Templesinindiainfo

Best Spiritual Website

Kunjabihari Ashtakam 1 Lyrics in Bengali | কুঞ্জবিহার্যষ্টকম্ ১

কুঞ্জবিহার্যষ্টকম্ ১ Lyrics in Bengali:

প্রথমং শ্রীকুঞ্জবিহার্যষ্টকং
ইন্দ্রনীলমণিমঞ্জুলবর্ণঃ ফুল্লনীপকুসুমাঞ্চিতকর্ণঃ ।
কৃষ্ণলাভিরকৃশোরসিহারী সুন্দরো জয়তি কুঞ্জবিহারী ॥ ১॥

রাধিকাবদনচন্দ্রচকোরঃ সর্ববল্লববধূধৃতিচোরঃ ।
চর্চরীচতুরতাঞ্চিতচারী চারুতো জয়তি কুঞ্জবিহারী ॥ ২॥

সর্বতাঃ প্রতিথকৌলিকপর্বধ্বংসনেন হৃতবাসবগর্বঃ ।
গোষ্ঠরক্ষণকৃতে গিরিধারী লীলয়া জয়তি কুঞ্জবিহারী ॥ ৩॥

রাগমণ্ডলবিভূষিতবংশী বিভ্রমেণমদনোত্সবশংসী-
স্তূয়মানচরিতঃ শুকশারিশ্রোণিভির্জয়তি কুঞ্জবিহারী ॥ ৪॥

শাতকুম্ভরুচিহারিদুকূলঃ কেকিচন্দ্রকবিরাজিতচূডঃ ।
নব্যয়ৌবনলসদ্ব্রজনারীরঞ্জনো জয়তি কুঞ্জবিহারী ॥ ৫॥

স্থাসকীকৃতসুগন্ধিপটীরঃ স্বর্ণকাঞ্চিপরিশোভিকটীরঃ ।
রাধিকোন্নতপয়োধরবারীকুঞ্জারো জয়তি কুঞ্জবিহারী ॥ ৬॥

গৌরধাতুতিলকোজ্জ্বলফালঃ কেলিচঞ্চলিতচম্পকমালঃ ।
অদ্রিকন্দরগৃহেষ্বভিসারী সুভ্রুবাং জয়তি কুঞ্জবিহারী ॥ ৭॥

বিভ্রমোচ্চলদৃগঞ্চলনৃত্যক্ষিপ্তগোপললনাখিলকৃত্যঃ ।
প্রেমমত্তবৃষভানুকুমারীনাগরো জয়তি কুঞ্জবিহারী ॥ ৮॥

অষ্টকং মধুরকুঞ্জবিহারী ক্রীডয়া পঠতি য়ঃ কিল হারী ।
স প্রয়াতি বিলসত্পরভাগং তস্য পাদকমলার্চনরাগম্ ॥ ৯॥

ইতি শ্রীরূপগোস্বামিবিরচিতস্তবমালায়াং শ্রীকুঞ্জবিহারিণঃ
প্রথমাষ্টকং সমাপ্তম্ ।

Kunjabihari Ashtakam 1 Lyrics in Bengali | কুঞ্জবিহার্যষ্টকম্ ১

Leave a Reply

Your email address will not be published. Required fields are marked *

Scroll to top