মঙ্গলাষ্টকম্ Lyrics in Bengali:
ব্রহ্মাবিষ্ণুর্গিরীশঃ সুরপতিরনলঃ প্রেতরাড্যাতুনাথ-
স্তোয়াধীশশ্চ বায়ুর্ধনদগুহগণেশার্কচন্দ্রাশ্চ রুদ্রাঃ ।
বিশ্বাদিত্যাশ্বিসধ্যা বসুপিতৃমরুতস্সিদ্ধবিদ্যাশ্চ য়ক্ষা
গন্ধর্বাঃ কিন্নরাদ্যাখিলগগনচরা মঙ্গলং মে দিশন্তু ॥ ১॥
বাণী লক্ষ্মী ধরিত্রী হিমগিরিতনয়া চণ্ডিকা ভদ্রকালী
ব্রহ্মাদ্যা মাতৃসঙ্ঘা অদিতিদিতিসতীত্যাদয়ো দক্ষপুত্র্যঃ ।
সাবিত্রী জহ্নুকন্যা দিনকরতনয়ারুন্ধতী দেবপত্ন্যঃ
পৌলোমাদ্যাস্তথান্যাঃ খচরয়ুবতয়ো মঙ্গলং মে দিশন্তু ॥ ২॥
মত্স্যঃ কূর্মো বরাহো নৃহরিরথ বটুর্ভার্গবো রামচন্দ্র-
স্সীরী কৃষ্ণশ্চ খড্গী সকপিলনরনারায়ণাত্রেয়বৈদ্যাঃ ।
অন্যে নানাবতারাঃ নরকবিজয়িনশ্চক্রমুখ্যায়ুধানি
তত্পত্ন্যস্তত্সুতাশ্চাপ্যখিলহরিকুলা মঙ্গলং মে দিশন্তু ॥ ৩॥
বিশ্বামিত্রো বসিষ্ঠঃ কলশভব উতথ্যোঽঙ্গিরাঃ কাশ্যপশ্চ
ব্যাসঃ কণ্বো মরীচী ক্রতুভৃগুপুলহা শৌনকোঽত্রিঃ পুলস্ত্যঃ ।
অন্যে সর্বে মুনীন্দ্রাঃ কুজবুধগুরুশুক্রার্কজাদ্যা গ্রহা য়ে
নক্ষত্রাণি প্রজেশাঃ ফণিগণমনবো মঙ্গলং মে দিশন্তু ॥ ৪॥
তার্ক্ষ্যোঽনন্তো হনূমান্ বলিরপি সনকাদ্যাঃ শুকো নারদশ্চ
প্রহ্লাদঃ পাণ্ডুপুত্রা নৃগনলনহুষাঃ বিষ্ণুরাতোঽম্বরীষঃ ।
ভীষ্মাক্রূরোদ্ধবোশীনরভরতহরিশ্চন্দ্ররুক্মাঙ্গদাদ্যাঃ
অন্যে সর্বে নরেন্দ্রা রবিশশিকুলজা মঙ্গলং মে দিশন্তু ॥ ৫॥
আকূত্যাদ্যাশ্চ তিস্রঃ সকলমুনিকলত্রাণি দারা মনূনাং
তারা কুন্তী চ পাঞ্চাল্যথ নলদয়িতা রুক্মিণী সত্যভামা ।
দেবক্যাদ্যাশ্চ সর্বা য়দুকুলবনিতা রাজভার্যাস্তথান্যাঃ
গোপ্যশ্চারিত্রয়ুক্তাঃ সকলয়ুবতয়ো মঙ্গলং মে দিশন্তু ॥ ৬॥
বিপ্রা গাবশ্চ বেদাঃ স্মৃতিরপি তুলসী সর্বতীর্থানি বিদ্যাঃ
নানাশাস্ত্রেতিহাসা অপি সকলপুরাণানি বর্ণাশ্রমাশ্চ ।
সাঙ্খ্যং জ্ঞানং চ য়োগাবপি য়মনিয়মৌ সর্বকর্মাণি কালাঃ
সর্বে ধর্মাশ্চ সত্যাদ্যবয়বসহিতা মঙ্গলং মে দিশন্তু ॥ ৭॥
লোকা দ্বীপাঃ সমুদ্রাঃ ক্ষিতিধরপতয়ো মেরুকৈলাসমুখ্যাঃ
কাবেরীনর্মদাদ্যাঃ শুভজলসরিতঃ স্বর্দ্রুমা দিগ্গজেন্দ্রাঃ ।
মেঘা জ্যোতীংষিনানানরমৃগপক্ষ্যাদয়ঃ প্রাণিনোঽন্যে
সর্বৌষধ্যশ্চ বৃক্ষাঃ সকলতৃণলতা মঙ্গলং মে দিশন্তু ॥ ৮॥
ভক্ত্যা সংয়ুক্তচিত্তাঃ প্রতিদিবসমিমান্ মঙগলস্তোত্রমুখ্যান্
অষ্টৌ শ্লোকান্ প্রভাতে দিবসপরিণতৌ য়ে চ মর্ত্যাঃ পঠন্তি ।
তে নিত্যং পূর্ণকামা ইহ ভুবি সুখিনশ্চার্থবন্তোঽপি ভূত্বা
নির্মুক্তা সর্বপাপৈর্বয়সি চ চরমে বিষ্ণুলোকং প্রয়ান্তি ॥ ৯॥
ইতি মঙ্গলাষ্টকস্তোত্রং সমাপ্তম্ ॥