કામાસિકાષ્ટકમ્ Lyrics in Gujarati:
શ્રીવેદાન્તદેશિકૃતમ્ ।
(કાઞ્ચ્યાં)
શ્રુતીનામુત્તરં ભાગં વેગવત્યાશ્ચ દક્ષિણમ્ ।
કામાદધિવસન્ જીયાત્કશ્ચિદદ્ભુતકેસરી ॥ ૧॥
તપનેન્દ્વગ્નિનયનઃ તાપાનપચિનોતુ નઃ ।
તાપનીયરહસ્યાનાં સારઃ કામાસિકાહરિઃ ॥ ૨॥
આકણ્ઠમાદિપુરુષં કણ્ઠીરવમુપરિ કુણ્ઠિતારાતિમ્ ।
વેગોપકણ્ઠસઙ્ગાદ્વિમુક્તવૈકુણ્ઠબહુમતિમુપાસે ॥ ૩॥
બન્ધુમખિલસ્ય જન્તોર્બન્ધુરપર્યઙ્કબન્ધરમણીયમ્ ।
વિષમવિલોચનમીડે વેગવતીપુલિનકેલિનરસિંહમ્ ॥ ૪॥
સ્વસ્થાનેષુ મરુદ્ગણાન્ નિયમયન્ સ્વાધીનસર્વેન્દ્રિયઃ
પર્યઙ્કસ્થિરધારણાપ્રકટિતપ્રત્યઙ્મુખાવસ્થિતિઃ ।
પ્રાયેણ પ્રણિપેદુષઃ પ્રભુરસૌ યોગં નિજં શિક્ષયન્
કામાનાતનુતાદશેષ જગતાં કામાસિકા કેસરી ॥ ૫॥
વિકસ્વરનખસ્વરુક્ષતહિરણ્યવક્ષઃસ્થલી
નિરર્ગલવિનિર્ગલદ્રુધિરસિન્ધુસન્ધ્યાયિતાઃ ।
અવન્તુ મદનાસિકા મનુજપઞ્ચવક્ત્રસ્ય માં
અહમ્પ્રથમિકા મિથઃ પ્રકટિતાહવા બાહવઃ ॥ ૬॥
સટાપટલભીષણે સરભસાટ્ટહાસોદ્ભટે
સ્ફુરત્ક્રુધિપરિસ્ફુટભ્રુકુટિકેઽપિ વક્ત્રે કૃતે ।
કૃપાકપટકેસરિન્ દનુજડિમ્ભદત્તસ્તના
સરોજસદૃશા દૃશા વ્યતિવિષજ્ય તે વ્યજ્યતે ॥ ૭॥
ત્વયિ રક્ષતિ રક્ષકૈઃ કિમન્યૈસ્ત્વયિ ચારક્ષતિ રક્ષકૈઃ કિમન્યૈઃ ।
ઇતિ નિશ્ચિતધીઃ શ્રયામિ નિત્યં નૃહરે વેગવતીતટાશ્રયં ત્વામ્ ॥ ૮॥
ઇત્થં સ્તુતઃ સકૃદિહાષ્ટભિરેષ પદ્યૈઃ
શ્રીવેઙ્કટેશરચિતૈસ્ત્રિદશેન્દ્રવન્દ્યઃ ।
દુર્દાન્તઘોરદુરિતદ્વિરદેન્દ્રભેદી
કામાસિકાનરહરિર્વિતનોતુ કામાન્ ॥ ૯॥
ઇતિ શ્રીવેદાન્તદેશિકૃતં કામાસિકાષ્ટકં સમ્પૂર્ણમ્ ।
