ପୁଣ୍ୟୋଦୟପ୍ରଶସ୍ତ୍ୟଷ୍ଟକମ୍ Lyrics in Oriya:
ପୁଣ୍ୟମୂର୍ତିଃ ପୁଣ୍ୟଚେତାଃ ପୁଣ୍ୟଧୀଃ ପୁଣ୍ୟଵାଙ୍ମହାଃ ।
ପୁଣ୍ୟକର୍ମା ପୁଣ୍ୟଶର୍ମା ଶ୍ରୀପୁଣ୍ୟଵିଜୟୋ ମୁନିଃ ॥ ୧॥
ନିସର୍ଗଵତ୍ସଲୋ ଧୀରୋ ଵିଶାଲହୃଦୟସ୍ତଥା ।
ପରୋପକାରପ୍ରଵଣୋ ନମ୍ନସୌମ୍ୟସ୍ଵଭାଵଭାକ୍ ॥ ୨॥
ଉଦାତ୍ତଚିନ୍ତନୋ ଦୀପ୍ରପ୍ରଜ୍ଞୋ ଵାଚଂୟମସ୍ତଥା ।
ନିର୍ଭୀକଃ ସତ୍ୟସାମର୍ଥ୍ୟପ୍ରଭାପ୍ରସୃମରୋଦୟଃ ॥ ୩॥
ଜୈନ-ଵୈଦିକ-ବୌଦ୍ଧାନାଂ ଶାସ୍ତ୍ରେଷୁ ସୁଵିଶାରଦଃ ।
ସମ୍ମାନନୀୟୋ ଵିଦୁଷାଂ ଵିଦ୍ୟାସଂସ୍ଥେଵ ଜଙ୍ଗମା ॥ ୪॥
ୟଦୀୟୋ ଵ୍ୟଵସାୟଶ୍ଚ ମୁଖ୍ୟରୂପେଣ ଵର୍ତତେ ।
ଶ୍ରେଷ୍ଠପଦ୍ଧତିତଃ ପ୍ରାଚ୍ୟଶାସ୍ତ୍ରାଣାଂ ପରିଶୋଧନମ୍ ॥ ୫॥
ବହୁପ୍ରାଚୀନଶାସ୍ତ୍ରାଢ୍ୟଭାଣ୍ଡାଗାରାଵଲୋକନମ୍ ।
କୃତ୍ଵା ଶ୍ରମେଣ ୟୋଽକାର୍ଷୀତ୍ ତେଷାମୁଦ୍ଧାରମୁତ୍ତମମ୍ ॥ ୬॥
ମହାମେଧାଵିନା ୟେନ ପ୍ରାଚୀନା ବହୁଗୌରଵାଃ ।
ଗ୍ରନ୍ଥାଃ ସମ୍ପାଦିତାଃ ସନ୍ତି ଵିଦ୍ଵଦାନ୍ଦକାରିଣଃ ॥ ୭॥
ଵିଦ୍ୟାସଙ୍ଗପରାୟଣୋ ମୁନିପଦାଲଙ୍କାରଭୂତକ୍ରିୟଃ
ଶ୍ରେଷ୍ଠାଚାରଵିଚାରପୂତଵିକସଦ୍ଵୈଦୁଷ୍ୟନିଷ୍ପାଦିତମ୍ ।
ଭଵ୍ୟଶ୍ଲୋକମନଲ୍ପଧାମମହିମା ଵିଭ୍ରନ୍ମହାସାତ୍ତ୍ଵିକୋ
ଜୀୟାଦ୍ ଵିଶ୍ଵଜନାୟ ପୁଣ୍ୟଵିଜୟଃ ପୁଣ୍ୟପ୍ରକାଶଂ ଦିଶନ୍ ॥ ୮॥
ଇତି ମୁନି ନ୍ୟାୟଵିଜୟଵିରଚିତଂ ପୁଣ୍ୟୋଦୟପ୍ରଶସ୍ତ୍ୟଷ୍ଟକମ୍ ସମାପ୍ତମ୍ ।
