പുണ്യോദയപ്രശസ്ത്യഷ്ടകം Lyrics in Malayalam:
പുണ്യമൂര്തിഃ പുണ്യചേതാഃ പുണ്യധീഃ പുണ്യവാങ്മഹാഃ ।
പുണ്യകര്മാ പുണ്യശര്മാ ശ്രീപുണ്യവിജയോ മുനിഃ ॥ 1॥
നിസര്ഗവത്സലോ ധീരോ വിശാലഹൃദയസ്തഥാ ।
പരോപകാരപ്രവണോ നംനസൌംയസ്വഭാവഭാക് ॥ 2॥
ഉദാത്തചിന്തനോ ദീപ്രപ്രജ്ഞോ വാചംയമസ്തഥാ ।
നിര്ഭീകഃ സത്യസാമര്ഥ്യപ്രഭാപ്രസൃമരോദയഃ ॥ 3॥
ജൈന-വൈദിക-ബൌദ്ധാനാം ശാസ്ത്രേഷു സുവിശാരദഃ ।
സമ്മാനനീയോ വിദുഷാം വിദ്യാസംസ്ഥേവ ജങ്ഗമാ ॥ 4॥
യദീയോ വ്യവസായശ്ച മുഖ്യരൂപേണ വര്തതേ ।
ശ്രേഷ്ഠപദ്ധതിതഃ പ്രാച്യശാസ്ത്രാണാം പരിശോധനം ॥ 5॥
ബഹുപ്രാചീനശാസ്ത്രാഢ്യഭാണ്ഡാഗാരാവലോകനം ।
കൃത്വാ ശ്രമേണ യോഽകാര്ഷീത് തേഷാമുദ്ധാരമുത്തമം ॥ 6॥
മഹാമേധാവിനാ യേന പ്രാചീനാ ബഹുഗൌരവാഃ ।
ഗ്രന്ഥാഃ സമ്പാദിതാഃ സന്തി വിദ്വദാന്ദകാരിണഃ ॥ 7॥
വിദ്യാസങ്ഗപരായണോ മുനിപദാലങ്കാരഭൂതക്രിയഃ
ശ്രേഷ്ഠാചാരവിചാരപൂതവികസദ്വൈദുഷ്യനിഷ്പാദിതം ।
ഭവ്യശ്ലോകമനല്പധാമമഹിമാ വിഭ്രന്മഹാസാത്ത്വികോ
ജീയാദ് വിശ്വജനായ പുണ്യവിജയഃ പുണ്യപ്രകാശം ദിശന് ॥ 8॥
ഇതി മുനി ന്യായവിജയവിരചിതം പുണ്യോദയപ്രശസ്ത്യഷ്ടകം സമാപ്തം ।