Maha Varahi Hymns Lyrics in Malayalam:
॥ വരാഹമുഖീസ്തവഃ തഥാ വാരാഹ്യനുഗ്രഹാഷ്ടകം ॥
കുവലയനിഭാ കൌശേയാര്‍ധോരുകാ മുകുടോജ്ജ്വലാ
ഹലമുസലിനീ സദ്ഭക്തേഭ്യോ വരാഭയദായിനീ ।
കപിലനയനാ മധ്യേ ക്ഷാമാ കഠോരഘനസ്തനീ
ജയതി ജഗതാം മാതഃ സാ തേ വരാഹമുഖീ തനുഃ ॥ 1 ॥
തരതി വിപദോ ഘോരാ ദൂരാത് പരിഹ്രിയതേ ഭയ-
സ്ഖലിതമതിഭിര്‍ഭൂതപ്രേതൈഃ സ്വയം വ്രിയതേ ശ്രിയാ ।
ക്ഷപയതി രിപൂനീഷ്ടേ വാചാം രണേ ലഭതേ ജയം
വശയതി ജഗത് സര്‍വം വാരാഹി യസ്ത്വയി ഭക്തിമാന്‍ ॥ 2 ॥
സ്തിമിതഗതയഃ സീദദ്വാചഃ പരിച്യുതഹേതയഃ
ക്ഷുഭിതഹൃദയാഃ സദ്യോ നശ്യദ്ദൃശോ ഗലിതൌജസഃ ।
ഭയപരവശാ ഭഗ്നോത്സാഹാഃ പരാഹതപൌരുഷാ
ഭഗവതി പുരസ്ത്വദ്ഭക്താനാം ഭവന്തി വിരോധിനഃ ॥ 3 ॥
കിസലയമൃദുര്‍ഹസ്തഃ ക്ലിശ്യതേ കന്ദുകലീലയാ
ഭഗവതി മഹാഭാരഃ ക്രീഡാസരോരുഹമേവ തേ ।
തദപി മുസലം ധത്സേ ഹസ്തേ ഹലം സമയദ്രുഹാം
ഹരസി ച തദാഘാതൈഃ പ്രാണാനഹോ തവ സാഹസം ॥ 4 ॥
ജനനി നിയതസ്ഥാനേ ത്വദ്വാമദക്ഷിണപാര്‍ശ്വയോ-
ര്‍മൃദുഭുജലതാമന്ദോത്ക്ഷേപപ്രണര്‍തിതചാമരേ ।
സതതമുദിതേ ഗുഹ്യാചാരദ്രുഹാം രുധിരാസവൈ-
രുപശമയതാം ശത്രൂന്‍ സര്‍വാനുഭേ മമ ദേവതേ ॥ 5 ॥
ഹരതു ദുരിതം ക്ഷേത്രാധീശഃ സ്വശാസനവിദ്വിഷാം
രുധിരമദിരാമത്തഃ പ്രാണോപഹാരബലിപ്രിയഃ ।
അവിരതചടത്കുര്‍വദ്ദംഷ്ട്രാസ്ഥികോടിരടന്‍മുകോ
ഭഗവതി സ തേ ചണ്ഡോച്ചണ്ഡഃ സദാ പുരതഃ സ്ഥിതഃ ॥ 6 ॥
ക്ഷുഭിതമകരൈര്‍വീചീഹസ്തോപരുദ്ധപരസ്പരൈ-
ശ്ചതുരദധിഭിഃ ക്രാന്താ കല്‍പാന്തദുര്ലലിതോദകൈഃ ।
ജനനി കഥമുത്തിഷ്ഠേത് പാതാലസദ്മബിലാദിലാ
തവ തു കുടിലേ ദംഷ്ട്രാകോടീ ന ചേദവലംബനം ॥ 7 ॥
തമസി ബഹുലേ ശൂന്യാടവ്യാം പിശാചനിശാചര-
പ്രമഥകലഹേ ചോരവ്യാഘ്രോരഗദ്വിപസംകടേ ।
ക്ഷുഭിതമനസഃ ക്ഷുദ്രസ്യൈകാകിനോഽപി കുതോ ഭയം
സകൃദപി മുഖേ മാതസ്ത്വന്നാമ സംനിഹിതം യദി ॥ 8 ॥
വിദിതവിഭവം ഹൃദ്യൈഃ പദ്മൈര്‍വരാഹമുഖീസ്തവം
സകലഫലദം പൂര്‍ണം മന്ത്രാക്ഷരൈരിമമേവ യഃ ।
പഠതി സ പടുഃ പ്രാപ്നോത്യായുശ്ചിരം കവിതാം പ്രിയാം
സുതസുഖധനാരോഗ്യം കീര്‍തിം ശ്രിയം ജയമുര്‍വരാം ॥ 9 ॥
ഇതി ശ്രീവരാഹമുഖീസ്തവഃ സമാപ്തഃ ॥
