Templesinindiainfo

Best Spiritual Website

Narmada Ashtakam Lyrics in Gujarati | નર્મદાષ્ટકમ્

નર્મદાષ્ટકમ્ Lyrics in Gujarati:

શ્રીનર્મદે સકલ-દુઃખહરે પવિત્રે
ઈશાન-નન્દિનિ કૃપાકરિ દેવિ ધન્યે ।
રેવે ગિરીન્દ્ર-તનયાતનયે વદાન્યે
ધર્માનુરાગ-રસિકે સતતં નમસ્તે ॥ ૧॥

વિન્ધ્યાદ્રિમેકલસુતે વિદિતપ્રભાવે
શાન્તે પ્રશાન્તજન-સેવિતપાદપદ્મે ।
ભક્તાર્તિહારિણિ મનોહર-દિવ્યધારે
સોમોદ્ભવે મયિ નિધેહિ કૃપાકટાક્ષમ્ ॥ ૨॥

આમેકલાદપર-સિન્ધુ-તરઙ્ગમાલા
યાવદ્ બૃહદ્ -વિમલ -વારિ-વિશાલધારા ।
સર્વત્ર ધાર્મિકજનાઽઽપ્લુતતીર્થદેશા
શ્રીનર્મદા દિશતુ મે નિજભક્તિમીશા ॥ ૩॥

સર્વાઃ શિલા યદનુષઙ્ગમવાપ્ય લોલા
વિશ્વેશરૂપમધિગમ્ય ચમત્કૃતાઙ્ગાઃ ।
પૂજ્યા ભવન્તિ જગતાં સ-સુરાઽસુરાણાં
તસ્યૈ નમોઽસ્તુ સતતં ગિરિશાઙ્ગજાયૈ ॥ ૪॥

યસ્યાસ્તટીમુભયતઃ કૃતસન્નિવેશા
દેશાઃ સમીર-જલબિન્દુ-કૃતાભિષેકાઃ ।
સોત્કણ્ઠ-દેવગણ-વર્ણિતપુણ્યમાલાઃ
શ્રીભારતસ્ય ગુણગૌરવમુદ્ગૃણન્તિ ॥ ૫॥

સ્વાસ્થ્યાય સર્વવિધયે ધન-ધાન્ય-સિધ્યૈ
વૃદ્ધિપ્રભાવનિધયે જનજાગરાયૈ ।
દિવ્યાવબોધવિભવાય મહેશ્વરાયૈ
ભૂયો નમોઽસ્તુ વરમઞ્જુલમઙ્ગલાયૈ ॥ ૬॥

કલ્યાણ-મઙ્ગલ-સમુજ્જ્વલ-મઞ્જુલાયૈ
પીયૂષસાર-સરસીરુહ-રાજહંસ્યૈ ।
મન્દાકિની-કનક-નીરજ-પૂજિતાયૈ
સ્તોત્રાર્ચનાન્યમર-કણ્ટક-કન્યકાયૈ ॥ ૭॥

શ્યામાં મુગ્ધસુધા-મયૂરવદનાં રત્નોજ્જવલાલઙ્કૃતિં
રામાં ફુલ્લ-સહસ્રપત્રનયનાં હાસોલ્લસન્તીં શિવામ્ ।
વામાં બાહુવિશાલ-વલ્લિવલયા-લોલાઙ્ગુલીપલ્લવાં
લાલિત્યોલ્લસિતાલકાવલિકલાં શ્રીનર્મદાં ભાવયે ॥ ૮॥

શ્રીનર્મદાઙ્ઘ્રિ-સરસીરુહ-રાજહંસી
સ્તોત્રાષ્ટકાવલિરિયં કલગીતવંશી ।
સંવાદ્યતેઽનુદિનમેકસમાં ભજદ્ભિ-
ર્યૈસ્તે ભવન્તિ જગદમ્બિકયાઽનુકમ્પ્યાઃ ॥ ૯॥

કાશીપીઠાધિનાથેન શઙ્કરાચાર્યભિક્ષુણા ।
કૃતા મહેશ્વરાનન્દ-સ્વામિનાઽઽસ્તાં સતાં મુદે ॥ ૧૦॥

ઇતિ કાશીપીઠાધીશ્વર-જગદ્ગુરુ-શઙ્કરાચાર્ય-સ્વામિ-
શ્રીમહેશ્વરાનન્દ-સરસ્વતી-વિરચિતં નર્મદાષ્ટકં સમ્પૂર્ણમ્ ।

Narmada Ashtakam Lyrics in Gujarati | નર્મદાષ્ટકમ્

Leave a Reply

Your email address will not be published. Required fields are marked *

Scroll to top