bhuvana-kelikalā-rasike śive
jhatiti jhanjhaṇa-jhaṅkṛta-nūpūre ।
dhvanimayam bhava-bījamanaśvaram
jagadidam tava śabdamayam vapuh ॥ 1॥
vividha-citra-vicitramadbhutam
sadasadātmakamasti cidātmakam ।
bhavati bodhamayam bhajatām hṛdi
śiva śiveti śiveti vaco’niśam ॥ 2॥
janani manjula-maṅgala-mandiram
jagadidam jagadamba tavepsitam ।
śiva-śivātmaka-tattvamidam param
hyahamaho nu nato’smi nato’smyaham ॥ 3॥
stutimaho kila kim tava kurmahe
suragurorapi vākpatutā kutah ।
iti vicārya pare parameśvari
hyahamaho nu nato’smi nato’smyaham ॥ 4॥
citi camatkṛticintanamastu me
nijaparam bhavabheda-nikṛntanam ।
pratipalam śivaśaktimayam śive
hyahamaho nu nato’smi nato’smyaham ॥ 5॥
iti śrīdattātreyānandanāthaviracitam praṇatipancakam sampūrṇam ।
Pranatipanchakam Lyrics in English