতি মানবঃ ॥ ৬.৩৭ ॥
অর্থানুসন্ধানপরো মুক্ত এব ন সংশয়ঃ ।
ইয়ং চোক্তা তব মুনে গুহ্যাদ্গুহ্যতরং খলু ।
ন চাশুশ্রূষবে বাচ্যা নাভক্তায় কদাচন ॥ ৬.৩৮ ॥
ইতি কলিসন্তারক শ্রীগুহগীতায়াং ব্রহ্মবিদ্যায়াং
অদ্বৈতশাস্ত্রে ভিক্ষুরূপিগুহহিডিম্ভসংবাদে
জীবব্রহ্মৈক্যং নাম ষষ্ঠোঽধ্যায়ঃ ॥ ৬ ॥
ওঁ তৎসৎ ব্রহ্মার্পণমস্তু ॥
Also Read:
Guha Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil
