పృథ్వీధరరాజపుత్ర్యష్టకమ్ Lyrics in Telugu:
జ్ఞాత్వాపి దోషాన్విషయేషు శబ్దరసాదిమేష్వప్రతిబద్ధతర్షమ్ ।
ఆకారమాత్రాత్పరహంసరూపం మాం పాహి పృథ్వీధరరాజపుత్రి ॥ ౧॥
వివేకవైరాగ్యశమాదిషట్కముముక్షుతాగన్ధలవానభిజ్ఞమ్ ।
నక్తన్దివం స్వోదరపూరణేచ్ఛుం మాం పాహి పుథ్వీధరరాజపుత్రి ॥ ౨॥
కాషాయవస్త్రేణ కరాత్తదణ్డకమణ్డలుభ్యాం జపమాలయా చ ।
విభ్రామయన్తం గృహిణాం కదమ్బం మాం పాహి పృథ్వీధరరాజపుత్రి ॥ ౩॥
వేదాన్తవాక్యాని ముధోచ్చరన్తం తదర్థజాతం బహు వర్ణయన్తమ్ ।
కదాపి న ధ్యాతపరాత్మతత్త్వం మాం పాహి పృథ్వీధరరాజపుత్రి ॥ ౪॥
సువర్ణతన్తూజ్జ్వలచేలకామం యానేషు మానేషు వివృద్ధరాగమ్ ।
అఙ్గీకృతానేకసుమిత్రశత్రుం మాం పాహి పృథ్వీధరరాజపుత్రి ॥ ౫॥
భోగా అనేకా మనసాప్యలభ్యా భూయాసురిత్యన్వహమీహమానమ్ ।
గురూత్తమారాధనదూరచిత్తం మాం పాహి పృథ్వీధరరాజపుత్రి ॥ ౬॥
కుతో యతేరస్య శరీరమానధనాభిమానః సతతం దురన్తః ।
అశేషలోకైరితి నిన్ద్యమానం మాం పాహి పుథ్వీధరరాజపుత్రి ॥ ౭॥
నివారితాశేషమహాఘవృన్దైరవ్యాజకారుణ్యసుధాతరఙ్గైః ।
అపాఙ్గపాతైరవలోకయన్తీ మాం పాహి పూరథ్వీధరరాజపుత్రి ॥ ౮॥
ఇదం హి పృథ్వీధరరాజపుత్రీపాదారవిన్దార్పితమానసేన ।
కర్మన్దినా నిర్మితమష్టకం యః పఠేత్స భూయాదఖిలేష్టగేహమ్ ॥ ౯॥
ఇతి శృఙ్గేరి శ్రీజగద్గురు శ్రీసచ్చిదానన్దశివాభినవనృసింహ-
భారతీస్వామిభిః విరచితం శ్రీపృథ్వీధరరాజపుత్ర్యష్టకం సమ్పూర్ణమ్ ।
