కమలాపత్యష్టకమ్ Lyrics in Telugu:
భుజగతల్పగతం ఘనసున్దరం గరుడవాహనమమ్బుజలోచనమ్ ।
నలినచక్రగదాకరమవ్యయం భజత రే మనుజాః కమలాపతిమ్ ॥ ౧॥
అలికులాసితకోమలకున్తలం విమలపీతదుకూలమనోహరమ్ ।
జలధిజాశ్రితవామకలేవరం భజత రే మనుజాః కమలాపతిమ్ ॥ ౨॥
కిము జపైశ్చ తపోభిరుతాధ్వరైరపి కిముత్తమతీర్థనిషేవణైః ।
కిముత శాస్త్రకదంబవిలోకనైః భజత రే మనుజాః కమలాపతిమ్ ॥ ౩॥
మనుజదేహమిమం భువి దుర్లభం సమధిగమ్య సురైరపి వాఞ్ఛితమ్ ।
విషయలంపటతామపహాయ వై భజత రే మనుజాః కమలాపతిమ్ ॥ ౪॥
న వనితా న సుతో న సహోదరో న హి పితా జననీ న చ బాన్ధవాః ।
వ్రజతి సాకమనేన జనేన వై భజత రే మనుజాః కమలాపతిమ్ ॥ ౫॥
సకలమేవ చలం సచరాచరం జగదిదం సుతరాం ధనయౌవనమ్ ।
సమవలోక్య వివేకదృశా ద్రుతం భజత రే మనుజాః కమలాపతిమ్ ॥ ౬॥
వివిధరోగయుతం క్షణభఙ్గురం పరవశం నవమార్గమలాకులమ్ ।
పరినిరీక్ష్య శరీరమిదం స్వకం భజత రే మనుజాః కమలాపతిమ్ ॥ ౭॥
మునివరైరనిశం హృది భావితం శివవిరిఞ్చిమహేన్ద్రనుతం సదా ।
మరణజన్మజరాభయమోచనం భజత రే మనుజాః కమలాపతిమ్ ॥ ౮॥
హరిపదాష్టకమేతదనుత్తమం పరమహంసజనేన సమీరితమ్ ।
పఠతి యస్తు సమాహితచేతసా వ్రజతి విష్ణుపదం స నరో ధ్రువం ॥ ౯॥
ఇతి శ్రీమత్పరమహంసస్వామిబ్రహ్మానన్దవిరచితం కమలాపత్యష్టకం సమాప్తం॥
