పఠితసిద్ధసారస్వతస్తవః Lyrics in Telugu:
వ్యాప్తానన్తసమస్తలోకనికరైఙ్కారా సమస్తా స్థిరా-
యారాధ్యా గురుభిర్గురోరపి గురుదేవైస్తు యా వన్ద్యతే ।
దేవానామపి దేవతా వితరతాత్ వాగ్దేవతా దేవతా
స్వాహాన్తః క్షిప ఓం యతః స్తవముఖం యస్యాః స మన్త్రో వర ॥ ౧॥
ఓం హ్రీం శ్రీప్రథమా ప్రసిద్ధమహిమా సన్తప్తచిత్తే హి యా
సైం ఐం మధ్యహితా జగత్త్రయహితా సర్వజ్ఞనాథాహితా ।
శ్రీఁ క్లీఁ బ్లీఁ చరమా గుణానుపరమా జాయేత యస్యా రమా
విద్యైషా వషడిన్ద్రగీఃపతికరీ వాణీం స్తువే తామహమ్ ॥ ౨॥
ఓం కర్ణే ! వరకర్ణభూషితతనుః కర్ణేఽథ కర్ణేశ్వరీ
హ్రీంస్వాహాన్తపదాం సమస్తవిపదాం ఛేత్త్రీ పదం సమ్పదామ్ ।
సంసారార్ణవతారిణీ విజయతే విద్యావదాతే శుభే
యస్యాః సా పదవీ సదా శివపురే దేవీవతంసీకృతా ॥ ౩॥
సర్వాచారవిచారిణీ ప్రతరిణీ నౌర్వాగ్భవాబ్ధౌ నౄణాం
వీణావేణువరక్వణాతిసుభగా దుఃఖాద్రివిద్రావణీ ।
సా వాణీ ప్రవణా మహాగుణగణా న్యాయప్రవీణాఽమలం
శేతే యస్తరణీ రణీషు నిపుణా జైనీ పునాతు ధ్రువమ్ ॥ ౪॥
ఓం హ్రీం బీజముఖా విధూతవిముఖా సంసేవితా సన్ముఖా
ఐం క్లీఁ సౌఁ సహితా సురేన్ద్రమహితా విద్వజ్జనేభ్యో హితా ।
విద్యా విస్ఫురతి స్ఫుటం హితరతిర్యస్యా విశుద్ధా మతిః
సా బ్రాహ్మీ జినవక్త్రవజ్రలలనే లీనా తు లీలాను మామ్ ॥ ౫॥
ఓం అర్హన్ముఖపద్మవాసిని శుభే ! జ్వాలాసహస్రాంశుభే
పాపప్రక్షయకారిణి ! శ్రుతధరే ! పాపం దహత్యా శుభే ।
క్షాఁ క్షీఁ క్షూఁ వరబీజదుగ్ధవలే ! వం వం వహం స్వావహా
శ్రీవాగ్దేవ్యమృతోద్భవే ! యది భవే మే మానసే సా భవే ॥ ౬॥
హస్తే శర్మదపుస్తికాం విదధతీ సత్పాత్రకం చాపరం
లోకానాం సుఖదం ప్రభూతవరదం సజ్జ్ఞానముద్రం పరమ్ ।
తుభ్యం బాలమృణాలకన్దలలసల్లీలావిలోలం కరం
ప్రఖ్యాతా శ్రుతదేవతా విదధతీ సూక్ష్మం నృణాం సూనృతమ్ ! ॥ ౭॥
హంసో హంసోతిగర్వం వహతి హి విధృతా యన్మయైషా మయైషా
యన్త్రం యన్త్రం యదేతత్ స్ఫుటతి సితతరాం సైవ యక్షావయక్షా ।
సాధ్వీ సాధ్వీ శివార్యా ప్రవిధృతభువనా దుర్ధరా యా ధరాయా
దేవీ దేవీజనార్థ్యా రమతు మమ సదా మానసే మానసే సా ॥ ౮॥
స్పష్టపాఠం పఠత్యేతత్ ధ్యానేన పటునాష్టకమ్ ।
అజస్రం యో జనస్తస్య భవనయుత్తమసమ్పదః ॥ ౯॥
॥ ఇతి సాధ్వీశివార్యావిరచితం పఠితసిద్ధసారస్వతస్తవః సమ్పూర్ణః ॥
