Templesinindiainfo

Best Spiritual Website

Mangala Ashtakam Lyrics in Kannada | ಮಂಗಲಾಷ್ಟಕಮ್

ಮಂಗಲಾಷ್ಟಕಮ್ Lyrics in Kannada:

ಬ್ರಹ್ಮಾವಿಷ್ಣುರ್ಗಿರೀಶಃ ಸುರಪತಿರನಲಃ ಪ್ರೇತರಾಡ್ಯಾತುನಾಥ-
ಸ್ತೋಯಾಧೀಶಶ್ಚ ವಾಯುರ್ಧನದಗುಹಗಣೇಶಾರ್ಕಚನ್ದ್ರಾಶ್ಚ ರುದ್ರಾಃ ।
ವಿಶ್ವಾದಿತ್ಯಾಶ್ವಿಸಧ್ಯಾ ವಸುಪಿತೃಮರುತಸ್ಸಿದ್ಧವಿದ್ಯಾಶ್ಚ ಯಕ್ಷಾ
ಗನ್ಧರ್ವಾಃ ಕಿನ್ನರಾದ್ಯಾಖಿಲಗಗನಚರಾ ಮಂಗಲಂ ಮೇ ದಿಶನ್ತು ॥ 1॥

ವಾಣೀ ಲಕ್ಷ್ಮೀ ಧರಿತ್ರೀ ಹಿಮಗಿರಿತನಯಾ ಚಂಡಿಕಾ ಭದ್ರಕಾಲೀ
ಬ್ರಹ್ಮಾದ್ಯಾ ಮಾತೃಸಂಘಾ ಅದಿತಿದಿತಿಸತೀತ್ಯಾದಯೋ ದಕ್ಷಪುತ್ರ್ಯಃ ।
ಸಾವಿತ್ರೀ ಜಹ್ನುಕನ್ಯಾ ದಿನಕರತನಯಾರುನ್ಧತೀ ದೇವಪತ್ನ್ಯಃ
ಪೌಲೋಮಾದ್ಯಾಸ್ತಥಾನ್ಯಾಃ ಖಚರಯುವತಯೋ ಮಂಗಲಂ ಮೇ ದಿಶನ್ತು ॥ 2॥

ಮತ್ಸ್ಯಃ ಕೂರ್ಮೋ ವರಾಹೋ ನೃಹರಿರಥ ವಟುರ್ಭಾರ್ಗವೋ ರಾಮಚನ್ದ್ರ-
ಸ್ಸೀರೀ ಕೃಷ್ಣಶ್ಚ ಖಡ್ಗೀ ಸಕಪಿಲನರನಾರಾಯಣಾತ್ರೇಯವೈದ್ಯಾಃ ।
ಅನ್ಯೇ ನಾನಾವತಾರಾಃ ನರಕವಿಜಯಿನಶ್ಚಕ್ರಮುಖ್ಯಾಯುಧಾನಿ
ತತ್ಪತ್ನ್ಯಸ್ತತ್ಸುತಾಶ್ಚಾಪ್ಯಖಿಲಹರಿಕುಲಾ ಮಂಗಲಂ ಮೇ ದಿಶನ್ತು ॥ 3॥

ವಿಶ್ವಾಮಿತ್ರೋ ವಸಿಷ್ಠಃ ಕಲಶಭವ ಉತಥ್ಯೋಽಂಗಿರಾಃ ಕಾಶ್ಯಪಶ್ಚ
ವ್ಯಾಸಃ ಕಣ್ವೋ ಮರೀಚೀ ಕ್ರತುಭೃಗುಪುಲಹಾ ಶೌನಕೋಽತ್ರಿಃ ಪುಲಸ್ತ್ಯಃ ।
ಅನ್ಯೇ ಸರ್ವೇ ಮುನೀನ್ದ್ರಾಃ ಕುಜಬುಧಗುರುಶುಕ್ರಾರ್ಕಜಾದ್ಯಾ ಗ್ರಹಾ ಯೇ
ನಕ್ಷತ್ರಾಣಿ ಪ್ರಜೇಶಾಃ ಫಣಿಗಣಮನವೋ ಮಂಗಲಂ ಮೇ ದಿಶನ್ತು ॥ 4॥

ತಾರ್ಕ್ಷ್ಯೋಽನನ್ತೋ ಹನೂಮಾನ್ ಬಲಿರಪಿ ಸನಕಾದ್ಯಾಃ ಶುಕೋ ನಾರದಶ್ಚ
ಪ್ರಹ್ಲಾದಃ ಪಾಂಡುಪುತ್ರಾ ನೃಗನಲನಹುಷಾಃ ವಿಷ್ಣುರಾತೋಽಮ್ಬರೀಷಃ ।
ಭೀಷ್ಮಾಕ್ರೂರೋದ್ಧವೋಶೀನರಭರತಹರಿಶ್ಚನ್ದ್ರರುಕ್ಮಾಂಗದಾದ್ಯಾಃ
ಅನ್ಯೇ ಸರ್ವೇ ನರೇನ್ದ್ರಾ ರವಿಶಶಿಕುಲಜಾ ಮಂಗಲಂ ಮೇ ದಿಶನ್ತು ॥ 5॥

ಆಕೂತ್ಯಾದ್ಯಾಶ್ಚ ತಿಸ್ರಃ ಸಕಲಮುನಿಕಲತ್ರಾಣಿ ದಾರಾ ಮನೂನಾಂ
ತಾರಾ ಕುನ್ತೀ ಚ ಪಾಂಚಾಲ್ಯಥ ನಲದಯಿತಾ ರುಕ್ಮಿಣೀ ಸತ್ಯಭಾಮಾ ।
ದೇವಕ್ಯಾದ್ಯಾಶ್ಚ ಸರ್ವಾ ಯದುಕುಲವನಿತಾ ರಾಜಭಾರ್ಯಾಸ್ತಥಾನ್ಯಾಃ
ಗೋಪ್ಯಶ್ಚಾರಿತ್ರಯುಕ್ತಾಃ ಸಕಲಯುವತಯೋ ಮಂಗಲಂ ಮೇ ದಿಶನ್ತು ॥ 6॥

ವಿಪ್ರಾ ಗಾವಶ್ಚ ವೇದಾಃ ಸ್ಮೃತಿರಪಿ ತುಲಸೀ ಸರ್ವತೀರ್ಥಾನಿ ವಿದ್ಯಾಃ
ನಾನಾಶಾಸ್ತ್ರೇತಿಹಾಸಾ ಅಪಿ ಸಕಲಪುರಾಣಾನಿ ವರ್ಣಾಶ್ರಮಾಶ್ಚ ।
ಸಾಂಖ್ಯಂ ಜ್ಞಾನಂ ಚ ಯೋಗಾವಪಿ ಯಮನಿಯಮೌ ಸರ್ವಕರ್ಮಾಣಿ ಕಾಲಾಃ
ಸರ್ವೇ ಧರ್ಮಾಶ್ಚ ಸತ್ಯಾದ್ಯವಯವಸಹಿತಾ ಮಂಗಲಂ ಮೇ ದಿಶನ್ತು ॥ 7॥

ಲೋಕಾ ದ್ವೀಪಾಃ ಸಮುದ್ರಾಃ ಕ್ಷಿತಿಧರಪತಯೋ ಮೇರುಕೈಲಾಸಮುಖ್ಯಾಃ
ಕಾವೇರೀನರ್ಮದಾದ್ಯಾಃ ಶುಭಜಲಸರಿತಃ ಸ್ವರ್ದ್ರುಮಾ ದಿಗ್ಗಜೇನ್ದ್ರಾಃ ।
ಮೇಘಾ ಜ್ಯೋತೀಂಷಿನಾನಾನರಮೃಗಪಕ್ಷ್ಯಾದಯಃ ಪ್ರಾಣಿನೋಽನ್ಯೇ
ಸರ್ವೌಷಧ್ಯಶ್ಚ ವೃಕ್ಷಾಃ ಸಕಲತೃಣಲತಾ ಮಂಗಲಂ ಮೇ ದಿಶನ್ತು ॥ 8॥

ಭಕ್ತ್ಯಾ ಸಂಯುಕ್ತಚಿತ್ತಾಃ ಪ್ರತಿದಿವಸಮಿಮಾನ್ ಮಙಗಲಸ್ತೋತ್ರಮುಖ್ಯಾನ್
ಅಷ್ಟೌ ಶ್ಲೋಕಾನ್ ಪ್ರಭಾತೇ ದಿವಸಪರಿಣತೌ ಯೇ ಚ ಮರ್ತ್ಯಾಃ ಪಠನ್ತಿ ।
ತೇ ನಿತ್ಯಂ ಪೂರ್ಣಕಾಮಾ ಇಹ ಭುವಿ ಸುಖಿನಶ್ಚಾರ್ಥವನ್ತೋಽಪಿ ಭೂತ್ವಾ
ನಿರ್ಮುಕ್ತಾ ಸರ್ವಪಾಪೈರ್ವಯಸಿ ಚ ಚರಮೇ ವಿಷ್ಣುಲೋಕಂ ಪ್ರಯಾನ್ತಿ ॥ 9॥

ಇತಿ ಮಂಗಲಾಷ್ಟಕಸ್ತೋತ್ರಂ ಸಮಾಪ್ತಮ್ ॥

Mangala Ashtakam Lyrics in Kannada | ಮಂಗಲಾಷ್ಟಕಮ್

Leave a Reply

Your email address will not be published. Required fields are marked *

Scroll to top