O Rama Ninamamu Emi Ruchira Telugu Lyrics:
పల్లవి:
శ్రీరామ నీనామ మేమిరుచిరా ఓరామ నీనామ మెంతరుచిరా శ్రీ ॥
చరణము(లు):
కరిరాజ ప్రహ్లాద ధరణి విభీషణుల గాచిన నీనామ మేమిరుచిరా శ్రీ ॥
కదళీ ఖర్జూరాది ఫలములకధికమౌ కమ్మన నీనామ మేమిరుచిరా శ్రీ ॥
నవరసములకన్న నవనీతములకంటె నధికమౌ నీనామ మేమిరుచిరా శ్రీ ॥
పనస జంబూ ద్రాక్ష ఫలరసములకంటె నధికమౌ నీనామ మేమిరుచిరా శ్రీ ॥
అంజనతనయ హృత్కమలంబునందు రంజిల్లు నీనామమేమిరుచిరా శ్రీ ॥
శ్రీసదాశివుడు తానేవేళ భజియించు శుభరూప నీనామ మేమిరుచిరా శ్రీ ॥
సారములేని సంసార తరణమునకు తారకము నీనామమేమిరుచిరా శ్రీ ॥
శరణన్న జనులను సరగున రక్షించు బిరుదుగల్గిన నామమేమిరుచిరా శ్రీ ॥
తుంబుర నారదుల్‌ డంబుమీరగ గానంబుజేసెడి నీనామమేమిరుచిరా శ్రీ ॥
అరయ భద్రాచల శ్రీరామదాసుని ఏలిన నీ నామమేమి రుచిరా శ్రీ ॥
O Rama Ninamamu Emi Ruchira Lyrics in Telugu | Ramadasu Keerthana
