Templesinindiainfo

Best Spiritual Website

Narayaniyam Ekonapancasattamadasakam Lyrics in Kannada | Narayaneyam Dasakam 49

Narayaniyam Ekonapancasattamadasakam in Kannada:

॥ ನಾರಾಯಣೀಯಂ ಏಕೋನಪಞ್ಚಾಶತ್ತಮದಶಕಮ್ ॥

ನಾರಾಯಣೀಯಂ ಏಕೋನಪಞ್ಚಾಶತ್ತಮದಶಕಮ್ (೪೯) – ವೃನ್ದಾವನಪ್ರವೇಶಮ್

ಭವತ್ಪ್ರಭಾವಾವಿದುರಾ ಹಿ ಗೋಪಾಸ್ತರುಪ್ರಪಾತಾದಿಕಮತ್ರ ಗೋಷ್ಠೇ |
ಅಹೇತುಮುತ್ಪಾತಗಣಂ ವಿಶಙ್ಕ್ಯ ಪ್ರಯಾತುಮನ್ಯತ್ರ ಮನೋ ವಿತೇನುಃ || ೪೯-೧ ||

ತತ್ರೋಪನನ್ದಾಭಿಧಗೋಪವರ್ಯೋ ಜಗೌ ಭವತ್ಪ್ರೇರಣಯೈವ ನೂನಮ್ |
ಇತಃ ಪ್ರತೀಚ್ಯಾಂ ವಿಪಿನಂ ಮನೋಜ್ಞಂ ವೃನ್ದಾವನಂ ನಾಮ ವಿರಾಜತೀತಿ || ೪೯-೨ ||

ಬೃಹದ್ವನಂ ತತ್ಖಲು ನನ್ದಮುಖ್ಯಾ ವಿಧಾಯ ಗೌಷ್ಠೀನಮಥ ಕ್ಷಣೇನ |
ತ್ವದನ್ವಿತತ್ವಜ್ಜನನೀನಿವಿಷ್ಟ-ಗರಿಷ್ಠಯಾನಾನುಗತಾ ವಿಚೇಲುಃ || ೪೯-೩ ||

ಅನೋಮನೋಜ್ಞಧ್ವನಿಧೇನುಪಾಲೀಖುರಪ್ರಣಾದಾನ್ತರತೋ ವಧೂಭಿಃ |
ಭವದ್ವಿನೋದಾಲಪಿತಾಕ್ಷರಾಣಿ ಪ್ರಪೀಯ ನಾಜ್ಞಾಯತ ಮಾರ್ಗದೈರ್ಘ್ಯಮ್ || ೪೯-೪ ||

ನಿರೀಕ್ಷ್ಯ ವೃನ್ದಾವನಮೀಶ ನನ್ದತ್ಪ್ರಸೂನಕುನ್ದಪ್ರಮುಖದ್ರುಮೌಘಮ್ |
ಅಮೋದಥಾಃ ಶಾದ್ವಲಸಾನ್ದ್ರಲಕ್ಷ್ಮ್ಯಾ ಹರಿನ್ಮಣೀಕುಟ್ಟಿಮಪುಷ್ಟಶೋಭಮ್ || ೪೯-೫ ||

ನವಾಕನಿರ್ವ್ಯೂಢನಿವಾಸಭೇದೇ-ಷ್ವಶೇಷಗೋಪೇಷು ಸುಖಾಸಿತೇಷು |
ವನಶ್ರಿಯಂ ಗೋಪಕಿಶೋರಪಾಲೀ-ವಿಮಿಶ್ರಿತಃ ಪರ್ಯವಲೋಕಥಾಸ್ತ್ವಮ್ || ೪೯-೬ ||

ಅರಾಲಮಾರ್ಗಾಗತನಿರ್ಮಲಾಪಾಂ ಮರಾಲಕೂಜಾಕೃತನರ್ಮಲಾಪಾಮ್ |
ನಿರನ್ತರಸ್ಮೇರಸರೋಜವಕ್ತ್ರಾಂ ಕಲಿನ್ದಕನ್ಯಾಂ ಸಮಲೋಕಯಸ್ತ್ವಮ್ || ೪೯-೭ ||

ಮಯೂರಕೇಕಾಶತಲೋಭನೀಯಂ ಮಯೂಖಮಾಲಶಬಲಂ ಮಣೀನಾಮ್ |
ವಿರಿಞ್ಚಲೋಕಸ್ಪೃಶಮುಚ್ಚಶೃಙ್ಗೈ-ರ್ಗಿರಿಂ ಚ ಗೋವರ್ಧನಮೈಕ್ಷಥಾಸ್ತ್ವಮ್ || ೪೯-೮ ||

ಸಮಂ ತತೋ ಗೋಪಕುಮಾರಕೈಸ್ತ್ವಂ ಸಮನ್ತತೋ ಯತ್ರ ವನಾನ್ತಮಾಗಾಃ |
ತತಸ್ತತಸ್ತಾಂ ಕೃಟಿಲಾಮಪಶ್ಯಃ ಕಲಿನ್ದಜಾಂ ರಾಗವತೀಮಿವೈಕಾಮ್ || ೪೯-೯ ||

ತಥಾವಿಧೇಽಸ್ಮಿನ್ವಿಪಿನೇ ಪಶವ್ಯೇ ಸಮುತ್ಸುಕೋ ವತ್ಸಗಣಪ್ರಚಾರೇ |
ಚರನ್ಸರಾಮೋಽಥ ಕುಮಾರಕೈಸ್ತ್ವಂ ಸಮೀರಗೇಹಾಧಿಪ ಪಾಹಿ ರೋಗಾತ್ || ೪೯-೧೦ ||

ಇತಿ ಏಕೋನಪಞ್ಚಾಶತ್ತಮದಶಕಂ ಸಮಾಪ್ತಮ್ |

Also Read:

Narayaniyam Ekonapancasattamadasakam Lyrics in English | Kannada | Telugu | Tamil

Narayaniyam Ekonapancasattamadasakam Lyrics in Kannada | Narayaneyam Dasakam 49

Leave a Reply

Your email address will not be published. Required fields are marked *

Scroll to top