Narayaneeyam

Narayaniyam Dvisaptatitamadasakam Lyrics in English | Narayaneyam Dasakam 72

Narayaniyam Dvisaptatitamadasakam in English:

॥ nārāyaṇīyaṁ dvisaptatitamadaśakam ॥

nārāyaṇīyaṁ dvisaptatitamadaśakam (72) – akrūragōkulayātrā

kaṁsō:’tha nāradagirā vrajavāsinaṁ tvā-
mākarṇya dīrṇahr̥dayaḥ sa hi gāndinēyam |
āhūya kārmukamakhacchalatō bhavanta-
mānētumēnamahinōdahināthaśāyin || 72-1 ||

akrūra ēṣa bhavadaṅghriparaścirāya
tvaddarśanākṣamamanāḥ kṣitipālabhītyā |
tasyājñayaiva punarīkṣitumudyatastvā-
mānandabhāramatibhūritaraṁ babhāra || 72-2 ||

sō:’yaṁ rathēna sukr̥tī bhavatō nivāsaṁ
gacchanmanōrathagaṇāṁstvayi dhāryamāṇān |
āsvādayanmuhurapāyabhayēna daivaṁ
samprārthayanpathi na kiñcidapi vyajānāt || 72-3 ||

drakṣyāmi vēdaśatagītagatiṁ pumāṁsaṁ
sprakṣyāmi kiṁsvidapināma pariṣvajēyam |
kiṁ vakṣyatē sa khalu māṁ kvanu vīkṣitaḥ syā-
ditthaṁ nināya sa bhavanmayamēva mārgam || 72-4 ||

bhūyaḥ kramādabhiviśanbhavadaṅghripūtaṁ
vr̥ndāvanaṁ haraviriñcasurābhivandyam |
ānandamagna iva lagna iva pramōhē
kiṁ kiṁ daśāntaramavāpa na paṅkajākṣa || 72-5 ||

paśyannavandata bhavadvihr̥tisthalāni
pāṁsuṣvavēṣṭata bhavaccaraṇāṅkitēṣu |
kiṁ brūmahē bahujanā hi tadāpi jātā
ēvaṁ tu bhaktitaralā viralāḥ parātman || 72-6 ||

sāyaṁ sa gōpabhavanāni bhavaccaritra-
gītāmr̥taprasr̥takarṇarasāyanāni |
paśyanpramōdasaridēva kilōhyamānō
gacchanbhavadbhavanasannidhimanvayāsīt || 72-7 ||

tāvaddadarśa paśudōhavilōkalōlaṁ
bhaktōttamāgatimiva pratipālayantam |
bhūman bhavantamayamagrajavantamanta-
rbrahmānubhūtirasasindhumivōdvamantam || 72-8 ||

sāyantanāplavaviśēṣaviviktagātrau
dvau pītanīlarucirāṁbaralōbhanīyau |
nātiprapañcadhr̥tabhūṣaṇacāruvēṣau
mandasmitārdravadanau sa yuvāṁ dadarśa || 72-9 ||

dūrādrathātsamavaruhya namantamēna-
mutthāpya bhaktakulamaulimathōpagūhan |
harṣānmitākṣaragirā kuśalānuyōgī
pāṇiṁ pragr̥hya sabalō:’tha gr̥haṁ ninētha || 72-10 ||

nandēna sākamamitādaramarcayitvā
taṁ yādavaṁ taduditāṁ niśamayya vārtām |
gōpēṣu bhūpatinidēśakathāṁ nivēdya
nānākathābhiriha tēna niśāmanaiṣīḥ || 72-11 ||

candrāgr̥hē kimuta candrabhagāgr̥hē nu
rādhāgr̥hē nu bhavanē kimu maitravindē |
dhūrtō vilaṁbata iti pramadābhiruccai-
rāśaṅkitō niśi marutpuranātha pāyāḥ || 72-12 ||

iti dvisaptatitamadaśakaṁ samāptam |

Also Read:

Narayaneeyam Dvisaptatitamadasakam Lyrics in English | Kannada | Telugu | Tamil

Add Comment

Click here to post a comment