নারায়ণাষ্টকম্ Lyrics in Bengali:
বাত্সল্যাদভয়প্রদানসময়াদার্ত্তার্তিনির্বাপণাদ্-
ঔদার্য্যাদঘশোষণাদগণিতশ্রেয়ঃ পদপ্রাপণাত্ ।
সেব্যঃ শ্রীপতিরেক এব জগতামেতেঽভবন্সাক্ষিণঃ
প্রহ্লাদশ্চ বিভীষণশ্চ করিরাট্ পাঞ্চাল্যহল্যাধ্রুবঃ ॥ ১॥
প্রহ্লাদাস্তি য়দীশ্বরো বদ হরিঃ সর্বত্র মে দর্শয়
স্তংভে চৈবমিতি ব্রুবন্তমসুরং তত্রাবিরাসীদ্ধরিঃ ।
বক্ষস্তস্য বিদারয়ন্নিজনখৈর্বাত্সল্যমাপাদয়ন্-
নার্ত্তত্রাণপরায়ণঃ স ভগবান্নারায়ণো মে গতিঃ ॥ ২॥
শ্রীরামোঽত্র বিভীষণোঽয়মনঘো রক্ষোভয়াদাগতঃ
সুগ্রীবানয় পালয়ৈনমধুনা পৌলস্ত্যমেবাগতম্ ।
ইত্যুক্ত্বাঽভয়মস্য সর্ববিদিতং য়ো রাঘবো দত্তবান্-
আর্ত্তত্রাণপরায়ণঃ স ভগবান্নারায়ণো মে গতিঃ ॥ ৩॥
নক্রগ্রস্তপদং সমুদ্ধৃতকরং ব্রহ্মাদয়ো ভোঃ সুরা
রক্ষন্তামিতি দীনবাক্যকরিণং দেবেষ্বশক্তেষু য়ঃ ।
মা ভৈষীরিতি তস্য নক্রহননে চক্রায়ুধঃ শ্রীধরো-
হ্যার্ত্তত্রাণপরায়ণঃ স ভগবান্নারায়ণো মে গতিঃ ॥ ৪॥
ভোঃ কৃষ্ণাচ্যুতঃ ভোঃ কৃপালয় হরে ভোঃ পাণ্ডবানাং সখে
ক্বাসি ক্বাসি সুয়োধনাধ্যপহৃতাং ভো রক্ষ মামাতুরাম্ ।
ইত্যুক্ত্তোঽক্ষয়বস্ত্রসংভৃততনুর্যোঽপালয়দ্দ্রৌপদীম্-
আর্ত্তত্রাণপরায়ণঃ স ভগবান্নারায়ণো মে গতিঃ ॥ ৫॥
য়ত্পাদাব্জনখোদকং ত্রিজগতাং পাপৌঘবিধ্বংসনং
য়ন্নামামৃতপূরকং চ পিবতাং সংসারসন্তারকম্ ।
পাষাণোঽপি য়দঙিঘ্রপঙ্করজসা শাপান্মুনের্মোচিতো
হ্যার্ত্তত্রাণপরায়ণঃ স ভগবান্নারায়ণো মে গতিঃ ॥ ৬॥
পিত্রা ভ্রাতরমুত্তমাসনগতং হ্যৌত্তানপাদির্ধ্রুবো
দৃষ্ট্বা তত্সমমারুরুক্ষুরধিকং মাত্রাঽবমানং গতঃ ।
য়ং গত্বা শরণং য়দাপ তপসা হেমাদ্রিসিংহাসনং
হ্যার্ত্তত্রাণপরায়ণঃ স ভগবান্নারায়ণো মে গতিঃ ॥ ৭॥
আর্ত্তা বিষণ্ণাঃ শিথিলাশ্চ ভীতা ঘোরেশু চ ব্যাধিশু বর্তমানাঃ ।
সংকীর্ত্য নারায়ণশব্দমাত্রং বিমুক্তদুঃখাঃ সুখিনো ভবন্তি ॥ ৮॥
ইতি শ্রীকূরেশস্বামিবিরচিতং নারায়ণাষ্টকং সম্পূর্ণম্ ।
