Ashtaka

Punyodaya Prashasti Ashtakam Lyrics in Telugu | పుణ్యోదయప్రశస్త్యష్టకమ్

పుణ్యోదయప్రశస్త్యష్టకమ్ Lyrics in Telugu:

పుణ్యమూర్తిః పుణ్యచేతాః పుణ్యధీః పుణ్యవాఙ్మహాః ।
పుణ్యకర్మా పుణ్యశర్మా శ్రీపుణ్యవిజయో మునిః ॥ ౧॥

నిసర్గవత్సలో ధీరో విశాలహృదయస్తథా ।
పరోపకారప్రవణో నమ్నసౌమ్యస్వభావభాక్ ॥ ౨॥

ఉదాత్తచిన్తనో దీప్రప్రజ్ఞో వాచంయమస్తథా ।
నిర్భీకః సత్యసామర్థ్యప్రభాప్రసృమరోదయః ॥ ౩॥

జైన-వైదిక-బౌద్ధానాం శాస్త్రేషు సువిశారదః ।
సమ్మాననీయో విదుషాం విద్యాసంస్థేవ జఙ్గమా ॥ ౪॥

యదీయో వ్యవసాయశ్చ ముఖ్యరూపేణ వర్తతే ।
శ్రేష్ఠపద్ధతితః ప్రాచ్యశాస్త్రాణాం పరిశోధనమ్ ॥ ౫॥

బహుప్రాచీనశాస్త్రాఢ్యభాణ్డాగారావలోకనమ్ ।
కృత్వా శ్రమేణ యోఽకార్షీత్ తేషాముద్ధారముత్తమమ్ ॥ ౬॥

మహామేధావినా యేన ప్రాచీనా బహుగౌరవాః ।
గ్రన్థాః సమ్పాదితాః సన్తి విద్వదాన్దకారిణః ॥ ౭॥

విద్యాసఙ్గపరాయణో మునిపదాలఙ్కారభూతక్రియః
శ్రేష్ఠాచారవిచారపూతవికసద్వైదుష్యనిష్పాదితమ్ ।
భవ్యశ్లోకమనల్పధామమహిమా విభ్రన్మహాసాత్త్వికో
జీయాద్ విశ్వజనాయ పుణ్యవిజయః పుణ్యప్రకాశం దిశన్ ॥ ౮॥

ఇతి ముని న్యాయవిజయవిరచితం పుణ్యోదయప్రశస్త్యష్టకమ్ సమాప్తమ్ ।

Add Comment

Click here to post a comment