Adhyaya number 269 in Shanti Parva, Mahabharata critical edition (Bhandarkar Oriental Research Institute BORI) does not include verses 15-16. In Kinjavadekar’s edition, the adhyaya is 278.
Hirita Geetaa in Bengali:
॥ হারীতগীতা ॥ (Mahabharata Shantiparva Mokshadharma, Chapters 278)
অধ্যায়ঃ ২৬৯
যুধিষ্ঠির উবাচ
কিং শীলঃ কিং সমাচারঃ কিং বিদ্যঃ কিং পরায়নঃ ।
প্রাপ্নোতি ব্রহ্মণঃ স্থানং যৎপরং প্রকৃতের্ধ্রুবম্ ॥ ১ ॥
ভীষ্ম উবাচ
মোক্ষধর্মেষু নিরতো লঘ্বাহারো জিতেন্দ্রিয়ঃ ।
প্রাপ্নোতি পরমং স্থানং যৎপরং প্রকৃতের্ধ্রুবম্ ॥ ২ ॥
স্বগৃহাদভিনিঃসৃত্য লাভালাভে সমো মুনিঃ ।
সমুপোধেষু কামেষু নিরপেক্ষঃ পরিব্রজেৎ ॥ ৩ ॥
ন চক্ষুষা ন মনসা ন বাচা দূসয়েদপি ।
ন প্রত্যক্ষং পরোক্ষং বা দূসনং ব্যাহরেৎক্ব চিৎ ॥ ৪ ॥
ন হিংস্যাৎসর্বভূতানি মৈত্রায়ণ গতিশ্ চরেৎ ।
নেদং জীবিতমাসাদ্য বৈরং কুর্বীত কেন চিৎ ॥ ৫ ॥
অতিবাদাংস্তিতিক্ষেত নাভিমন্যেৎকথং চন ।
ক্রোধ্যমানঃ প্রিয়ং ব্রূয়াদাক্রুষ্টঃ কুশলং বদেৎ ॥ ৬ ॥
প্রদক্ষিণং প্রসব্যং চ গ্রামমধ্যে ন চাচরেৎ ।
ভৈক্ষ চর্যামনাপন্নো ন গচ্ছেৎপূর্বকেতিতঃ ॥ ৭ ॥
অবিকীর্ণঃ সুগুপ্তশ্চ ন বাচা হ্যপ্রিয়ং বদেৎ ।
মৃদুঃ স্যাদপ্রতিক্রূরো বিস্রব্ধঃ স্যাদরোষণঃ ॥ ৮ ॥
বিধূমে ন্যস্তমুসলে ব্যঙ্গারে ভুক্তবজ্জনে ।
অতীতে পাত্রসঞ্চারে ভিক্ষাং লিপ্সেত বৈ মুনিঃ ॥ ৯ ॥
অনুয়াত্রিকমর্থস্য মাত্রা লাভেষ্বনাদৃতঃ ।
অলাভে ন বিহন্যেত লাভশ্চৈনং ন হর্ষয়েৎ ॥ ১০ ॥
লাভং সাধারণং নেচ্ছেন্ন ভুঞ্জীতাভিপূজিতঃ ।
অভিপূজিত লাভং হি জুগুপ্সেতৈব তাদৃশঃ ॥ ১১ ॥
ন চান্ন দোষান্নিন্দেত ন গুণানভিপূজয়েৎ ।
শয়াসনে বিবিক্তে চ নিত্যমেবাভিপূজয়েৎ ॥ ১২ ॥
শূন্যাগরং বৃক্ষমূলমরণ্যমথ বা গুহাম্ ।
অজ্ঞাতচর্যাং গৎবান্যাং ততোঽন্যত্রৈব সংবিশেৎ ॥ ১৩ ॥
অনুরোধবিরোধাভ্যাং সমঃ স্যাদচলো ধ্রুবঃ ।
সুকৃতং দুষ্কৃতং চোভে নানুরুধ্যেত কর্মণি ॥ ১৪ ॥
নিত্যতৃপ্তঃ সুসংতুষ্টঃ প্রসন্নবদনেন্দ্রিয়ঃ ।
বিভীর্জপ্যপরো মৌনী বৈরাগ্যং সমুপাশ্রিতঃ ॥ ১৫ ॥
অভ্যস্তং ভৌতিকং পশ্যন্ ভূতানামাগতীং গতিম্ ।
নিস্পৃহঃ সমদর্শী চ পক্বাপক্বেন বর্তয়ন্ ।
আত্মনা যঃ প্রশান্তাত্মা লঘ্বাহারো জিতেন্দ্রিয়ঃ ॥ ১৬ ॥
বাচো বেগং মনসঃ ক্রোধবেগং
বিবিৎসা বেগমুদরোপস্থ বেগম্ ।
এতান্বেগান্বিনয়েদ্বৈ তপস্বী
নিন্দা চাস্য হৃদয়ং নোপহন্যাৎ ॥ ১৭ ॥
মধ্যস্থ এব তিষ্ঠেত প্রশংসা নিন্দয়োঃ সমঃ ।
এতৎপবিত্রং পরমং পরিব্রাজক আশ্রমে ॥ ১৮ ॥
মহাত্মা সুব্রতো দান্তঃ সর্বত্রৈবানপাশ্রিতঃ ।
অপূর্ব চারকঃ সৌম্যো অনিকেতঃ সমাহিতঃ ॥ ১৯ ॥
বান প্রস্থগৃহস্থাভ্যাং ন সংসৃজ্যেত কর্হি চিৎ ।
অজ্ঞাতলিপ্সাং লিপ্সেত ন চৈনং হর্ষ আবিশেৎ ॥ ২০ ॥
বিজানতাং মোক্ষ এষ শ্রমঃ স্যাদবিজানতাম্ ।
মোক্ষয়ানমিদং কৃৎস্নং বিদুষাং হারিতোঽব্রবীৎ ॥ ২১ ॥
অভয়ং সর্বভূতেভ্যো দত্ত্বা যঃ প্রব্রজেদ্গৃহাৎ ।
লোকাস্তেজোময়াস্তস্য তথানন্ত্যায় কল্পতে ॥ ২২ ॥
॥ ইতি শ্রী মহাভারতে শান্তিপর্বণি মোক্ষধর্মপর্বণি হারীতগীতায়াং
অষ্টসপ্তত্যধিকদ্বিশততমোঽস্ধ্যায় ॥
Also Read:
Hirita Gita Lyrics in Hindi | English | Bengali | Gujarati | Kannada | Malayalam | Oriya | Telugu | Tamil