Ashtaka

Pathita Siddha Sarasvatastavah Lyrics in Malayalam | പഠിതസിദ്ധസാരസ്വതസ്തവഃ

പഠിതസിദ്ധസാരസ്വതസ്തവഃ Lyrics in Malayalam:

വ്യാപ്താനന്തസമസ്തലോകനികരൈങ്കാരാ സമസ്താ സ്ഥിരാ-
യാരാധ്യാ ഗുരുഭിര്‍ഗുരോരപി ഗുരുദേവൈസ്തു യാ വന്ദ്യതേ ।
ദേവാനാമപി ദേവതാ വിതരതാത് വാഗ്ദേവതാ ദേവതാ
സ്വാഹാന്തഃ ക്ഷിപ ഓം യതഃ സ്തവമുഖം യസ്യാഃ സ മന്ത്രോ വര ॥ 1॥

ഓം ഹ്രീം ശ്രീപ്രഥമാ പ്രസിദ്ധമഹിമാ സന്തപ്തചിത്തേ ഹി യാ
സൈം ഐം മധ്യഹിതാ ജഗത്ത്രയഹിതാ സര്‍വജ്ഞനാഥാഹിതാ ।
ശ്രീँ ക്ലീँ ബ്ലീँ ചരമാ ഗുണാനുപരമാ ജായേത യസ്യാ രമാ
വിദ്യൈഷാ വഷഡിന്ദ്രഗീഃപതികരീ വാണീം സ്തുവേ താമഹം ॥ 2॥

ഓം കര്‍ണേ ! വരകര്‍ണഭൂഷിതതനുഃ കര്‍ണേഽഥ കര്‍ണേശ്വരീ
ഹ്രീംസ്വാഹാന്തപദാം സമസ്തവിപദാം ഛേത്ത്രീ പദം സമ്പദാം ।
സംസാരാര്‍ണവതാരിണീ വിജയതേ വിദ്യാവദാതേ ശുഭേ
യസ്യാഃ സാ പദവീ സദാ ശിവപുരേ ദേവീവതംസീകൃതാ ॥ 3॥

സര്‍വാചാരവിചാരിണീ പ്രതരിണീ നൌര്‍വാഗ്ഭവാബ്ധൌ നൄണാം
വീണാവേണുവരക്വണാതിസുഭഗാ ദുഃഖാദ്രിവിദ്രാവണീ ।
സാ വാണീ പ്രവണാ മഹാഗുണഗണാ ന്യായപ്രവീണാഽമലം
ശേതേ യസ്തരണീ രണീഷു നിപുണാ ജൈനീ പുനാതു ധ്രുവം ॥ 4॥

ഓം ഹ്രീം ബീജമുഖാ വിധൂതവിമുഖാ സംസേവിതാ സന്‍മുഖാ
ഐം ക്ലീँ സൌँ സഹിതാ സുരേന്ദ്രമഹിതാ വിദ്വജ്ജനേഭ്യോ ഹിതാ ।
വിദ്യാ വിസ്ഫുരതി സ്ഫുടം ഹിതരതിര്യസ്യാ വിശുദ്ധാ മതിഃ
സാ ബ്രാഹ്മീ ജിനവക്ത്രവജ്രലലനേ ലീനാ തു ലീലാനു മാം ॥ 5॥

ഓം അര്‍ഹന്‍മുഖപദ്മവാസിനി ശുഭേ ! ജ്വാലാസഹസ്രാംശുഭേ
പാപപ്രക്ഷയകാരിണി ! ശ്രുതധരേ ! പാപം ദഹത്യാ ശുഭേ ।
ക്ഷാँ ക്ഷീँ ക്ഷൂँ വരബീജദുഗ്ധവലേ ! വം വം വഹം സ്വാവഹാ
ശ്രീവാഗ്ദേവ്യമൃതോദ്ഭവേ ! യദി ഭവേ മേ മാനസേ സാ ഭവേ ॥ 6॥

ഹസ്തേ ശര്‍മദപുസ്തികാം വിദധതീ സത്പാത്രകം ചാപരം
ലോകാനാം സുഖദം പ്രഭൂതവരദം സജ്ജ്ഞാനമുദ്രം പരം ।
തുഭ്യം ബാലമൃണാലകന്ദലലസല്ലീലാവിലോലം കരം
പ്രഖ്യാതാ ശ്രുതദേവതാ വിദധതീ സൂക്ഷ്മം നൃണാം സൂനൃതം ! ॥ 7॥

ഹംസോ ഹംസോതിഗര്‍വം വഹതി ഹി വിധൃതാ യന്‍മയൈഷാ മയൈഷാ
യന്ത്രം യന്ത്രം യദേതത് സ്ഫുടതി സിതതരാം സൈവ യക്ഷാവയക്ഷാ ।
സാധ്വീ സാധ്വീ ശിവാര്യാ പ്രവിധൃതഭുവനാ ദുര്‍ധരാ യാ ധരായാ
ദേവീ ദേവീജനാര്‍ഥ്യാ രമതു മമ സദാ മാനസേ മാനസേ സാ ॥ 8॥

സ്പഷ്ടപാഠം പഠത്യേതത് ധ്യാനേന പടുനാഷ്ടകം ।
അജസ്രം യോ ജനസ്തസ്യ ഭവനയുത്തമസമ്പദഃ ॥ 9॥

॥ ഇതി സാധ്വീശിവാര്യാവിരചിതം പഠിതസിദ്ധസാരസ്വതസ്തവഃ സമ്പൂര്‍ണഃ ॥

Add Comment

Click here to post a comment