କିରାତାଷ୍ଟକଂ Lyrics in Oriya:
ଶ୍ରୀଃ ॥
ଶ୍ରୀଗଣେଶାୟ ନମଃ । କିରାତଶାସ୍ତ୍ରେ ନମଃ ॥
ଅଥ କିରାତାଷ୍ଟକମ୍ ॥
ପ୍ରତ୍ୟର୍ଥି-ଵ୍ରାତ-ଵକ୍ଷଃସ୍ଥଲ-ରୁଧିରସୁରାପାନମତ୍ତା ପୃଷତ୍କଂ
ଚାପେ ସନ୍ଧାୟ ତିଷ୍ଠନ୍ ହୃଦୟସରସିଜେ ମାମକେ ତାପହଂ ତମ୍ ।
ପିମ୍ଭୋତ୍ତଂସଃ ଶରଣ୍ୟଃ ପଶୁପତିତନୟୋ ନୀରଦାଭଃ ପ୍ରସନ୍ନୋ
ଦେଵଃ ପାୟାଦପାୟାତ୍ ଶବରଵପୁରସୌ ସାଵଧାନଃ ସଦା ନଃ ॥ ୧॥
ଆଖେଟାୟ ଵନେଚରସ୍ୟ ଗିରିଜାସକ୍ତସ୍ୟ ଶମ୍ଭୋଃ ସୁତଃ
ତ୍ରାତୁଂ ୟୋ ଭୁଵନଂ ପୁରା ସମଜନି ଖ୍ୟାତଃ କିରାତାକୃତିଃ ।
କୋଦଣ୍ଡକ୍ଷୁରିକାଧରୋ ଘନରଵଃ ପିଞ୍ଛାଵତଂସୋଜ୍ଜ୍ଵଲଃ
ସ ତ୍ଵଂ ମାମଵ ସର୍ଵଦା ରିପୁଗଣତ୍ରସ୍ତଂ ଦୟାଵାରିଧେ ॥ ୨॥
ୟୋ ମାଂ ପୀଡୟତି ପ୍ରସହ୍ୟ ସତତଂ ଦେହୀତ୍ୟନନ୍ୟାଶ୍ରୟଂ
ଭିତ୍ଵା ତସ୍ୟ ରିପୋରୁରଃ କ୍ଷୁରିକୟା ଶାତାଗ୍ରୟା ଦୁର୍ମତେଃ ।
ଦେଵ ତ୍ଵତ୍କରପଙ୍କଜୋଲ୍ଲସିତୟା ଶ୍ରୀମତ୍କିରାତାକୃତେଃ
ତତ୍ପ୍ରାଣାନ୍ ଵିତରାନ୍ତକାୟ ଭଗଵନ୍ କାଲାରିପୁତ୍ରାଞ୍ଜସା ॥ ୩॥
ଵିଦ୍ଧୋ ମର୍ମସୁ ଦୁର୍ଵଚୋଭିରସତାଂ ସନ୍ତପ୍ତଶଲ୍ୟୋପମୈଃ
ଦୃପ୍ତାନାଂ ଦ୍ଵିଷତାମଶାନ୍ତମନସାଂ ଖିନ୍ନୋଽସ୍ମି ୟାଵଦ୍ଭୃଶମ୍ ।
ତାଵତ୍ତ୍ଵଂ କ୍ଷୁରିକାଶରାସନଧରଶ୍ଚିତ୍ତେ ମମାଵିର୍ଭଵନ୍
ସ୍ଵାମିନ୍ ଦେଵ କିରାତରୂପ ଶମୟ ପ୍ରତ୍ୟର୍ଥିଗର୍ଵଂ କ୍ଷଣାତ୍ ॥ ୪॥
ହର୍ତୁଂ ଵିତ୍ତମଧର୍ମତୋ ମମ ରତାଶ୍ଚୋରାଶ୍ଚ ୟେ ଦୁର୍ଜନାଃ
ତେଷାଂ ମର୍ମସୁ ତାଡୟାଶୁ ଵିଶିଖୈସ୍ତ୍ଵତ୍କାର୍ମୁକାନ୍ନିଃସୃତୈଃ ॥
ଶାସ୍ତାରଂ ଦ୍ଵିଷତାଂ କିରାତଵପୁଷଂ ସର୍ଵାର୍ଥଦଂ ତ୍ଵାମୃତେ
ପଶ୍ୟାମ୍ୟତ୍ର ପୁରାରିପୁତ୍ର ଶରଣଂ ନାନ୍ୟଂ ପ୍ରପନ୍ନୋଽମ୍ୟହମ୍ ॥ ୫॥
ୟକ୍ଷପ୍ରେତପିଶାଚଭୂତନିଵହା ଦୁଃଖପ୍ରଦା ଭୀଷଣାଃ
ବାଧନ୍ତେ ନରଶୋଣିତୋତ୍ସୁକଧିୟୋ ୟେ ମାଂ ରିପୁପ୍ରେରିତାଃ ।
ଚାପ-ଜ୍ୟା-ନିନଦୈସ୍ତ୍ଵମୀଶ ସକଲାନ୍ ସଂହୃତ୍ୟ ଦୁଷ୍ଟଗ୍ରହାନ୍
ଗୌରୀଶାତ୍ମଜ ଦୈଵତେଶ୍ଵର କିରାତାକାର ସଂରକ୍ଷ ମାମ୍ ॥ ୬॥
ଦ୍ରୋଗ୍ଧୁଂ ୟେ ନିରତାଃ ତ୍ଵମଦ୍ୟ ପଦପଦ୍ମୈକାନ୍ତଭକ୍ତାୟ ମେ
ମାୟାଛନ୍ନକଳେବରାଶ୍ରୁଵିଷଦାନାଦ୍ୟୈଃ ସଦା କର୍ମଭିଃ ।
ଵଶ୍ୟସ୍ତମ୍ଭନମାରଣାଦିକୁଶଲପ୍ରାରମ୍ଭଦକ୍ଷାନରୀନ୍
ଦୁଷ୍ଟାନ୍ ସଂହର ଦେଵଦେଵ ଶବରାକାର ତ୍ରିଲୋକେଶ୍ଵର ॥ ୭॥
ତନ୍ଵା ଵା ମନସା ଗିରାପି ସତତଂ ଦୋଷଂ ଚିକୀର୍ଷତ୍ୟଲଂ
ତ୍ଵତ୍ପାଦପ୍ରଣତସ୍ୟ ନିରପରାଧସ୍ୟାପି ୟେ ମାନଵାଃ ।
ସର୍ଵାନ୍ ସଂହର ତାନ୍ ଗିରୀଶସୁତ ମେ ତାପତ୍ରୟୌଘାନପି
ତ୍ଵାମେକଂ ଶବରାକୃତେ ଭୟହରଂ ନାଥଂ ପ୍ରପନ୍ନୋଽସ୍ମ୍ୟହମ୍ ॥ ୮॥
କ୍ଲିଷ୍ଟୋ ରାଜଭଟୈସ୍ତଦାପି ପରିଭୂତୋଽହଂ ଖଲୈର୍ଵ୍ୟରିଭିଃ
ଚାନ୍ୟୈର୍ଘୋରତରୈର୍ଵିପଜ୍ଜଲନିଧୌ ମଗ୍ନୋଽସ୍ମି ଦୁଃଖାତୁରମ୍ ।
ହା ହା କିଙ୍କରଵୈ ଵିଭୋ ଶବରଵେଷଂ ତ୍ଵାମଭୀଷ୍ଟାର୍ଥଦଂ
ଵନ୍ଦେଽହଂ ପରଦୈଵତଂ କୁରୁ କୃପାନାଥାର୍ତବନ୍ଧୋ ମୟି ॥ ୯॥
ସ୍ତୋତ୍ରଂ ୟଃ ପ୍ରଜପେତ୍ ପ୍ରଶାନ୍ତକରଣୈର୍ନିତ୍ୟଂ କିରାତାଷ୍ଟକଂ
ସ କ୍ଷିପ୍ରଂ ଵଶଗାନ୍ କରୋତି ନୃପତୀନାବଦ୍ଧଵୈରାନପି ।
ସଂହୃତ୍ୟାତ୍ମଵିରୋଧିନଃ ଖଲଜନାନ୍ ଦୁଷ୍ଟଗ୍ରହାନପ୍ୟସୌ
ୟାତ୍ୟନ୍ତେ ୟମଦୂତଭୀତିରହିତୋ ଦିଵ୍ୟାଂ ଗତିଂ ଶାଶ୍ଵତୀମ୍ ॥ ୧୦।
ଇତି କିରାତାଷ୍ଟକଂ ସମ୍ପୂର୍ଣମ୍ ॥
