కుఞ్జవిహార్యష్టకమ్ ౧ Lyrics in Telugu:
ప్రథమం శ్రీకుఞ్జవిహార్యష్టకం
ఇన్ద్రనీలమణిమఞ్జులవర్ణః ఫుల్లనీపకుసుమాఞ్చితకర్ణః ।
కృష్ణలాభిరకృశోరసిహారీ సున్దరో జయతి కుఞ్జవిహారీ ॥ ౧॥
రాధికావదనచన్ద్రచకోరః సర్వవల్లవవధూధృతిచోరః ।
చర్చరీచతురతాఞ్చితచారీ చారుతో జయతి కుఞ్జవిహారీ ॥ ౨॥
సర్వతాః ప్రతిథకౌలికపర్వధ్వంసనేన హృతవాసవగర్వః ।
గోష్ఠరక్షణకృతే గిరిధారీ లీలయా జయతి కుఞ్జవిహారీ ॥ ౩॥
రాగమణ్డలవిభూషితవంశీ విభ్రమేణమదనోత్సవశంసీ-
స్తూయమానచరితః శుకశారిశ్రోణిభిర్జయతి కుఞ్జవిహారీ ॥ ౪॥
శాతకుమ్భరుచిహారిదుకూలః కేకిచన్ద్రకవిరాజితచూడః ।
నవ్యయౌవనలసద్వ్రజనారీరఞ్జనో జయతి కుఞ్జవిహారీ ॥ ౫॥
స్థాసకీకృతసుగన్ధిపటీరః స్వర్ణకాఞ్చిపరిశోభికటీరః ।
రాధికోన్నతపయోధరవారీకుఞ్జారో జయతి కుఞ్జవిహారీ ॥ ౬॥
గౌరధాతుతిలకోజ్జ్వలఫాలః కేలిచఞ్చలితచమ్పకమాలః ।
అద్రికన్దరగృహేష్వభిసారీ సుభ్రువాం జయతి కుఞ్జవిహారీ ॥ ౭॥
విభ్రమోచ్చలదృగఞ్చలనృత్యక్షిప్తగోపలలనాఖిలకృత్యః ।
ప్రేమమత్తవృషభానుకుమారీనాగరో జయతి కుఞ్జవిహారీ ॥ ౮॥
అష్టకం మధురకుఞ్జవిహారీ క్రీడయా పఠతి యః కిల హారీ ।
స ప్రయాతి విలసత్పరభాగం తస్య పాదకమలార్చనరాగమ్ ॥ ౯॥
ఇతి శ్రీరూపగోస్వామివిరచితస్తవమాలాయాం శ్రీకుఞ్జవిహారిణః
ప్రథమాష్టకం సమాప్తమ్ ।
