കുഞ്ജവിഹാര്യഷ്ടകം 1 Lyrics in Malayalam:
പ്രഥമം ശ്രീകുഞ്ജവിഹാര്യഷ്ടകം
ഇന്ദ്രനീലമണിമഞ്ജുലവര്‍ണഃ ഫുല്ലനീപകുസുമാഞ്ചിതകര്‍ണഃ ।
കൃഷ്ണലാഭിരകൃശോരസിഹാരീ സുന്ദരോ ജയതി കുഞ്ജവിഹാരീ ॥ 1॥
രാധികാവദനചന്ദ്രചകോരഃ സര്‍വവല്ലവവധൂധൃതിചോരഃ ।
ചര്‍ചരീചതുരതാഞ്ചിതചാരീ ചാരുതോ ജയതി കുഞ്ജവിഹാരീ ॥ 2॥
സര്‍വതാഃ പ്രതിഥകൌലികപര്‍വധ്വംസനേന ഹൃതവാസവഗര്‍വഃ ।
ഗോഷ്ഠരക്ഷണകൃതേ ഗിരിധാരീ ലീലയാ ജയതി കുഞ്ജവിഹാരീ ॥ 3॥
രാഗമണ്ഡലവിഭൂഷിതവംശീ വിഭ്രമേണമദനോത്സവശംസീ-
സ്തൂയമാനചരിതഃ ശുകശാരിശ്രോണിഭിര്‍ജയതി കുഞ്ജവിഹാരീ ॥ 4॥
ശാതകുംഭരുചിഹാരിദുകൂലഃ കേകിചന്ദ്രകവിരാജിതചൂഡഃ ।
നവ്യയൌവനലസദ്വ്രജനാരീരഞ്ജനോ ജയതി കുഞ്ജവിഹാരീ ॥ 5॥
സ്ഥാസകീകൃതസുഗന്ധിപടീരഃ സ്വര്‍ണകാഞ്ചിപരിശോഭികടീരഃ ।
രാധികോന്നതപയോധരവാരീകുഞ്ജാരോ ജയതി കുഞ്ജവിഹാരീ ॥ 6॥
ഗൌരധാതുതിലകോജ്ജ്വലഫാലഃ കേലിചഞ്ചലിതചമ്പകമാലഃ ।
അദ്രികന്ദരഗൃഹേഷ്വഭിസാരീ സുഭ്രുവാം ജയതി കുഞ്ജവിഹാരീ ॥ 7॥
വിഭ്രമോച്ചലദൃഗഞ്ചലനൃത്യക്ഷിപ്തഗോപലലനാഖിലകൃത്യഃ ।
പ്രേമമത്തവൃഷഭാനുകുമാരീനാഗരോ ജയതി കുഞ്ജവിഹാരീ ॥ 8॥
അഷ്ടകം മധുരകുഞ്ജവിഹാരീ ക്രീഡയാ പഠതി യഃ കില ഹാരീ ।
സ പ്രയാതി വിലസത്പരഭാഗം തസ്യ പാദകമലാര്‍ചനരാഗം ॥ 9॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീകുഞ്ജവിഹാരിണഃ
പ്രഥമാഷ്ടകം സമാപ്തം ।
