নর্মদাষ্টকম্ Lyrics in Bengali:
শ্রীনর্মদে সকল-দুঃখহরে পবিত্রে
ঈশান-নন্দিনি কৃপাকরি দেবি ধন্যে ।
রেবে গিরীন্দ্র-তনয়াতনয়ে বদান্যে
ধর্মানুরাগ-রসিকে সততং নমস্তে ॥ ১॥
বিন্ধ্যাদ্রিমেকলসুতে বিদিতপ্রভাবে
শান্তে প্রশান্তজন-সেবিতপাদপদ্মে ।
ভক্তার্তিহারিণি মনোহর-দিব্যধারে
সোমোদ্ভবে ময়ি নিধেহি কৃপাকটাক্ষম্ ॥ ২॥
আমেকলাদপর-সিন্ধু-তরঙ্গমালা
য়াবদ্ বৃহদ্ -বিমল -বারি-বিশালধারা ।
সর্বত্র ধার্মিকজনাঽঽপ্লুততীর্থদেশা
শ্রীনর্মদা দিশতু মে নিজভক্তিমীশা ॥ ৩॥
সর্বাঃ শিলা য়দনুষঙ্গমবাপ্য লোলা
বিশ্বেশরূপমধিগম্য চমত্কৃতাঙ্গাঃ ।
পূজ্যা ভবন্তি জগতাং স-সুরাঽসুরাণাং
তস্যৈ নমোঽস্তু সততং গিরিশাঙ্গজায়ৈ ॥ ৪॥
য়স্যাস্তটীমুভয়তঃ কৃতসন্নিবেশা
দেশাঃ সমীর-জলবিন্দু-কৃতাভিষেকাঃ ।
সোত্কণ্ঠ-দেবগণ-বর্ণিতপুণ্যমালাঃ
শ্রীভারতস্য গুণগৌরবমুদ্গৃণন্তি ॥ ৫॥
স্বাস্থ্যায় সর্ববিধয়ে ধন-ধান্য-সিধ্যৈ
বৃদ্ধিপ্রভাবনিধয়ে জনজাগরায়ৈ ।
দিব্যাববোধবিভবায় মহেশ্বরায়ৈ
ভূয়ো নমোঽস্তু বরমঞ্জুলমঙ্গলায়ৈ ॥ ৬॥
কল্যাণ-মঙ্গল-সমুজ্জ্বল-মঞ্জুলায়ৈ
পীয়ূষসার-সরসীরুহ-রাজহংস্যৈ ।
মন্দাকিনী-কনক-নীরজ-পূজিতায়ৈ
স্তোত্রার্চনান্যমর-কণ্টক-কন্যকায়ৈ ॥ ৭॥
শ্যামাং মুগ্ধসুধা-ময়ূরবদনাং রত্নোজ্জবলালঙ্কৃতিং
রামাং ফুল্ল-সহস্রপত্রনয়নাং হাসোল্লসন্তীং শিবাম্ ।
বামাং বাহুবিশাল-বল্লিবলয়া-লোলাঙ্গুলীপল্লবাং
লালিত্যোল্লসিতালকাবলিকলাং শ্রীনর্মদাং ভাবয়ে ॥ ৮॥
শ্রীনর্মদাঙ্ঘ্রি-সরসীরুহ-রাজহংসী
স্তোত্রাষ্টকাবলিরিয়ং কলগীতবংশী ।
সংবাদ্যতেঽনুদিনমেকসমাং ভজদ্ভি-
র্যৈস্তে ভবন্তি জগদম্বিকয়াঽনুকম্প্যাঃ ॥ ৯॥
কাশীপীঠাধিনাথেন শঙ্করাচার্যভিক্ষুণা ।
কৃতা মহেশ্বরানন্দ-স্বামিনাঽঽস্তাং সতাং মুদে ॥ ১০॥
ইতি কাশীপীঠাধীশ্বর-জগদ্গুরু-শঙ্করাচার্য-স্বামি-
শ্রীমহেশ্বরানন্দ-সরস্বতী-বিরচিতং নর্মদাষ্টকং সম্পূর্ণম্ ।
