Kashi Panchakam in Malayalam :
॥ കാശീപഞ്ചകം ॥
മനോനിവൃത്തിഃ പരമോപശാന്തിഃ
സാ തീര്‍ഥവര്യാ മണികര്‍ണികാ ച ।
ജ്ഞാനപ്രവാഹാ വിമലാദിഗങ്ഗാ
സാ കാശികാഹം നിജബോധരൂപാ ॥ 1 ॥
യസ്യാമിദം കല്‍പിതമിന്ദ്രജാലം
ചരാചരം ഭാതി മനോവിലാസം ।
സച്ചിത്സുഖൈകാ പരമാത്മരൂപാ
സാ കാശികാഹം നിജബോധരൂപാ ॥ 2 ॥
കോശേഷു പഞ്ചസ്വധിരാജമാനാ
ബുദ്ധിര്‍ഭവാനീ പ്രതിദേഹഗേഹം ।
സാക്ഷീ ശിവഃ സര്‍വഗതോഽന്തരാത്മാ
സാ കാശികാഹം നിജബോധരൂപാ ॥ 3 ॥
കാശ്യാം ഹി കാശ്യതേ കാശീ കാശീ സര്‍വപ്രകാശികാ ।
സാ കാശീ വിദിതാ യേന തേന പ്രാപ്താ ഹി കാശികാ ॥ 4 ॥
കാശീക്ഷേത്രം ശരീരം ത്രിഭുവന-ജനനീ വ്യാപിനീ ജ്ഞാനഗങ്ഗാ ।
ഭക്തിഃ ശ്രദ്ധാ ഗയേയം നിജഗുരു-ചരണധ്യാനയോഗഃ പ്രയാഗഃ ।
വിശ്വേശോഽയം തുരീയഃ സകലജന-മനഃസാക്ഷിഭൂതോഽന്തരാത്മാ
ദേഹേ സര്‍വം മദീയേ യദി വസതി പുനസ്തീര്‍ഥമന്യത്കിമസ്തി ॥ 5 ॥
ഇതി ശ്രീമദ് ശങ്കരാചാര്യവിരചിതം കശിപന്‍ചകം സമാപ്തം ।
Also Read:
Kashipanchakam in Hindi | English | Bengali | Marathi | Gujarati | Punjabi | Kannada | Malayalam | Oriya | Telugu | Tamil